SLUFA VU 24:1 - Bible en langue guiziga

¹ Bumbulvuŋ a wuɗ, sey a ɗuwula mi da Israyele na, Balaˀam a si na le muduba. Aru nga cino mingiɓi ngi Bumbulvuŋ manjikaŋ di, kaɓa naŋ maga zleˀe na mata. Amma a mbiɗi hiri kutum ngir ti wuzlaɓuh mikirɗak kirɗak.

SLUFA VU 24:1 ပူးပေါင်းရင်းမြစ်များ

SLUFA VU 22:13

Li naŋ muwuno, Balaˀam mislikiɗ si na, a ɓa mislin ngi Balakay tuwa. «Mam nga hirwuy kumo, asi Bumbulvuŋ a ngum ɓa i ru asi kumo ta.»

SLUFA VU 22:7

Mizli micawwa ngi Moˀapay ati Madiyanaya, gwat ngi vul da Balaˀam mbur mupura daˀasa, a rakaŋ di ngi hay a haŋ. Dar a slufakaŋ ɓi ngi buy Balak tuwa.

SLUFA VU 23:15

Balaˀam a ɓa buy Balaka: «Cici deŋ aka gweˀ avu gwat ngi mikuli ɗik mazlum na, y'ani ru nga diga ngi kutuko ɓi masa ɓikiy di.»

SLUFA VU 23:20

Ya, yi ngum le ngi ɗuwula mi da mizli tayna, asi Bumbulvuŋ a ɗuwula taŋ di le. Y'anta mbiɗa pal ta.

SLUFA VU 23:23

Mihiziga njoloy anta asi Israyeleye ta, mupura daˀasay anta a hay Zakopo ta. Gwat Bumbulvuŋ maga gar na, a dubunaka kasl kasl ar pas naŋ si.

SLUFA VU 23:28

Balak aru ti Balaˀama sesẽŋ nga mesengel ngi muwã Peˀor. Wuzlaɓuh mikirɗak kirɗaka, a pur kaɗaŋ kaɗaŋ a diga.

SLUFA VU 23:3

Balaˀam a ɓa Balaka: «Cici gweˀ avu gwat ngi mikuli ɗik mazlum na, yi wuɗ i buˀ neˀ avu ka. Asinta, Bumbulvuŋ a sa ji ti ya hirnga kwani? da a ɓiy di i ɓi wana wana gar na, yi sa ɓuw di.» A jiɗ nga muwã manja widisey.

SLUFA VU 23:30

Balak a ga kaɓa Balaˀam miɓaŋ di tuwa. Dar a gi mikuli ti gusoŋ pal waɗ zlengerek pal ar li gi mikuliheye tiɗeˀe.

SLUFA VU 31:16

Ɓi ngi Peˀor na, ki sinaka le kuy kuy ngbaŋ. Balaˀam a kuta ngwas Madiyanaya, ɓa a hizigiɗaka mizli Israyeleye, a gam mungra madiɗa avu Bumbulvuŋ, a dirba nah, bonoy madiɗa a diɗ vu ar mizli ngi Bumbulvuŋhoyo.

ƁIMUNJUYO 2:14

Amma i wuɗ i mbuɗuw hirnga neˀe: mizli madubunam ɓi ngi Balaˀam na, ada a hay ɗike. Balaˀam nah na, a pa mi da Balaka, ɓa a gi gwat ngi hizigiɗa Israyeleye, ɓa a zumam ˀuse ngi kulihey, yo ɓa a gam sulome.

SAMUYEL MUDUMBUŊ NAŊ 24:20

Da mbur miji hirnga le ti mesene naŋ ma na, a pula aru jam jam zleˀe ma kwa? Anja Buymisemuŋ a wurkuw migir ngi gwat ka migiy di ngadana na.

SAMUYEL MUDUMBUŊ NAŊ 26:2

Sawul a zuɓa jiviɗ, aru nga wuzlaɓuh ngi Zife. Soje Israyeley durmuk makir a ram seˀeŋ nga sipa Davit a wuzlaɓuh ngi Zife.

SAMUYEL MUDUMBUŊ NAŊ 26:25

Sawul a ɓa Davite: «Mangal ɗu Davit, anja Bumbulvuŋ a ɗuwuluw mi. Naŋ kanah, kisa gi gwat madiɗa madiɗahay, a sa gam gisiŋ gisiŋ si.» Davit a zuɓa jiviɗ naŋ, a ru, joˀ Sawulo kwana a mi ngi hay naŋ ya.