SLUFA VU 15:3 - Bible en langue guiziga

³ kisa gikiy mikuli ti ginewey. Mikuli mizlam zlam wãˀ malla mikuli ngi ɗiya ɓi. Ki sa gikiy di ngi ɗiya ɓi ngi hudum, malla ngi mongoy kum, malla tapas muguzlumoy. Vurˀe, ki wunam sla, tumuŋ malla ˀaw, naɓa zĩˀĩ taŋ, a sa tislikiy mevel.

SLUFA VU 15:3 ပူးပေါင်းရင်းမြစ်များ

ZLI VIRZI 8:21

Mikuli misi zĩˀĩ naŋ a tisl mevel tuwa, Bumbulvuŋ mizãˀã na, dar a ɓi a mevele: «Y'anta sa nisa hirwuyo asi mburo mata ndiɗaˀ wãˀ. Gisiŋ wuluk ngir mevel ngi mbur ngi gi malambaˀa, naŋ zle ti zuŋ. Amma y'anta sa ziza gwat misi titiriheye keɗeɗe kaɓa ya miga hana mata ndiɗaˀ wãˀ.

ESDRAS 7:17

Naŋ kanah, dala nah na, kisa gi di slra kuy kuy, kisa hiɗik di gusoŋhoy, zlengerekey, ziri tumuŋhoy, waɗ gwat ngi migam ngi gi mikulihey ati ngi pusl ti pusloy asi taŋ. Ki sa gi taŋ mikuli ar li gi mikuli ar hay ngi Buymisemuŋ kumo a Zeruzaleme.

DIMISEY 54:6

Puraka, Buymisemuŋ i mijini ˀis asi ya, mizli majihikiy jah na, Bumbulvuŋ a ro avu taŋ.

BI NGI ISRAYELEY 29:18

Ki sa zluma useˀ ngi zlengereke gar zlam zlam ar li gi mikuli. I mikuli mizlam zlam wãˀ da ya Bumbulvuŋ, misi zĩˀĩ naŋ matisliy mevel.

BI NGI ISRAYELEY 29:25

A dirba nah, kisa tiɓa tisi haŋ taŋ, ki zluma taŋ ar li gi mikuli jom ati useˀ tuwa, i mikuli misi zĩˀĩ naŋ matisliy mevel da ya Bumbulvuŋ, mikuli vu mazluma da ya Bumbulvuŋ.

BI NGI ISRAYELEY 29:41

Tumuŋ mucuw naŋ, kisa gi di mikuli ti li zuyyo, kisa ga ti gwat mupurlahay: mbaazla ngi pusl, kaɓa ka miga ngi miprik tuwa. I mikuli matisl mevel, vu mazluma da ya Bumbulvuŋ.

LEVIHEY 10:13

Peŋ ngi sedege nah na, kisa zumaka angi li mipal, asi gwat ngi zum mizlam zlam wãˀ da Bumbulvuŋ na, mi ngi kum ati ziri ɗikey anga na i nah. Hana i mingiɓi ya mulumo di ti vu Bumbulvuŋ.

LEVIHEY 27:2

«Ɓa Israyeleye: Da mbur a vul ngi ji mi nga ya Bumbulvuŋ i mbur deŋ na,

LEVIHEY 7:16

Mikuli, mbur muso le nga gi naŋ, da i mikuli ngi ‹ji mi ngi Buymisemuŋ›, malla ‹i ngi mongoy naŋ› na, a zumaka gwat ngi gi mikuli nah kalla tapas vul naŋ vuna si. Is naŋ mandire, li naŋ muwun le na, a zumaka zuyo ma.

SLUFA VU 28:27

Ki sa gam mikuli mizlam zlam: ti gusoŋ cuw, zlengerek pal waɗ ziri tumuŋ ngi vi pal palay tarnaˀ. Ziˀĩ taŋ mundum na, a sa tisliy mevele.

SLUFA VU 29:8

Ki sa gam mikuli mizlam zlam da ya Bumbulvuŋ: ti gusoŋ pal, zlengerek pal waɗ ziri tumuŋ ngi vi pal palay tarnaˀ, i ginew manja hereweɗey gar. Ziˀĩ taŋ mundum na, a sa tisliy mevel.

SLUFA VU 6:15

Aru ti ɗaf mida ti hapa mezle mukuɗ kuɗ manja ˀis ara, gadagar pal, maɗaf mufukuɗa ti mal, tos tos ar vu waɗ sukwi ngi helelem mikefer kefer, manja ˀis ara, mugujaˀaŋ mal le, waɗ hapa ati mbaazla ngi pusl.

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

KORENTIHEY MUCUW NAŊ 2:15

Asi mike na, avu Buymisemuŋ, ndr'i zĩˀĩ mundum ngi Kristu, vur mizli muroko ar jiviɗ ngi lih ati muroko zizama ma gar.

KORENTIHEY MUCUW NAŊ 2:16

Avi mizli mazizamaya, i zĩˀĩ ngi muc maru ti mbur ng'ar mucu. Avu mizli malahamaya, i zĩˀĩ ngi siifa maru ti mbur ng'ar siifa. Mandila gi slra hana gu, i waka?

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

Slu cuw 12:11

Gwat ya maslufukum t'ani gar na, kisa ram taŋ da Bumbulvuŋ Buymisemuŋ kumo, ar li naŋ masa wunaŋ ngi biga vu naŋ na: mikuli mizlam zlam wãˀ, mikuli ngi jumoˀay, mikuruˀ ngi gwat ngi migam kumoy, waɗ gwat ngi vul ngi mongoy kum ati gwat gar kum majuwaka le a mevel kum ngi ji mi ngi Bumbulvuŋ.

Slu cuw 12:17

Mukuruˀngi alkamari kum, ngi mbaazla si kum, ngi mal kum, ko modogom ngi sla kumoy, ngi tumuŋ kumoy, ngi ˀaw kumoy, ko gwat kum mavulaka ngi mongoy kum, waɗ kum mavulaka ngi mevel kum malla ngi ji mi ngi Bumbulvuŋ gar na, ki zumaka taŋ ar walahay kumoy tehhe ta.

Slu cuw 12:6

Mikuli kumoy ti ginew zlam zlam, mikuli ngi jumoˀaya nga diga. Mukuruˀngi gwat ngi migam kumoy, gwat ngi vul ngi mongoy kum, waɗ kum masoko di ngi mevel kum malla ngi ji mi ngi Bumbulvuŋ, modogom ngi sla, ngi ˀaw ati ngi tumuŋ kumoy gar na, kisa ram taŋ nga diga.

FILIPIHEY 4:18

Na zle, gwat ya muwuɗ gar na, ada avu ya, hã a funa le ma. Y'anta ti may ngi gwat mekelem mata. Epafrodit a siy ti gwat kum muvulikiy di na le. Naŋ kaɓa urdi mazĩˀĩ ndum, i mikuli Buymisemuŋ mitiɓa le, maciraŋ hiri.