SLUFA VU 18:7 - Bible en langue guiziga

⁷ Amma ka Aroŋ ati ziri ɗik mizileheye, kisa gaka slra ngi kum masayaya ar li gi mikuli waɗ ar li mipal wãˀ, ti duba zana minjar ngi tika hiri na. Muvulukum slra nah i ya. Da mbur mekelem a gumbuˀ le ng'avi hay nga ya Buymisemuŋ na, kiɗaka vagay.»

SLUFA VU 18:7 ပူးပေါင်းရင်းမြစ်များ

DIMISEY 115:10

Dideˀ ngi Aroŋhoy, kumo, njaham hiri asi Bumbulvuŋ, asi mijini kum, yo mbaray kum i naŋ.

BI NGI ISRAYELEY 28:1

«Moyis, sukum ɗik Aroŋ waɗ ziri naŋ mizileheye, ti Nadaŋ, Abihu, Elazar waɗ Itamara, zilo taŋ nga ciki ɗiki, baˀ pal avu Israyel mekelemeye, ɓa a gikiy mikuli.

BI NGI ISRAYELEY 29:9

Ki sa juwa taŋ kanda wak wak, waɗ jiiku a hirnga. Zle ar nah na, a sa tiram masayay ngi sete kaɓa ɓimujuwa miɓa. Gwat masa biga ki ca taŋ le ar slra na, i hana:

EZEKIYEL 44:15

Amma Levi masayay angi tizer ngi Sadok, migam slra zleˀe a mbuŋ ɗu ti jiviɗ naŋ ar hay ɗu, ti hin Israyeley mingizlam jiviɗ kileŋ avu ya na, masa gam slra ngi mezegwel a mbuŋ ɗu i taŋ. Masa soko a mbuŋ ɗu ti mungul ati pumbus na i taŋ. I ya Bumbulvuŋ Buymisemuŋ maɓi.

EZEKIYEL 44:16

Masa coko ngi hay ɗu i taŋ. Masa soko ng'avi tabul ɗu, ɓa ngi giy mezegwel waɗ ngi ki slimiɗ ar slra ɗu i taŋ.

EZEKIYEL 44:8

Ki kam slimiɗ ɓaˀ le ar gwat ɗu muvuku vu taŋ na ta, amma ki cifam mulakay ar deɗe kumo ar hay ɗu mipala, ɓa a gukum slra nah.

LEVIHEY 16:2

«Ɓa sukum ɗik Aroŋ na, zana minjar ngi wuɗuka wala ngi hay nga ya Bumbulvuŋ, ar li akoti ngi jumoˀay ati mi naŋ mitiɗeˀ anga na, anja a tuwuɗ ng'ara pas wanaka gar ta. Da kanah na, naɓa ti ya masa bugo vu ar musure ngi gazlavay na, naŋ anta sa muc ta.

LEVIHEY 7:35

Zle tapas mucufaka Aroŋ ati ziri naŋhaya le ngi gi gwat ngi zum mizlam zlam wãˀ da ya Bumbulvuŋ vuna si na, mi nga taŋ, i nah so.

SLUFA VU 1:51

Da ara kirahaka guɗuko na, i levihey masa puwakaŋ. Da ara pam ma na, i levihey masa ng'aka hir naŋ a muŋ. Da mbur ngir sukwi mekelem pal, a gumboˀo le ng'avu guɗuk ngi huroˀo na, a kiɗaka vagay.

SLUFA VU 18:20

Bumbulvuŋ a ɓa Aroŋ ma: «Hirwuy ya masa vula da Israyeley na, k'anta sa lum mi ngi ɗik a diga ta, ko zlili ngi raˀa tekeɗe. Asi mi ngi ɗik ati zlili ɗik a wuzla Israyeley i ya.»

SLUFA VU 18:3

Sukum ɗik levihey a sa gam gawla ɗikey, a sa gaka slra ngir guɗuko gar. Amma anja a gumbaˀam ng'avu gwat ngi slrahay misi ar hay nga ya Buymisemuŋ ta, a gumbaˀam ng'avu li gi mikuli ta, naɓa ko mbur pal masa muc anta, ko taŋ, malla ko kum.

SLUFA VU 3:10

Sey ki cifi ngi gi mikuli i Aroŋ ati ziri naŋ mizilehey tewle. Da mbur i masay ta, a girjih le nga gi slra taŋ na, kiɗaka vagay.»

SLUFA VU 3:38

Moyis ati Aroŋ waɗ ziri naŋ mizileheye, a pam a mi guɗuk ngi zlir ti Buymisemuŋ, tisi pas ngi miprik naŋ, mbiɗeˀvra, tivi mizlingre ngi guɗuko, tisi pas mabawa. Buyɓi ngi slra ngir hay ɗu i taŋ, a gaka ti slimiɗ ngi Israyeley gar. Da mbur i masay ta, a wuɗ le zleˀe ɓa a ga na, anja ani a kiɗaka le vagay.

Matiye 10:8

Mbuloko misi jijiheye, slikiɗaka mumucahaya, ɗiyaka misi kukulahaya, ɓulaka seteneheye. Ki lumaka ngataraŋ, vulaka ngatara ya.

Ɓimezle ngi Yesu Kristu ZAŊ mitil di mi 3:27

Zaŋ a mbiɗa taŋ di: «Da a vulaka gwata paɗ a muŋ da mburo ta na, a lum gwat ko neˀ gu ta.

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

Slu cuw 18:2

Leviheye, hirwuy nga taŋ anta a wuzla Israyeleye ta, gwat taŋ malumama, i jiŋ taŋ Bumbulvuŋ muwuna taŋ hĩˀĩ ngi gi gawla naŋ, kaɓa naŋ miɓa taŋ di ɗaˀ le zleˀe.

HEBEREY 5:4

Mbur a ca slimiɗ masay madiɗa a mbuŋ Buymisemuŋ da hirnga naŋ tehhe a muŋ gu ta, sey da Buymisemuŋ mizila le, kaɓa naŋ mizila Aroŋ na far.

ZOZUWE 18:7

Amma kum masa wuɗkaka na, mizli levihey anta sa lumam mi nga taŋ a wuzla kumo ta ɓula. Asi mikuli taŋ masa gaka da Bumbulvuŋ na, mi nga taŋ i nah si. Ani Gat, Ruben waɗ reta ngi sukwi ngi Manase, a lumam mi nga taŋ le si, a dubazaw Zurdeŋ, tisi pas ngi miprik naŋ. Muvula taŋ di i Moyis, gawla ngi Bumbulvuŋ.»

PIYER MUDUMBUŊ NAŊ 5:2

Jiginaka ginew ngi Buymisemuŋ mupula taŋ asi haŋ kum na. Anta ti tikaˀay ta, amma asi ki ngumam le kaɓa Buymisemuŋ mawuɗo.

PIYER MUDUMBUŊ NAŊ 5:3

Ki zumam buy ar mizli Buymisemuŋ mupula taŋ asi haŋ kum na ta, amma tiram mizli mezlehey, ɓa a sipaka sar kumo.

SAMUYEL MUDUMBUŊ NAŊ 2:28

A wuzla Israyeley gar na, yi wunaˀ dideˀ ɗik Aroŋ le ɓa a tiri masay ɗu, ɓa a jiɗ ng'ar li gi mikuli, ɓa ngi wura urdi, ɓa a ka jampa ngi mezegwel a mbuŋ ɗu. Waɗ ma na mikuli Israyeley magaka gar na, yi vula le da muy ɗike.