SLUFA VU 18:3 - Bible en langue guiziga

³ Sukum ɗik levihey a sa gam gawla ɗikey, a sa gaka slra ngir guɗuko gar. Amma anja a gumbaˀam ng'avu gwat ngi slrahay misi ar hay nga ya Buymisemuŋ ta, a gumbaˀam ng'avu li gi mikuli ta, naɓa ko mbur pal masa muc anta, ko taŋ, malla ko kum.

SLUFA VU 18:3 ပူးပေါင်းရင်းမြစ်များ

EZEKIYEL 44:13

Tˀanta sa soko a mbuŋ ɗu neˀ le ngi gi slra ngi mikuli mata, yo gwat ɗu muvuku vu taŋ ati li ɗu mipal wãˀ na, t'anta sa kirohoko neˀ le ng'avi taŋ mata. Slra ngi pi mesem taŋ ati gi gwat taŋ mukuyta wãˀ na, a sa jijiraka zayɓi naŋ.

SLUFA VU 1:51

Da ara kirahaka guɗuko na, i levihey masa puwakaŋ. Da ara pam ma na, i levihey masa ng'aka hir naŋ a muŋ. Da mbur ngir sukwi mekelem pal, a gumboˀo le ng'avu guɗuk ngi huroˀo na, a kiɗaka vagay.

SLUFA VU 1:53

Masa pam a ciki guɗuko, sey i sukwi ngi Levi tewle, a sa gaka slra taŋ. Kanah na, naɓa y'anta sa ji mevel ar Israyeleye ta.»

SLUFA VU 18:4

A sa jinukuw ar gwat ngi gihey gar waɗ ar slra ngi gihey ar guɗuk ngi zlir ti ya Buymisemuŋ gar ma. Ko mbur ngi vra masa jum ng'avu kum ngi gi slra anta.

SLUFA VU 18:7

Amma ka Aroŋ ati ziri ɗik mizileheye, kisa gaka slra ngi kum masayaya ar li gi mikuli waɗ ar li mipal wãˀ, ti duba zana minjar ngi tika hiri na. Muvulukum slra nah i ya. Da mbur mekelem a gumbuˀ le ng'avi hay nga ya Buymisemuŋ na, kiɗaka vagay.»

SLUFA VU 3:25

Sukwi ngi Gersoŋ, slra t'ada cah ar guɗuk ngi zlir ti Buymisemuŋ: i slra ngi hur guɗuk ati ngi vra naŋ, godo ngi sirit naŋ, zana minjar a mizlingre ngi guɗuko.

SLUFA VU 3:31

Mizli Kehataya, ɓi ngi akoti ngi jumoˀay, tabul, gwat ngi ɗuva lampehey, li gi mikulihey, gazlanga ngir guɗukoy magam taŋ slra ar li mipal, waɗ zana minjar njaray ati slra ngir guɗukoy gar na, majiginaka taŋ i taŋ.

SLUFA VU 3:36

Mizli Merariheye, ɓi ngi mbalay misi ar guɗuk ngi huroˀo, ɓeɓelehey, ɓamtalay ati sar naŋhay waɗ gwat ngi slrahay ati slra ngi taŋ gar na, majiginaka taŋ i taŋ.

SLUFA VU 31:30

Tir vay muvula da mizli mindiramay na ya kwana: mizli titrahay kukur zlum na, ki zuɓ pal, yo sla, zungu, tumuŋ, ˀaw ati gwat misãmi mekelemeye, migi le kukur zlum na, ki zuɓ pal pal da ya Bumbulvuŋ. Ki sa vula taŋ da levihey magam slra ar guɗuk na.»

SLUFA VU 4:15

Da a wuɗam a slikiɗam le na, Aroŋ ati ziri mizile naŋhay, a sa mbizaka gwat ngir guɗuko gar kwaɗay, a dirba nah, ziri mizile ngi Kehatay, a sa hilaka taŋ. Naŋ kine, ziri ngi Kehatay, a jaka haŋ avu gwat muvuku vu taŋ tayna ta, vur taŋ mamicam. Slra ngi ziri ngi Kehatay ngi gi ar guɗuko i nah.