Dar ki soko cek ng'avi ya, ki ɓikiy: «Slinukum mizli a mbuŋ ndra, ɓa ara puroko ndra hirwuyo, ɓa a sa ɓam ndra ɓi ngi jiviɗ ndra masa bam ti raˀa, waɗ walahay ndra masa ndilam anga vuna.»
Yo a Kades-Barneya, ti Bumbulvuŋ mislinukum, a ɓukum: «A ram, ara tiɓaka hirwuy ya muvulukum di» na, ki ngumam cine mingiɓi ngi Bumbulvuŋ Buymisemuŋ kumo ta, ki pulakaŋ mevel kumo ta, yo ki puraka mingiɓi naŋ kaɓa ɓi lambaˀ.
Moyis, gawla ngi Bumbulvuŋ misliniy zleˀe baɗ ti Kades-Barneya nga pura hirwuy na, naɓa ya ti vi kukur mufaɗa. Amma yi so slufaŋ ɓi nah le kasl kasl wãˀ.
Zozuwe, mangal ngi Nuno, a slin mizli cuw, zle a Sitime, ɓa ara puroko li yaŋ yaŋ. A ɓa taŋ: «A ra puroko hirwuyo waɗ walahay Zeriko.» Mupura lihey tuwa, a ram nga Zeriko, a cam ngi hay ngwas sulome ada, a zilaka Rahap, a hinam a hay naŋ.
