SLUFA VU 14:3 - Bible en langue guiziga

³ Bumbulvuŋ vuna, aru ti ndra nga hirwuy misi kanah ngi gi mike? I sa ra micam ar vurum a diga, a sa tiɓaka ngwas ndrahay ati ziri ndraˀahaya. Zuwen ndra mamam nga Ezipte takwa?»

SLUFA VU 14:3 ပူးပေါင်းရင်းမြစ်များ

NEHEMI 9:17

A ngumam cine mi ta, yo cekenehey ka miga taŋ vur taŋ na, a wulkaka ɓi naŋ keŋ mata. Hirnga taŋ gidaŋ. Taŋ mislikiɗam ɓi avu ka na ma na, a wulkam ɓa a mam ng'ar beke taŋ a Ezipte a muŋ. Amma ka, ki Buymisemuŋ mapul mungra ngi mizli, ki pur vu ti hiri mezle, ki pur ircece haɗa, ki ji mevel kutum ta, ka teŋteŋ haɗa, ko ki pula taŋ zlaɗ ta.

DIMISEY 78:40

A mbiɗam hirnga le avu Buymisemuŋ sar mbeˀ mbeˀ a wuzlaɓuh mikirɗak kirɗaka, yo a jiginam mi le ava ar li muˀulo nah.

BI NGI ISRAYELEY 16:3

A ɓaka taŋ na: «Kay! Anja zuwen ndra mumicam ti gidaŋ ngi Buymisemuŋ a Ezipte a funa le. Adiga. zleˀe na, ndra joa ciki misirgaɗ ngi useˀhey, i zumam ɗafa hã i mbam! Na ki soko ti ndra gar nga wuzla ɓuh hana, ɓa zigiduw a muc ti may sukwa?»

BI NGI ISRAYELEY 5:21

A ɓaka taŋ: «Anja Bumbulvuŋ a pura gwat kum migaka na, yo a gukum kiita: Buy Ezipte ati gawla naŋhay anta wuɗam pur hiri ndra mata, asi kumo, ki vulaka taŋ di i maslalam a haŋ ɓa ngi kiɗ ndra vagay vagay.»

ZEREMI 42:14

yo da ki ra ɓam: ‹Ĩˀĩ! I wuɗam ru nga Ezipte, Ndr'anta sa puram hiri ngi vurum a diga mata, Ndr'anta sa cinam tulum ngi bi ng'ar vurumo mata wãˀ, ndr'anta sa gam bonoy ngi ɗaf makice mata wãˀ, yo i wuɗam i ra pam a diga› na,

ZEREMI 42:19

Kum mizli Zudahay mindiram ti siifa, Bumbulvuŋ a ɓukum na: ‹Ki ram nga Ezipte ta! Dana, sinaka sin le, i ra ɓukum di njah wãˀ!

ZEREMI 9:3

Jam lesl, anja ko wa gar na, a ji lesl avu cil naŋ: ki pula vu ɗike mbak da sukum ɗik ko loŋ ta, asi ko sukum ɗik wanaka gar na, a guw gilawa yo cil ɗik wanaka gar na, a juw ɓi.

SLUFA VU 11:20

kisa zumam useˀ hã kiya soŋ wãˀ, hã a gukum kisl kisl, ki vunaham di. Kahana gar na, i kuti asi kum mupulaka Bumbulvuŋ misi a wuzla kumo mbak, ki tuwam di, ki ɓam: I boko ti Ezipte vuna vur mike na?›»

SLUFA VU 16:13

Ani ki coho ti ndra le nga muc a wuzlaɓuh, mbak hirwuy misi ɗuwa ati mam maɓulom anga na, naŋ muk ti ka takwa? Ki wuɗ ɓa ki wa ndra ma sukwa!

SLUFA VU 20:3

Mizli Israyeley a jiginam mi avu Moyise, a ɓakaŋ: «Kay! Zuwen ndra mumicam zleˀe, kaɓa sukum ndrahay Bumbulvuŋ mikiɗa taŋ na ya!

SLUFA VU 21:5

A zlaka, a dirɗaka Buymisemuŋ ati Moyise, a ɓaka taŋ na: «Ki coho ti ndra mbak Ezipte le vur mike? Ɓa i micam a wuzlaɓuh aka kwa? Peŋ anta aka ta, yam anta, yo man, ɗaf malambaˀ hana, a ɓula ndra mi le ma!»

SLRA 7:39

Amma dideˀ ndraˀahaya, a ngumam cinakaŋ mi ta, a pakaŋ haŋ, a mevel taŋ na, a wuɗam mi nga Ezipte a muŋ.

Slu cuw 1:39

A dirba nah, Bumbulvuŋ a ɓukum gar kumo: «Ki ɓam zleˀe na, a sa jaka ziri kumoy ng'ar beke kini ta? Na dana ani na, a sinaka mezle ati malambaˀa ta, i taŋ masa cam ati Zozuwe nga hirwuy nah. I sa vula hirwuyo da taŋ, masa pam ara i taŋ.