SLUFA VU 24:6 - Bible en langue guiziga

⁶ A puram kaɓa mekepel mazuɓu, kaɓa jarne misilaɓɓa a ˀaydidik, kaɓa alowehey Bumbulvuŋ minga taŋ le, kaɓa miterey a mi yam.

SLUFA VU 24:6 ပူးပေါင်းရင်းမြစ်များ

ZLI VIRZI 13:10

Lot, a pura hirwuy ngi mi mizaw Zurdeŋ keɗ keɗ na, li ara hir haɗa. Dumbuŋ ti Bumbulvuŋ mususuyumo Sodom ati Gomoro t'aruŋ na, zle a diga hã a Suwara, naŋ kaɓa guva ngi Bumbulvuŋ a Eden, kaɓa Sozo ngi ruwuy Ezipte.

DIMISEY 1:3

Mbur nah na, naŋ kaɓa widis mikaˀ a mi mizaw: angi hin ngi yi naŋ gar na, ara yi, yo kalaf naŋ anta ɓut ta. Gwat naŋ maga gar na, a gi kasl kasl.

DIMISEY 104:16

Bumbulvuŋ, widis ɗikey ara mbam ti yam, i miter ngi Libaŋhay, ka minga taŋ na.

DIMISEY 45:8

Ki wuɗ di i gi gwat mijeŋŋe, amma ki hirsa gi gwat malambaˀa. Buy ɗik, Buymisemuŋ mupuw mal ngi vula mumul a hirnga na, vurˀe, yo a wini di i ka, mbak cil ɗikeye le.

DIMIS MIMEZLE 6:11

I pi sar ng'ar jarne ngi babazla, ɓa i singila kalaf mapo tir hurjijiŋ na, ɓa i pura, a ro na gudubun ara gi guduguluk kwa? Yo hunduruk ara fuyuk kwa mbrike?

EZAYI 41:19

Ar li mikirɗak kirɗakaya, i sa ngi miterey, ngalalayay, giziŋ mandir tukuzo tukuzo, waɗ tutumburoy. Ar li manja yamaya, i sa ngi widis migidaŋ mimezle ati pin waɗ buwi jom arleˀe.

EZAYI 58:11

Bumbulvuŋ a sa kuw mbuŋ, ko mbak le anta, ko ar li mikirɗak kirɗak kwana, a sa vuluw gwat ngi zumo, A sa tira tesl ngi vu ɗike selek. Ki sa tiri kaɓa jarne mipakaŋ yam le gwesl gwesle, kaɓa miviɗiviɗi ngi yam mahisik ta.

ZEREMI 17:18

Mizli misipi ɗuwoy nder nder na, anja mesem a kiɗ di i taŋ, a kiɗ di i ya ta jaka. Anja mahuluɓam hilaɓ hilaɓa i taŋ, mbak ya le! So ti hin ngi bonoy nga hirnga taŋ, ngila taŋ meɗ meɗe.

ZEREMI 31:12

Israyeley ara ndiloko, ara zlam dimis ngi mumul a muwã Siyoŋ. A ra soko hiɗim hiɗim ng'avi gwat mezlehey Bumbulvuŋ mavula taŋ di, ng'avi alkamari, mbaazla si, mal muɗuco wureˀ, tumuŋ ati ˀaway, waɗ ng'avi slahay. A puraka vu taŋ zuyyo kaɓa widis mikaˀ a mi yam. ko t'anta sa hĩhĩyam mata.

EZEKIYEL 47:12

Sukwi ngi widis ngi zumoy a sa gilam a mi mizawa, a ˀaydidikeye, ti ka ti ka cuw taŋ. Kalaf taŋhay anta sa ɓutom ɓut le ta, yo yi taŋhay kwana anta sa kiɗam mi pas le ta. Vur kiya gar na, a sa yam, asi yam ngi mizawa, a bo tir hay ngi Bumbulvuŋ. Yi taŋhay a sa ndiram ar deɗe ngi ɗafa, yo kalaf taŋhaya kwana ar deɗe ngi slalaka.»

SLUFA VU 24:5

Kum mizli ngi Israyeley, kayya, guɗuk kumoyo, taŋ mezle haɗi! Kum mizli ngi Zakopoy, kayya, hay kumoyo, taŋ mezle haɗi