SLUFA VU 19:9 - Bible en langue guiziga

⁹ Yo mbur masa hila fucu ngi sla na, i mbur manja dili, a sa pa ar li manja dili a duba gala. Israyeley a sa wam di vu ngi pi ar yam, ɓa a tiri yam ngi zuɓa hiryi. Nah i mikuli ngi pula mungra.

SLUFA VU 19:9 ပူးပေါင်းရင်းမြစ်များ

LEVIHEY 15:20

Ngwas nah, gwat naŋ mihin le anga gar na, naŋ ti dili, yo gwat naŋ micifi le anga gar na, naŋ ti dili.

ZAKARI 13:1

«Tapasa, yam a sa bo vilvil ar deɗe ngi slalak ngi buna dili ati mungra ngi mizli ngi hay Davitey ati ngi Zeruzalemeye.»

SLUFA VU 19:13

Ko wa gar mija haŋ le avu vagay ngi mbur, da a zuɓa dili naŋ ta na, naɓa a co ti hiryi le ng'ar guɗuk nga ya Bumbulvuŋ. A sa ɓulaka mbur nah ti wuzla Israyeley avra, asi a kucakaŋ yam ngi zuɓa dili ta tuwa, a ndir ti dili.

SLUFA VU 19:17

Ɓa ngi zuɓa dili ngi mbur nah na, a wuɗam fucu ngi sla migam di mikuli zlam zlam ngi zuɓa mungra, a paka sek ar gandaf, a pam yam munuwa ar miviɗiviɗi naŋ sek nga hirnga naŋ.

SLUFA VU 19:18

Mbur manja dili, a wuɗ mihaŋ ngi izop. A ca yop ar yam tuwa, a kuca ng'ar guɗuk, mbur mumuca misi ara tuwa, ng'ar gwatay ati mizli misi ar guɗuko, malla a kuca da mbur mija haŋ avu tesl ngi mbur mikiɗa ti kiɗ malla mumuc ti muc tuwa, malla mija haŋ avu zivi tuwa.

SLUFA VU 19:3

Ki sa vulaka da masay Elazar. A sa bi di nga duba gala, a slaka ˀay naŋ mur naŋ.

SLUFA VU 19:8

Mbur muzluma sla vuna ya kwana, a sa buna zana naŋhay ati vu naŋ ya, a sa ndir ti dili hã pastaˀ.

SLUFA VU 6:12

Akẽh na, a vula vu naŋ da ya Bumbulvuŋ, naŋ muɗuva hin naŋ zleˀe tuwa, a zla virzi naŋ hirik a muŋ ma, a vul tumuŋ ngi vi pal ngi gi mikuli ngi ɗiya ɓi. Hin mucohomoy na, a slufam anga mata, asi hin naŋ misla zleˀe tuwa, a pusuk le.

SLUFA VU 8:7

Gwat ka masa ga ngi zuɓa taŋ dili na, ani: kuca taŋ yam ngi zuɓa dili, anja a hijaka ngwic misi avu vu taŋ cek, a bunaka zana taŋhaya, naɓa dili taŋ a zuɓ le avra.

SLUFA VU 9:13

Amma mbur manja dili, da a zuɓ mulak ta, yo a gi jalaɓi le ti muguzlum Paka na, a sa gwahaka ti wuzla Israyeley avra, vur naŋ muso ti gwat ngi vul da ya Bumbulvuŋ ar hin naŋ muɗuva mijeŋŋe na ta, mbur nah a sa jijira zayɓi ngi mungra naŋ na.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

KORENTIHEY MUCUW NAŊ 7:1

Yeme ɗuwoy, ani gwat tayna gar na, Buymisemuŋ a ɓa ndra di le ɗaˀ le, a sa ndiram da ndra. Vurˀe, dumvu ndra ati musuɗuk ngi vu ndra misi dili na, zuɓukum dili taŋ ti haŋ ndra. Tumukum vu ɓa i ndiram ndr'i mizli muvuku vu taŋ wãˀ ti zluwunun ti Buymisemuŋ.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

HEBEREY 9:13

Asi mike na, pumbus ngi bazuway ati ngi gusoŋhoy, yo fucu ngi bulkoŋhoy mapaka pik pik ng'ar mizli misi diliheye, ada zuɓa taŋ dili ngi dumvu taŋ avra.