SLUFA VU 17:11 - Bible en langue guiziga

¹¹ Moyis a ɓa Aroŋ na: «Zuɓa gwat ngi zluma urdi ɗike, pi zayvu ngir li gi mikuli angaŋ, pi mukuturɓuy, aru kutum ng'avi mizli, ga taŋ mezegwel ngi pula mungra, asi Bumbulvuŋ a ji mevel le, yo bonoy madiɗa, a zli le si.»

SLUFA VU 17:11 ပူးပေါင်းရင်းမြစ်များ

ƁI NGI HINEY MUCUW NAŊ 19:10

Sukum kumoy, misi ar walahay taŋhaya, da taŋ musoko ti kiita le gar nga mbuŋ kumo na, da i ɓi ngi kiɗa hirnga malla da i ɓi vur ɓimujuwa, ɓimuɗuva, ɓi micica malla ɓi ngi sirik kwana, dubunaka taŋ jiviɗ nah, vur taŋ masa hiryam ɓi avu Bumbulvuŋ, yo vur naŋ masa ji mevel ar kum ati sukum kumoyo. Gaka kanah, naɓa kum anta sa hiryam ɓi ta.

LEVIHEY 16:15

Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ.

LEVIHEY 16:16

Naŋ kine, Aroŋ a ga mezegwel ar hay nga ya Bumbulvuŋ, ngi vula jiviɗ ngi zuɓa dili ati slikiɗa ɓi ngi Israyeleye, mbiɗeˀvra, mungra taŋ migaka gar, waɗ a ga mezegwele kanah ma, ar guɗuk ngi zlir ti ya, misi a wuzla mizli misi dilihey na.

SLUFA VU 11:33

A tikaka useˀ vuna ta, ara zumaka ti zum aruŋ sina, Bumbulvuŋ a ji mevel ar taŋ, a ca taŋ ar bonoy madiɗaŋ.

SLUFA VU 17:10

«Kiraham kileŋ avu mizli tayna, i wuɗ i ngizla taŋ wureˀ wurenna!» Moyis ati Aroŋ a hurkom huruk huruk a ruwuy.

SLUFA VU 17:12

Aroŋ a zuɓa gwat ngi zluma urdi naŋ kaɓa Moyis miɓaŋ di tuwa. A kil ng'avi mizli mukos kos ar li misi bonoy madiɗa mizli virzi tuwa. A zluma mukuturɓuyo, a ga mezegwel ngi puya mungra ngi Israyeleye.