SLUFA VU 15:30 - Bible en langue guiziga

³⁰ Amma da mbur Israyel malla mulak, a gi mungra le waˀwaˀ na, naɓa a zi di i ya Bumbulvuŋ ti zi, a sa gwahaka ti wuzla mizli avra.

SLUFA VU 15:30 ပူးပေါင်းရင်းမြစ်များ

ZLI VIRZI 17:14

Amma mbur mizile mici a mizaw ta na, a sa gwahaka ti wuzla mizli avra, asi a ngila ɓi ngi jumoˀay ɗu le.»

Ɗerewol JOP 38:15

Amma misi moˀoreheye, a puraka na, li minjahha taŋ anta mata, asi ara tika taŋ ngi zuɓa haŋ ɓa a gam di malambaˀa.

DIMISEY 69:9

yo i tiri mulak le a wuzla sukum ɗuwoyo, ziri ngi mumuŋ ɗuwoy kwana, a sinikiy mata.

DIMISEY 79:12

Bumbulvuŋ ɗu, Hirwuy ngi ciki ndrahay muzukuw na, mataŋ di makaw tarnaˀa.

DIMISEY 89:51

Bumbulvuŋ, wuluk ar gawla ɗikey, mizli mazaka taŋ na, waɗ ar mizli gar, ka mupula taŋ asi haŋ ɗu na.

BI NGI ISRAYELEY 21:14

Amma da mbur a ro ti mevel fõh fõh ar mbur cil naŋ, a gi wer, a kiɗa le vagay, ko da a ɗum le ti li gi mikuli ɗu kwana, jakaŋ, ara kiɗaka vagay.

BI NGI ISRAYELEY 30:33

Mbur mijihiɗ urdi misi purla kahana le, yo a puya le da mbur ho gar na, a sa ɓulaka ti wuzla muy naŋhay avra.»

MIKUCUWULOY 14:31

Mbur maguzuvura mbur hĩhĩy na, a zi di i mbur migi naŋ, amma mbur mapura ircece da mbur misi murga na, a cikaŋ di i hirnga.

EZEKIYEL 20:27

Vurˀe ka mburu, ɓa ɓi hana da Israyeleye, ɓa taŋ na: Bumbulvuŋ, Buymisemuŋ a ɓi na: cine kumoy a zikiy le ma, ti gi teŋteŋ taŋ ta na.

LEVIHEY 20:10

Da mbur a hin le ti ngwas ngi mbur cil naŋ na, a kiɗaka taŋ vagay vagay cuw taŋ, mbur mizile ati ngwasa.

LEVIHEY 20:3

Ya vuna, i sa zuɓ himaˀ ar mbur nah. I sa gwahaŋ avra ti wuzla mizli naŋhaya, asi naŋ muvul zuŋ naŋ da kuli Molek, naŋ muso ti dili ng'ar hay ɗu, waɗ naŋ mihirya slimiɗ ɗu mipal na.

LEVIHEY 20:6

Mbur maɓi ɓi ati kulihey ti daˀas, ko ti jiviɗ wanaka gar na, i sa mbiɗi pulaˀ ng'araŋ, yo i sa gwahaŋ ti wuzla mizli naŋhay avra.

SLUFA VU 15:29

Ko da i mbur Israyel malla i mulak misi asi ruwuy taŋ kwana, mbur migi mungra le tir manja sin naŋ gar na, ɓimujuwa vur taŋ, naŋ purla si.

SLUFA VU 9:13

Amma mbur manja dili, da a zuɓ mulak ta, yo a gi jalaɓi le ti muguzlum Paka na, a sa gwahaka ti wuzla Israyeley avra, vur naŋ muso ti gwat ngi vul da ya Bumbulvuŋ ar hin naŋ muɗuva mijeŋŋe na ta, mbur nah a sa jijira zayɓi ngi mungra naŋ na.

Matiye 12:32

Da mbur ara ɓi ɓi malambaˀ ar Mangal ngi mburo na, a sa puyakaŋ ɓi nah avra. Amma da ara ɓi ɓi malambaˀ a hirnga ˀUf Mipal na, ko a ruwuy aka, ko a muŋ kwana, anta sa puyakaŋ ɓi nah avra ta.

Slu cuw 1:43

Yi ɓukum le, ki cinikiy mi ta, joˀ ki mbiɗam hirnga avu mingiɓi ngi Bumbulvuŋ, ki huhumom vu, hã ki jiɗam nga muwã gbaˀ na si.

Slu cuw 32:27

Amma zluwun a giy le ti mesene taŋhay masa singiram ar ya, a sa waka kaɓa i taŋ, a sa ɓam: ‹Miga gwat hana i hirbazla ndra migidaŋ haɗa na, anta i Bumbulvuŋ ta.›

HEBEREY 10:26

Ndra misinaka ɓi mikaslsla le, a dirba nah, da i ra gam mungra waˀwaˀ na, naɓa gi mikuli a mbuŋ Buymisemuŋ mekelem pal vur mungra, anta mata.

HEBEREY 10:29

Mbur makirpa Mangal ngi Buymisemuŋ, magi lambaˀ ti pumbus ngi Yesu mipa ngi jumoˀay, naŋ muzuɓaŋ mungra naŋ avra ti naŋ, yo a za ˀUf Mipal, magi mezle na ma na, mbur nah a sa lum bonoy mihimaˀ kuyta wãˀ ta jak kwa?

PIYER MUCUW NAŊ 2:10

Wãˀ naŋ na, Buymisemuŋ a sa kuti di i mizli masipam gwat ngi dili dumvu taŋ makwuɗ, waɗ mapuraka dudok ngi Buymisemuŋ khiris le na. Mizli tayna, a puraka kaɓa taŋ muk si, a huhumom vu taŋ. Tˀanta zluwunam ngi za gwat misi ti dudok ngi muŋhoyo ta.

ZAŊ MUDUMBUŊ NAŊ 5:16

Da mbur a pura sukum naŋ le, ara gi mungra, amma i mungra maru ti mbur ng'ar muc ta na, anja a dir dibiɗ, ɓa Buymisemuŋ a vula siifa da sukum naŋ nah. Amma sey da i mungra maru ti mbur ng'ar muc ta gisiŋ ɓula. Asi mungra ada pal, maru ti mbur ng'ar muco, ya maɓukum ɓa ki diram dibiɗ na, asi mungra nah ta.

SAMUYEL MUDUMBUŊ NAŊ 2:25

Da mbur a gi mungra le da mbur mekemelem na, Bumbulvuŋ a sa cici ar ɓi naŋ gu: Amma da mbur a gi mungra le avu Buymisemuŋ na, masa cici ar ɓi naŋ i waka?» Amma, ko a kam slimiɗ ar mingiɓi ngi cine taŋ na ta. Vurˀe, Buymisemuŋ a juwa le ɓa a ngizla taŋ.

SAMUYEL MUDUMBUŊ NAŊ 3:14

Vurˀe, i dumvu muy ngi Eliheye. Malambaˀ ngi muy ngi Elihey na, ko gwat masa puya anta ndiɗaˀ wãˀ, ko mikuli, ko gwat ngi vul ti vul da Bumbulvuŋ anta sa puya avra gu ta.»