SLUFA VU 11:2 - Bible en langue guiziga

² Mizli a zlaka tumbulo Moyise ti tuwuy. Moyis a tumbulo Bumbulvuŋ ar deɗe taŋ, joˀ vu a mucu.

SLUFA VU 11:2 ပူးပေါင်းရင်းမြစ်များ

DIMISEY 106:23

Buymisemuŋ a juwa le a mevele zleˀe ɓa a ngizla taŋ, amma Moyis, mbur naŋ muwunaŋ tuwa, a cici zlak a mbuŋ naŋ, a tikaŋ, ɓa a mucaŋ mevele, a ngizla taŋ mata.

BI NGI ISRAYELEY 10:18

Moyis a bo ti hay buy Ezipte, a tumbulo Bumbulvuŋ.

BI NGI ISRAYELEY 34:9

Dar a ɓi: «Bumbulmuŋ ɗu, da ki ra giy mezle gisiŋ na, ambuh, sawa, kisa ndra. Yi si na le, mizli tayna, hirnga taŋ gidaŋ, amma pula ndra mungra ati malambaˀ ndraˀahaya, yo pura ndra ka mizli ɗikeye!»

EZAYI 37:4

Soje micawwa ngi buy Asiri, buy naŋ vuna a slino di, ɓa a za Buymisemuŋ misi ti siifa. Asinta, Bumbulvuŋ, Buymisemuŋ ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anja ka mijiviɗe, ki tumbulo Buymisemuŋ asi mizli mindiram ar siifa neˀ na so.»

ZEREMI 15:1

Bumbulvuŋ a ɓiy: «Da ko Moyis ati Samuyel a boko le dedeŋ a mbuŋ ɗu aka, vur ɓi ngi mizli tayna tekeɗe kwana, y'anta sa cine taŋ di ta na si. Ɓula taŋ a mbuŋ ɗu avra, anja a cohom!

ZEREMI 37:3

Akẽh na, Yukal mangal ngi Selemiya waɗ Sefaniyas masay, mangal ngi Maˀaseya, buy Sedekiyas a slina taŋ nga cufuɗa mijiviɗ Zeremi, ɓa a ɓakaŋ: «Ambuh! Tumbulo ndra Bumbulvuŋ Buymisemuŋ ndra na takwa!»

ZEREMI 42:2

mijiviɗ Zeremi, a ɓakaŋ na: «Inga tiɓa tumbul ndra na takwa! Tumbulo Bumbulvuŋ Buymisemuŋ ɗik ar deɗe ndra mindiram njireˀ hana takwa. Haˀaw ndra zleˀe haɗi, ani i ndiram ti siifa njireˀ kini! Ka vuna ki si na le kuy kuy.

SLUFA VU 12:11

A ɓa Moyise: «Aw buy ɗu, i zluɓaka le. Ndr'i gilaway, migi mungrahay. Ambuh, ki mbiɗa malambaˀ ndra migaka na, nga hirnga ndra ta.

SLUFA VU 12:13

Dar Moyis a tumbulo Bumbulvuŋ ˀay paɗ a muŋ, a ɓaŋ: «Aw Buymisemuŋ ɗu, inga ɗiyaŋ takwa!»

SLUFA VU 21:7

Mizli mindirama, a soko lumaka Moyise, a ɓakaŋ: «Ndra mudurɗukuw ka waɗ Bumbulvuŋ na, i gam mungra le. Tumbulo Bumbulvuŋ ar deɗe ndra, ɓa a kursa kaw tayna kileŋ avu ndra!» Moyis a tumbulo Bumbulvuŋ ar deɗe ngi mizli.

SLRA 8:24

Dar Simoŋ a mbiɗa taŋ di: «Na, kum vuna, tumbuloko Bumbulvuŋ vur ya, ɓa ɓi kum miɓaka na, a gi avu ya ta.»

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

Ɗerewol ZAK 5:16

Da ki wuɗam le ɓa ki mbulom na, anja mbur gar a njika mungra naŋ da cala, yo mbur gar a dir dibiɗ vur cala. Diradibiɗ ngi mbur mijeŋŋe na, naŋ ti gidaŋ haɗi.

ZAŊ MUDUMBUŊ NAŊ 5:16

Da mbur a pura sukum naŋ le, ara gi mungra, amma i mungra maru ti mbur ng'ar muc ta na, anja a dir dibiɗ, ɓa Buymisemuŋ a vula siifa da sukum naŋ nah. Amma sey da i mungra maru ti mbur ng'ar muc ta gisiŋ ɓula. Asi mungra ada pal, maru ti mbur ng'ar muco, ya maɓukum ɓa ki diram dibiɗ na, asi mungra nah ta.