SLUFA VU 12:2 - Bible en langue guiziga

² A ɓam na: «Bumbulvuŋ miɓi na, i Moyis pal naŋ kwa? A ɓa ndra le ya ta walkwa?» Bumbulvuŋ a cine mingiɓi taŋ na le.

SLUFA VU 12:2 ပူးပေါင်းရင်းမြစ်များ

ZLI VIRZI 29:33

A gi hur ma, a yi mangal mizile, a ɓi: «Haˀaw, Bumbulvuŋ a si na le, anta a wuɗikiy ta, ani a vuliy mangal mekelem le ma.» Dar a zila Simeyoŋ.

SAMUYEL MUCUW NAŊ 11:27

Bat-Seba, ti hin ngi tuwa zil naŋ mikiɗ mi na, Davit a slin ara zuɓakaŋ di, a zuɓa ngi hay naŋ. Bat-Seba a tiri ngwas naŋ, a yaŋ mangal mizile. Amma gwat Davit miga na, Bumbulvuŋ a hĩyã ta.

BUYOY MUCUW NAŊ 19:4

Mbur mijijira gwat ngi vurum ngi buy Asiri, buy naŋ vuna a slino di, ɓa a za Bumbulvuŋ misi ti siifa. Asinta, Bumbulvuŋ Buymisemuŋ, ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anjaka mijiviɗe, tumbulo Buymisemuŋ asi mizli mindiramay ar siifa neˀ na so.»

BI NGI ISRAYELEY 4:14

Bumbulvuŋ a zuɓ himaˀ angi Moyise, a ɓaŋ: «Sukum ɗik Aroŋ mbur levi na, naŋ anta kwa? Yi si na le, naŋ a si na mingiɓe le kaf kafa. Naŋ vuna n'ani, ara bawa nga ji ti ka hirnga. Naŋ misa puruw le na, a sa mumul a mevele.

BI NGI ISRAYELEY 4:30

Dar Aroŋ a mataŋ hiri ngi ɓi Bumbulvuŋ miɓa ɗaˀ le Moyis tuwa gar, a ga cekenehey a mihiri ngi Israyeleye.

BI NGI ISRAYELEY 5:1

A dirba nah, Moyis ati Aroŋ a soko, a ɓaka buy madiɗa ngi Ezipte na: «Bumbulvuŋ Buymisemuŋ ngi Israyel a ɓi na: pula mizli ɗuwoy a ram, nga wuzla ɓuh mikirɗak kirɗaka, ɓa ara gikiy muguzlum ngi ɗuviy hirnga.»

BI NGI ISRAYELEY 7:10

Moyis ati Aroŋ a ram ngi hay buy Ezipte, a gaka kaɓa Bumbulvuŋ miɓa taŋ di tuwa. Aroŋ a hiziga ganday naŋ a mbuŋ buy Ezipte ati gawla naŋhaya, joˀ ganday tuwa, a tiri kaw.

MIKUCUWULOY 13:10

Huhumo vu a slikiɗ di i tiri tewle, sinmijileŋ, naŋ avu mizli matiɓam kuti.

EZAYI 37:4

Soje micawwa ngi buy Asiri, buy naŋ vuna a slino di, ɓa a za Buymisemuŋ misi ti siifa. Asinta, Bumbulvuŋ, Buymisemuŋ ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anja ka mijiviɗe, ki tumbulo Buymisemuŋ asi mizli mindiram ar siifa neˀ na so.»

MISE 6:4

I girukum ti ya mubo ti kum ti ruwuy Ezipte na kwa? Ti ya mumbuɗu hirnga kum tir beke na kwa? Ti ya muslinukum Moyis, Aroŋ waɗ Miriyam, ɓa a ndiram i mijigin kumoy na kwa?

SLUFA VU 11:1

Ngi pas numuŋ ada na, Israyeley a zlaka tuwuy ti Bumbulvuŋ. Bumbulvuŋ micina na, a jaŋ mevel le. A slino vu, a wur mizli ati mivay ngi walahaya.

SLUFA VU 11:29

Moyis a mbiɗaŋ di: «Ki gi suloŋ ti ya kwa? Da a gi na, anja Bumbulvuŋ a vula ˀUf naŋ da Israyeleye gar, ɓa a tiram mijiviɗey gar kwana kuy!»

SLUFA VU 12:3

Moyis i mbur mahin hirnga haɗa, ko mbur mahin hirnga ka naŋ na, anta asi ruwuyo ta ngbaŋ.

SLUFA VU 16:3

A kusom a hirnga Moyis ati Aroŋ, a ɓaka taŋ: «A mba ndra kwacay le muduba, mizli ngir jum ngi Israyeley gar, i ngi Bumbulvuŋhoy, yo Bumbulvuŋ kwana, naŋ da a wuzla ndra gar. Ka mapura vu ɗik fineˀ mizli ngi Bumbulvuŋhoy gar na vurmike?»

ROMAHAY 12:10

Anja ki wuɗam vu haɗa ar wala kumo kaɓa sukumuŋhoy mawuɗam vu ar wala taŋ. Hurdumom hirdam, anja ko wa gar a ɗuva hirnga da cala.

ROMAHAY 12:3

Buymisemuŋ a giy mezle le, vurˀe, kum purla purla gar, yi ɓukum na: anja ki wulkam wuluk mifineˀ gidaŋ kumo ta. Ko wa gar a wuluk kaslsla, weˀe avu tiɓi, Buymisemuŋ muvulaŋ nga naŋ.

FILIPIHEY 2:14

Gwat gar na, gaka manja mbulo mi, manja cici kaŋ kaŋ,

FILIPIHEY 2:3

Anja ki gam gwat ɓa mizli a puram i kumo si ta, yo ki huhumo vu ta. Ammahinam hirngaŋ, puraka mizli mekelemeye, kaɓa a funukum le.

PIYER MUDUMBUŊ NAŊ 5:5

Naŋ kanah ya, kum gawlahay, hinam hirnga a mbuŋ mizli micawwahaya. Ar jumoˀay kum gar ar wala kum na, kaka hina hirnga ɓaˀ avu vu ka zana, asi a tohoko na: «Buymisemuŋ a cici kaŋ kaŋ avu mizli mahuhumom vu hoyo, amma a ga mezle da mizli mahinam hirnga a mbuŋ naŋ.»