SLUFA VU 14:9 - Bible en langue guiziga

⁹ Na so na, anja ki slikiɗam ɓi avu Bumbulvuŋ ta ɓula: ki zluwunam ti mizli ngi hirwuy nah na ta. I sa ngizlaka taŋ pay kutumo si. Na zle, kuli taŋhay a pulaka taŋ le, Bumbulvuŋ naŋ da ati ndra, i zluwunam ti taŋ mata so!»

SLUFA VU 14:9 ပူးပေါင်းရင်းမြစ်များ

ZLI VIRZI 48:21

Zakop a ɓa Zozefe: «Yi wuɗ i mucu, amma Buymisemuŋ a sa ndir ati kum, yo a sa mo ti kum nga hirwuy ngi dideˀ kumoy a muŋ.

ƁI NGI HINEY MUCUW NAŊ 13:12

Ani buy ndra i Buymisemuŋ, masay naŋhaya t'ani, a wam vu le ngi fi zara ng'ar kum. Israyeley, Bumbulvuŋ Buymisemuŋ ngi dideˀ kumoyo, ki kiɗam vu ati naŋ ta, asi kum anta sa ndilaka ta.»

ƁI NGI HINEY MUCUW NAŊ 15:2

a bi, ara luuma Asa, a ɓaŋ: «Ka asa ati mizli Zudahay waɗ Benjameŋhey gar, cinaka mingiɓi ɗu! Da kum ada ati Bumbulvuŋ na, naɓa naŋ da ati kumo. Da ki ra sipakaŋ na, a pulukum vu, ki lumakaŋ. Amma da ki pulakaŋ le fuk na, a pulukum fuko ya.

ƁI NGI HINEY MUCUW NAŊ 20:17

Kum anta sa giram vu ngi kiɗa vu ati taŋ ta. A ram, cicam dedeŋ, yo Bumbulvuŋ masa lum bugawla ar taŋ vur kum na, kisa puraka ti hiri tew si. Kum Zudahay, Zeruzalemey, ki zluwunam ta, didak a muɗukum ta. Tiprike, bam nga mbuŋ taŋ, Bumbulvuŋ a sa ndir ati kum.»

ƁI NGI HINEY MUCUW NAŊ 32:8

misi avu naŋ, i gidaŋ ngi mbur titra tewle, amma misi avu ndra, i Bumbulvuŋ Buymisemuŋ ndra, ɓa a jina ndra, yo ar kiɗa vu ndra gar na, a sa kiɗ vu asi ndra.» Mingiɓi ngi Ezekiyas, buy Zuda, a vula gidaŋ le da mizli.

NEHEMI 4:14

Da kum misa cinam fi tulumo le ar li wanaka gar na, kusoko ng'avi ndra. Naɓa Buymisemuŋ ndra a sa kiɗ vu asi ndra na si.»

DIMISEY 106:24

A hirsaka hirwuy mimezle, a tiɓaka mingiɓi ngi Buymisemuŋ ta.

DIMISEY 121:5

Bumbulvuŋ i mijigin ɗiki, Bumbulvuŋ i susuɗuk ɗiki. N'ada a ciki ɗike.

DIMISEY 46:11

Buymisemuŋ a ɓi: «Pulaka gi vurumo! Yo sinaka sin le, yi Buymisemuŋ! I wa mizli le, i wa hirwuyo le.»

DIMISEY 46:7

Sukwi ngi mizli ara bucam, buyoy ara jijikam ti ruwuy taŋhaya taˀ taˀ wãˀ. Amma Buymisemuŋ a buc ɓar na, joˀ hirwuy a luwuslu.

DIMISEY 46:8

Bumbulvuŋ misi gidaŋ wãˀa, naŋ da ati ndra. Buymisemuŋ ngi Zakop i li ɗum ndra.

DIMISEY 91:1

Mbur maɗum ti Buymisemuŋ Mimadiɗa na, kite ara hin a susuɗuk ngi Buymisemuŋ misi gidaŋ wãˀa.

BI NGI ISRAYELEY 14:13

Moyis a ɓa mizli: «Ki zluwunam ta! Cicam gidaŋ gidaŋ! Dana, kisa puraka Bumbulvuŋ masa luhukumo. Kum mupuraka Eziptehey dana ani na, kum anta sa puraka taŋ mata ndiɗaˀ wãˀ.

BI NGI ISRAYELEY 33:16

Naŋ kine, da ki ru ti ndra ti haŋ ɗike ta na, ya ati mizli ɗikeye i sa sinaka avu miki ra ga ndra mezle ka? Maga ɓa ndra wal avu sukwi mekelemey misi asi ruwuy gar na, i ka maru asi ndra na ta kwa!»

EZAYI 1:2

Ya Bumbulvuŋ i ɓi na: «Muŋ, cin! Hirwuy, jika slimiɗe! I gil ziri le, i sirka taŋ le, amma taŋ, a slikiɗam ɓi le avu ya.

EZAYI 32:2

Mbur gar a wuzla taŋ, a sa tiri kaɓa li ɗum ti himiɗ mibiwbiw, kaɓa li ɗum ti vuŋ misi burkataŋ. A sa tiram kaɓa yam maɓul ar li muˀuloŋ, kaɓa susuɗuk ngi gidigil muwã ar papala.

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

EZAYI 41:14

Kum dideˀ ngi Zakopoy, mizli magam ti kum kaɓa mumuyuŋ na, ko ki zluwunam ta, Israyeley, mizli magam ti kum kaɓa mizli mumucahay na, i sa jiniˀis asi kum. Mimbiɗi hirnga kumo, i ya Buymisemuŋ Mipal ngi Israyel. I ya Bumbulvuŋ maɓi.

EZAYI 63:10

Amma taŋ a slikiɗam ɓi, a giraka ˀUf naŋ mipala. Dar naŋ a mbiɗi hirik ng'ar taŋ, a gi taŋ mesene, naŋ vuna tehhe, a gi vurum ti taŋ.

ZEREMI 1:19

A sa gam kiɗa vu ati ka, amma t'anta sa gukuw gwat neˀ gu ta, asi y'ada ati ka, ɓa i tuɓuw tisi haŋ taŋ. I ya Bumbulvuŋ maɓi.»

ZEREMI 42:11

Buy Babiloŋ, kum majijikam di na, ki zluwunam di mata, asi y'ada ati kum, ɓa ngi lih kumo, ɓa ngi tuɓo kum tisi haŋ naŋ. I ya Bumbulvuŋ maɓi.

ZEREMI 48:45

Mizli makilamay, migiram le na, a sa musukom vu a susuɗuk a Heseboŋ. Amma vu a bo bivbiw tir walahay Heseboŋ, vu mihilɓiɓ, a bo tir mugum ngi buy Sihoŋ. A wura Moˀapa zle ar maakwaya, hã sesẽŋ a wuzla walahay.

DANIYEL 9:5

I gam mungra le, i gam gwat malambaˀ le. I gam moˀore le, i slikiɗam ɓi le, yo i mbuɗam duba le avu ɓimuɗuva ati ɓi miɗaˀ le ɗikeye.

DANIYEL 9:9

Amma Bumbulvuŋ Buymisemuŋ ndra, i slikiɗam ɓi le avu ka, pura ndra ircece, pula mungra ndraˀahaya.

SLUFA VU 13:30

Kalep a taˀa mi da mizli maram ti mi asi Moyis ta tuwa, a ɓi: «Akum! I ra tiɓaka hirwuyo, i si na le i tiɓaka gu gisiŋ!»

SLUFA VU 17:6

Li naŋ muwun na, jum ngi Israyeley, a tiraka Moyis ati Aroŋ, a ɓaka taŋ: «Ki kiɗaka mizli ngi Bumbulvuŋhoyo le vagay vagay!»

SLUFA VU 20:2

Jum ngi Israyeley a lumam yama ta, a kusom hoyo hoyo ng'ar Moyis ati Aroŋ.

SLUFA VU 24:8

Buymisemuŋ mubo taŋ ti Ezipte na, naŋ ti gidaŋ haɗa kaɓa ngi mbana. Sukwi mekelemey mizlaka taŋ le na, a kiɗa taŋ pay kutum. A ngila taŋ tesleye, a slina taŋ gor njoŋ gor njoŋ ti luvuto.

Matiye 1:23

«Ani zuŋ diili mungbuˀo kine a sa gi hur, a sa yi mangal mizile. A sa zilaka Emanuyel.» Mbiɗeˀvra: «Buymisemuŋ naŋ da ati ndra.»

ROMAHAY 8:31

Ani, i ɓam mbri aruŋ maka? Da Buymisemuŋ i ngi ndra na, magi mesene ti ndra gu, i waka?

Slu cuw 1:21

I hirwuy, Bumbulvuŋ Buymisemuŋ kum, mavulukum di, n'ani. A ram, ara tiɓaka, kaɓa Bumbulvuŋ, Buymisemuŋ ngi dideˀ kumoy miɓa ɗaˀ le zleˀe tuwa. Ki zluwunam ta, mburom mbor!»

Slu cuw 1:26

Amma ki ngumam ru nga diga ta, ki slam himaˀ avu mingiɓi ngi Bumbulvuŋ Buymisemuŋ ndra.

Slu cuw 1:29

Yi mbuɗukum di: «Ki jijikam ta, ki zluwunam ta!

Slu cuw 31:6

Tumom vu tam, cicam zlak gidaŋ gidaŋ, ki zluwunam kirkir a mbuŋ taŋ ta. Asi Bumbulvuŋ Buymisemuŋ kumo a sa ru ati kum, anta sa pulukum mbak le ta ndiɗaˀ wãˀ.»

Slu cuw 31:8

I Bumbulvuŋ masa ki ɓaˀ a mbuŋ ɗike, naŋ anta sa puluw ta ndiɗaˀ wãˀ. Ki zluwun ta so, yo ki pula vu ɗik a hĩhĩy ta.»

Slu cuw 32:42

Maslalam ɗu a sa zuma meficek ngi vu taŋ. Luvut ɗuwoy a sa wam ti pumbus taŋ, ko migi vurum masa lih pal anta, misi waˀahay malla mijaka taŋ ti ji, a sa gam bonoy cek.»

Slu cuw 7:18

Ki zluwunam ti taŋ ta. Wulkaka gwat Bumbulvuŋ Buymisemuŋ kumo miga da buy Ezipte waɗ da mizli naŋhay gar na kwaɗay.

Slu cuw 7:21

Ki jijikam ti mizli tayna ta, asi Bumbulvuŋ Buymisemuŋ kumo, naŋ da a wuzla kumo. I Buymisemuŋ madiɗa magi zluwun da mburu.

Slu cuw 9:7

Moyis a ɓi: Kum mislikiɗaka mevel da Bumbulvuŋ Buymisemuŋ kum, a wuzlaɓuh mikirɗak kirɗak na, wulkaka kwaɗay! Ki puyukom di hirnga ta wãˀ! Diga tapas kum mupuloko Ezipte, hã ki ndiloko aka na, ki ra slikiɗam ɓi avu Bumbulvuŋ na si.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

ZOZUWE 1:5

Angi hin ngi siifa ɗik gar na, ko mbur macici gu a mbuŋ ɗik anta wãˀ. I sa ndir ati kakaɓa ya mindir zleˀe ati Moyis na ya. Ko y'anta sa puluw fuk ta, yo y'anta sa hiziguw avra ta.

ZOZUWE 14:12

Yi wuɗ wurenna so na, ɓa ki vuliy hirwuy vay muwã hana kaɓa Bumbulvuŋ miɓiy di tapasa na. Ti di nah, ki cine le kuy kuy, misi angi hirwuy vay muwã tayna, i mizli Anakay ati walahay madiɗa mugunohoy le gun gun ti mohol. Asinta, da Bumbulvuŋ naŋ da ati ya na, yi sa ɓula mizli tayna avra kaɓa Bumbulvuŋ miɓiy di ɗaˀ ɗaˀ le na.»

MIGI KIITAHAY 1:22

Dideˀ ngi Efrayim ati ngi Manase, ziri ngi Zozefeye kwana, ara zlaka Betele ngi kiɗa vu aya, Bumbulvuŋ naŋ da ati taŋ.