SLUFA VU 18:2 - Bible en langue guiziga

² Sukum ɗik levihey, muy ngi cine ɗikeye, kisa pula taŋ, ki kiraham bummoˀ ng'avu hay ɗu. A sa junukuw, i mucuw ɗikey. Amma masa cicam a mbuŋ guɗuk misi beleler ngi jumoˀay anga na, i ka ati ziri ɗikey.

SLUFA VU 18:2 ပူးပေါင်းရင်းမြစ်များ

ZLI VIRZI 29:34

A gi hur ma ni, a yi mangal mizile, a ɓi: «Wurenna zil ɗu a sa gumboˀo ng'avi ya wãˀ muduba, asi i yaŋ ziri mizilehey le makir.» Vurˀe, a zila Levi.

ƁI NGI HINEY MUCUW NAŊ 30:16

A roko dedeŋ ar li taŋ ar li taŋ, kaɓa mutohoko ar ɓimujuwa ngi Moyis, mbur ngi Buymisemuŋ: levihey a tiɓaka pumbus ngi ginewey magam taŋ mikuli, a vulaka da masayay, joˀ taŋ kwana, a paka ng'ar li gi mikuli.

EZEKIYEL 44:11

A sa ndiram a hay ɗu, ngi jigina mizlingre, waɗ ngi jigina hay ɗu. Mikuli ti ginew ngi zlum ti zlum ati mikuli mekelemey, mizli Israyeley masa gaka gar na, masa slaka ˀay ngi ginewey i taŋ, yo masa cicam a mbuŋ mizli Israyeley ngi ga taŋ slrakahana i taŋ.

EZEKIYEL 44:15

Amma Levi masayay angi tizer ngi Sadok, migam slra zleˀe a mbuŋ ɗu ti jiviɗ naŋ ar hay ɗu, ti hin Israyeley mingizlam jiviɗ kileŋ avu ya na, masa gam slra ngi mezegwel a mbuŋ ɗu i taŋ. Masa soko a mbuŋ ɗu ti mungul ati pumbus na i taŋ. I ya Bumbulvuŋ Buymisemuŋ maɓi.

MALASI 2:4

Ki sa sinaka, ya mukukum mumuyuŋ ngi zay sla a slimiɗ na, ɓa jumoˀay ɗu ati leviheye, a gi i gisiŋ. I ya Bumbulvuŋ misi gidaŋ wãˀ maɓi.

SLUFA VU 1:53

Masa pam a ciki guɗuko, sey i sukwi ngi Levi tewle, a sa gaka slra taŋ. Kanah na, naɓa y'anta sa ji mevel ar Israyeleye ta.»

SLUFA VU 17:7

Israyeley a kusom hoyo hoyo nga hirnga taŋ. Dar Moyis ati Aroŋ a mbiɗam hiri ngir tivu guɗuk ngi Buymisemuŋ. Akẽh na, musure ngi gazlavay a sirta guɗuko sirit, dudok ngi Bumbulvuŋ a bugo vu.

SLUFA VU 18:4

A sa jinukuw ar gwat ngi gihey gar waɗ ar slra ngi gihey ar guɗuk ngi zlir ti ya Buymisemuŋ gar ma. Ko mbur ngi vra masa jum ng'avu kum ngi gi slra anta.

SLUFA VU 3:5

Bumbulvuŋ a ɓa Moyise na:

SLUFA VU 4:15

Da a wuɗam a slikiɗam le na, Aroŋ ati ziri mizile naŋhay, a sa mbizaka gwat ngir guɗuko gar kwaɗay, a dirba nah, ziri mizile ngi Kehatay, a sa hilaka taŋ. Naŋ kine, ziri ngi Kehatay, a jaka haŋ avu gwat muvuku vu taŋ tayna ta, vur taŋ mamicam. Slra ngi ziri ngi Kehatay ngi gi ar guɗuko i nah.

SLUFA VU 8:19

Joˀ i vula taŋ da Aroŋ ati ziri naŋ mizileheye. A wuzla Israyeleye, a vulaka taŋ leviheye, a sa gam gawla ngi Israyeley ar guɗuk ngi zlir ti ya, waɗ ɓa a gaka taŋ mezegwel a hirnga taŋ ngi puya mungra. Naŋ kine, da ko Israyeley a gumbaˀam le ng'avu guɗuko kwana, y'anta sa ga taŋ bonoy mata.»

SLUFA VU 8:22

A dirba nah na, levihey a zlaka slra taŋ ar guɗuk ngi zlir ti Buymisemuŋ. I Aroŋ ati ziri naŋ mizilehey mawaka taŋ ar slra. A gam ti leviheye kaɓa Bumbulvuŋ muɗuva da Moyis tuwa.

HEBEREY 9:6

Gwatay gar i miɗiya taŋ kahana so, masayay a cam ngi gi slra taŋ ar pas gar ng'ar guɗuk mudumbuŋ.