SLUFA VU 18:8 - Bible en langue guiziga

⁸ Bumbulvuŋ a ɓa Aroŋ na: «Pura ɗi, gwat ngi vul Israyeley mavulikiy di gar na, i pula zayɓi naŋ asi haŋ ɗiki. I vuluw taŋ da ka, i mi ngi ɗiki, a sa ndir da ziri ɗikey ngi caˀa nga mbuŋ.

SLUFA VU 18:8 ပူးပေါင်းရင်းမြစ်များ

LEVIHEY 6:16

Mikuli masay mavula gar na, a zlumaka zlam zlam wãˀ, anta zumaka ta.»

LEVIHEY 7:6

Mbur ngir sukwi ngi masay gar na, a zuma zuy. Yo a zumaka ar li mipal. Hana i gwat mipal wãˀ.

LEVIHEY 6:18

«Ɓa Aroŋ ati ziri naŋhaya na: mikuli ngi pula mungra na, mezegwel naŋ ani: Li taŋ maslaka ginew ngi zlum zlam zlam wãˀ a mbuŋ ɗu na, ginew ngi mikuli ngi pula mungra, a slaka ˀay naŋ anga ya. Hana i gwat mipal wãˀ.

BI NGI ISRAYELEY 40:15

Ki sa vula taŋ slra ti pa taŋ mala, kaɓa ka muvula da cine taŋ na ya, ɓa a gikiy mikuli. Mal ka masa pa taŋ di nah na, a sa tiri ti taŋ i masayay hã ngi sete, taŋ vuna ati dideˀ taŋhaya.

BI NGI ISRAYELEY 40:13

A dirba nah, kisa ka zanahay mipal na da Aroŋ. Ki paŋ mal, ɓa a tiri masay ngi gi slra ɗu.

BI NGI ISRAYELEY 29:29

A dirba Aroŋ mumuc le na, a sa vulaka zana ngi mezegwel tuwa da dideˀ naŋhay, a sa kaka tapas mezegwel ngi vul taŋ da Buymisemuŋ, pas macaka taŋ masayay.

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

ZAŊ MUDUMBUŊ NAŊ 2:20

Na, kum gar na, ki lumam ˀUf Mipala le tivi Kristu, vurˀe, ki sinaka ɓi mikaslsla le.

HEBEREY 1:9

Ki wuɗ ɓi mijeŋŋe, ki hirsa ɓi malambaˀa. Aw Buymisemuŋ, Buymisemuŋ ɗike, mupuw mal ngi vula slra na vurˀe. A puw mumul kaɓa mal a hirnga ɗike. I mal mavul mumul, fineˀ ngi cil ɗikeye.»

EZAYI 10:27

Ti hin nah na, jijir ng'ir pepesl kumoy ati galalaŋ migindiɗ asi ˀay kumoyo, a sa cuko taŋ avra. Galalaŋ a sa diɗ, dar gwat a sa gi ka zay.

Slu cuw 26:13

Dar kisa ɓam a mbuŋ Bumbulvuŋ Buymisemuŋ kumo na: «Gwat, ya mingica ngac a hay ɗu vur ka na, i vula le da levihey, da mulakay, da mutuhuhoy waɗ da wudigahay, kaɓa ka miɓa ndradi ɗaˀ le vuna. Ko i ngila ɓimuɗuva ɗike ta, i puyuk di hirnga ta.

Slu cuw 12:11

Gwat ya maslufukum t'ani gar na, kisa ram taŋ da Bumbulvuŋ Buymisemuŋ kumo, ar li naŋ masa wunaŋ ngi biga vu naŋ na: mikuli mizlam zlam wãˀ, mikuli ngi jumoˀay, mikuruˀ ngi gwat ngi migam kumoy, waɗ gwat ngi vul ngi mongoy kum ati gwat gar kum majuwaka le a mevel kum ngi ji mi ngi Bumbulvuŋ.

Slu cuw 12:6

Mikuli kumoy ti ginew zlam zlam, mikuli ngi jumoˀaya nga diga. Mukuruˀngi gwat ngi migam kumoy, gwat ngi vul ngi mongoy kum, waɗ kum masoko di ngi mevel kum malla ngi ji mi ngi Bumbulvuŋ, modogom ngi sla, ngi ˀaw ati ngi tumuŋ kumoy gar na, kisa ram taŋ nga diga.

SLUFA VU 18:9

Mi nga ya, a sa zlumaka ar li gi mikuli. Gwat ngi vul mavulikiy di hĩˀĩ da ya na, mi ngi kum anga ani: hapa mavulaka gar, gwat ngi gi mikuli ngi puya mungra gar waɗ gwat ngi gi mikuli ngi ɗiya ɓi, Israyeley magikiy di gar na, i mikuli mihĩˀĩ da ya Buymisemuŋ, amma i vulukum di le, i mi ngi kum ati ziri ɗikey nga mbuŋ nga mbuŋ.

LEVIHEY 21:10

Masay madiɗa, naŋ i buy a wuzla sukum naŋ masayaya. Asi mike na, a pakaŋ mal ngi vula slra le, yo a cakaŋ le ar slra, ɓa i naŋ maka zana ngi mezegweleye. Vurˀe, anja a pula ngwic hirnga naŋ dibizik ta, yo a ngira zana naŋhaya ta ma.

LEVIHEY 8:30

Mal ngi vula slra waɗ pumbus misi angi li gi mikuli tuwa, Moyis a zuɓa taŋ, a kuca da Aroŋ waɗ da zana naŋhaya. Yo a kuca da ziri ngi Aroŋhoy waɗ da zana taŋhaya ma. Naŋ mitiri ti Aroŋ ati zana naŋhaya, ziri ngi Aroŋhoy ati zana taŋhaya, ɓa a ndiram da Buymisemuŋ na, naŋ kahana so.

LEVIHEY 6:20

Ko mi gar muwusa useˀ nah le na, a sa tiri naŋ pal. Yo da pumbus naŋ a mul le ng'avi zana na, sey ki ra buna pumbus misi avu zana na ar li mipal.

BI NGI ISRAYELEY 29:21

Ki sa wuɗ pumbus misi ar li gi mikuli neˀ waɗ mal ngi vula slra, dar ki kuca da Aroŋ waɗ da zana naŋhay, yo da ziri naŋhay ati zana taŋhaya. Naŋ kine, Aroŋ ati zana naŋhaya, a tiram ngi Buymisemuŋhoy le, yo ziri naŋhay ati zana taŋhay a tiram ngi Buymisemuŋhoy le.

KORENTIHEY MUDUMBUŊ 9:13

Mizli magam slra ar hay ngi Bumbulvuŋ na, a lumam gwat ngi zum taŋ ara. Yo mizli magam mikuli ar li ngi gi mikuli a mbuŋ Buymisemuŋ kwana, a lumam mi nga taŋ angi useˀ nah vuna ya na, ki sinaka ta kwa?

LEVIHEY 7:14

Sukwi ngi hapa mufukuɗa ti mal waɗ tos tos miwal wal tayna gar na, a wuɗam avu taŋ neˀneˀ ɓa ngi vul da ya Bumbulvuŋ, waɗ a sa ndiram da masay makuca pumbus ngi ginew ngi mikuli ngi ngiɓi ˀay na.

LEVIHEY 7:28

Bumbulvuŋ a ɓa Moyise:

ƁI NGI HINEY MUCUW NAŊ 31:4

Dar buy a ɓa mizli Zeruzalemeye, ɓa a vulaka mi ngi masayay ati leviheye, ɓa a vulaka vu taŋ taˀ kuy kuy ngi sipa ɓimujuwa ngi Bumbulvuŋ.

BI NGI ISRAYELEY 28:43

Aroŋ ati ziri naŋhaya, da ara cam ng'ar guɗuk ngi zlir ati Buymisemuŋ, malla da ara kiraham ng'ar li gi mikuli ar li guɗuk ngi zlir ati Buymisemuŋ na, a sa caka gajereheye a virzi, da kine ta na, naɓa a micam, vur taŋ mugulndiŋ gulndiŋ kine na. I ɓimuɗuva makiɗ mi ta, avu Aroŋ ati dideˀ naŋhay a nga mbuŋ nga mbuŋ.»

BI NGI ISRAYELEY 29:28

Vurˀe, da Israyeley ara gam mikuli ngi luuma zuy gar na, a sa zuɓaka didak ati sar paw ngi ginewe, a vulaka da Aroŋ ati dideˀ naŋhay nga mbuŋ nga mbuŋ.

LEVIHEY 23:20

Peŋ ngi gwat ngi migam micikiɗeffe waɗ ziri tumuŋhoy mucuw tuwa, masay a sa gi taŋ mikuli ti mezegwel ngi vula gwat da ya Bumbulvuŋ. Gwat tayna i gwat mipal da ya Bumbulvuŋ, a sa ndiram da masay.

SLUFA VU 5:9

Gwat ngi vul da ya Buymisemuŋ gar, Israyeley masoko di nga mbuŋ masay na, a sa ndir da masay.

Slu cuw 18:1

Moyis a ɓi: Mas y levihey ati levi mekelemeye, anta sa lumam hirwuyo da taŋ, kaɓa mizli Israyele mekelemeye ta. Gwat ngi zum taŋ, a sa lumam ar mikuli magaka da Bumbulvuŋ waɗ ar gwat mavulakaŋ taŋ mekelemey.

BUYOY MUCUW NAŊ 12:16

Mizli mupula dala asi haŋ taŋ ngi wurka migi slrahay na, i mizli miteŋteŋhey angi slra nah. Vurˀe, mizli anta cufuɗaka taŋ cufaɗ le vur dala naŋ ta si.

ƁI NGI HINEY MUCUW NAŊ 31:5

Taŋ misinaka ɓimujuwa nah sin si na, Israyeley a soko ti mudumbuŋ ngi alkamari taŋhaya ciɗngim ciɗngim, mbaazla, mal, mam ati gwat ngi migam mekelemey gar si. Yo a soko ti mukuruˀ ngi gwat taŋhaya tiɗeˀe.