SLUFA VU 11:12 - Bible en langue guiziga

¹² Muvula taŋ siifa i ya kwa? Miga hur taŋ i ya kwa? Miya taŋ i ya kwa? Ki ɓiy: Hila taŋ gumbuˀ gumbuˀ a didak, kaɓa ngwas mavul ɗuwa da zuŋ gaza, ɓa i ndil taŋ sesẽŋ angi hirwuy ka miɓa ɗaˀ le da dideˀ taŋhay na, ɓa hã ki ɓiy kanah na, vur mike?

SLUFA VU 11:12 ပူးပေါင်းရင်းမြစ်များ

ZLI VIRZI 13:15

Haˀaw, hirwuy ka mapura hana gar na, i sa vuluw di da ka ati dideˀ ɗikey hã ngi sete.

ZLI VIRZI 24:7

Bumbulvuŋ, Buymisemuŋ a zuɓo ya baɗ a hay baha, baɗ angi hirwuy ngi muy ɗuwoyo, a ɓiy le, yo a hudum le, a ɓi: I sa vula hirwuy hana da dideˀ ɗikey, yo i naŋ masa slina modro naŋ a mbuŋ ɗike, kisa zuɓo ngwas da mangal ɗu a diga.

ZLI VIRZI 26:3

Ka zik angi hirwuy misenna. I sa ndir ati ka, yo yi sa ɗuwuluw mi. Naŋ kine, i sa vula hirwuy hana cek da ka ati dideˀ ɗikey. Ɓi ya miɓa ɗaˀ le zleˀeˀ da bunuk Abraham na, i sa ga gbaˀa.

ZLI VIRZI 50:24

Ngi pas mekeleme, Zozef a ɓa sukum naŋhaya na: «Yi wuɗ i mucu. Buymisemuŋ a sa cik vu ar kumo, a sa bi ti kum tisi ruwuy misenna, nga ruwuy naŋ miɓa ɗaˀ le da Abraham, da Izak waɗ Zakop na.»

BUYOY MUCUW NAŊ 10:1

Zir mizile ngi buy Akapay ada kukur tarnaˀ a Samari. Zehu a tuh letir toh toh, a slin di da mizli micawwa ati buy ngi Zisreyeleye, yo da mizli masirkaka ziri ngi Akapaya, a ɓa taŋ:

BUYOY MUCUW NAŊ 10:5

Vurˀe, mbur madiɗa ngi hay buy ati buy ngir walahaya, mizli micawwahay ati mizli masirkaka ziri ngi buyoyo, a slinam ng'avu Zehu, a ɓakaŋ ani: «Ndr'i gawla ɗikey, yo gwat ka miɓa ndra di le gar na, i gakaŋ. Amma ndr'anta cifam buy mekelem pal mata. Gwat ka mupura le kuy ngi gi na, ka gaŋ.»

BI NGI ISRAYELEY 13:11

Moyis a ɓi ma na: «Ti Bumbulvuŋ misa ci ti kum le nga hirwuy Kanaˀan, yo da a vulukum di le kaɓa naŋ muɓuw ɓi nah ɗaˀ le da ka ati dideˀ ɗikey na,

BI NGI ISRAYELEY 13:5

Yo ti Bumbulvuŋ misa ci ti kum le nga hirwuy Kanaˀan, hirwuy Hiti, Amori, Hivi ati Zebusi, hirwuy naŋ miɓa ti hudum a mbuŋ dideˀ kumoy, a sa vulukum di na. I hirwuy misi ɗuwa waɗ mam maɓulom ara. Ki sa ga mezegwel nah angi kiya nah.

BI NGI ISRAYELEY 33:1

Bumbulvuŋ a ɓa Moyise na: «Pula hirwuy hana, ka ati mizli, ka mubo taŋ ti ngi ruwuy Ezipte tuwaŋ. Aru nga hirwuy ya miɓa ti hudum aseˀe da Abraham, Izak waɗ Zakop tuwa, i ɓa taŋ: I vula le da dideˀ kumoy.

BI NGI ISRAYELEY 6:8

I sa ci ti kum nga hirwuy ya muvula da Abraham, da Izak waɗ da Zakop haŋ paɗ a muŋ na. I sa vulukum di da kum. I ya Bumbulvuŋ maɓukum.»

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

EZAYI 49:15

Amma Bumbulvuŋ a mbiɗa taŋ di: «Ngwas ada puyuk hirnga ti baybay naŋ kwa? Ngwas ada pula wuɗa zuŋ naŋ mubo ti kwacay naŋ kwa? Da ko naŋ da puyuk di hirnga tekeɗe kwana, ya, y'anta puyuk hirnga ti kumo ta.

EZAYI 49:23

Masa tiram masay kumoy, i buy madiɗahay, yo masa vulukum gwat ngi zumo, i ziri taŋ maˀãyay. A sa hurukom a mbuŋ kumo, midibiɗ da ruwuy da ruwuy, a sa tirnaˀaka lagwada ngi vi sar kumoyo. Dar kisa sinaka muduba, yi Bumbulvuŋ, mizli manjaham hiri asi ya na, t'anta sa pam mesem ta.»

EZEKIYEL 34:23

I sa ki mijigin purla masa ru taŋ nga zumo: i gawla ɗu Daviti. Naŋ, a sa ru taŋ nga zum, a sa tiri mijigin taŋ.

Ɓimezle ngi Yesu Kristu ZAŊ mitil di mi 10:11

Ya i mijigin mezleŋ. Mijigin mezle a vula hirnga naŋ vur tumuŋ naŋhay.

KORENTIHEY MUDUMBUŊ 4:15

Asi mike na, da ko kum ti mizli durmuk kuruˀ madubunukum ɓi ngi Kristu tekeɗe kwana, cine kumo purla si. Muyukum sar mucuw naŋ na, i ya tisi Kristu, ti tila mi ti Ɓimezle naŋ.

GALATAY 4:19

Ziri ɗuwoy, ya mawuɗ kum haɗa, i ra si bonoy haɗa vur kumo ma, bonoy misi ka ngi ngwas mayi, hã tapas Kristu misa kicuw le a hur kumo.

Slu cuw 1:31

Yo a wuzlaɓuh mikirɗak kirɗaka, ki puraka naŋ mijijiro kum, kaɓa mbur majijir mangal naŋ na le, ki zuɓoko jiviɗe bummoˀ hã sesẽŋ ar li hana.»

TESALONIKEY MUDUMBUŊ NAŊ 2:7

Anja zliv i gam avu kumo gu kaɓa mizli madiɗahay zleˀe ngbaŋ, asi ndr'i mislin ngi Kristuhoy. Amma ndra luɓ luɓ avu kumo jaka, kaɓa mumuŋ ngi ziri maki slimiɗ ar ziri naŋhay.