SLUFA VU 22:8 - Bible en langue guiziga

⁸ Balaˀam a ɓa taŋ: «Hinam aka. Tiprike, i sa mbuɗukum mi kaɓa Bumbulvuŋ misa ɓiy di le.» Buy ngi Moˀapay a ndiram a hay Balaˀama so.

SLUFA VU 22:8 ပူးပေါင်းရင်းမြစ်များ

BUYOY MUDUMBUŊ NAŊ 13:8

Amma mijiviɗ ngi Bumbulvuŋ a mbiɗa da buyo: «Da ko ki vuliy cah avu hay ɗik na tekeɗe kwana, y'anta ci a hay ɗike ta. Ar li hana, y'anta zum ɗafa ta, yo y'anta si yam ngi ra ta ma.

BUYOY MUDUMBUŊ NAŊ 22:14

Mise a mbiɗaŋ di: «Hadam ti Bumbulvuŋ, naŋ da ti siifa! I sa ɓaŋ sey i ɓi Bumbulvuŋ masa ɓiy di tewle.»

ZEREMI 12:2

Ki hirva taŋ le, a pam dimbasl le, a gilam, hã a yam. A zilaka slimiɗ ɗike daˀ avu mi tewle, amma a mevel taŋ, taŋ kileŋ avu ka.

EZEKIYEL 33:31

Mizli ɗuwoyo, a sa joko kaw kaw ng'avi ka, a cifam joa mbuŋ ɗike. A sa cinaka mingiɓi ɗik na, amma t'anta sa gam di slra ta, asi a ɓam mi mideɗek ɓula, dambalaka a mevel taŋ a sipam di i jiviɗ ngi lum.

SLUFA VU 12:6

Bumbulvuŋ a ɓa taŋ: «Cinaka mingiɓi ɗu ani kuy kuy: Da mijiviɗ ada a wuzla kumo na, ya Bumbulvuŋ, i bigaŋ vu, ɓa a puriy ti kleŋ, yo i ɓaŋ ɓi ar musuwun.

SLUFA VU 22:18

Amma Balaˀam a mbiɗa da mislin ngi Balakaya: «Da ko Balak a vuliy dala ati ɓiri tapasl tapasl mundus ndus ar mugum naŋ na gar da ya kwana, y'anta ziriɗa mi ngi Bumbulvuŋ, Buymisemuŋ ɗu ta.

SLUFA VU 22:38

Balaˀam a mbiɗa da Balaka: «Yawwa, y'ani! Amma jiviɗ ada ɓa i ɓi lambaˀ kwa? I sa ɓi di i ɓi Buymisemuŋ masa bo di ti balam ɗu na tewle.»

SLUFA VU 22:7

Mizli micawwa ngi Moˀapay ati Madiyanaya, gwat ngi vul da Balaˀam mbur mupura daˀasa, a rakaŋ di ngi hay a haŋ. Dar a slufakaŋ ɓi ngi buy Balak tuwa.

SLUFA VU 22:9

Buymisemuŋ a sawa, a cufuɗa Balaˀama: «Mizli ka mitiɓa taŋ ngi hay ɗik na, i waniyka?»

SLUFA VU 23:12

Balaˀam a mbiɗaŋ di: «Da ya mira ɓi na, sey i ɓi di i ɓi Bumbulvuŋ maɓo di ti balam ɗu na ta kwa?»

SLUFA VU 23:3

Balaˀam a ɓa Balaka: «Cici gweˀ avu gwat ngi mikuli ɗik mazlum na, yi wuɗ i buˀ neˀ avu ka. Asinta, Bumbulvuŋ a sa ji ti ya hirnga kwani? da a ɓiy di i ɓi wana wana gar na, yi sa ɓuw di.» A jiɗ nga muwã manja widisey.

SLUFA VU 24:13

Ko da Balak a vuliy dala waɗ ɓiri tapasl tapasl mindeŋ ndeŋ ar mugum naŋ na kwana, y'anta ziriɗa mi ngi Bumbulvuŋ muɗuviy di na ta. I ɓi di i ɓi Bumbulvuŋ miɓiy na tewle di si.