SLUFA VU 11:1 - Bible en langue guiziga

¹ Ngi pas numuŋ ada na, Israyeley a zlaka tuwuy ti Bumbulvuŋ. Bumbulvuŋ micina na, a jaŋ mevel le. A slino vu, a wur mizli ati mivay ngi walahaya.

SLUFA VU 11:1 ပူးပေါင်းရင်းမြစ်များ

ZLI VIRZI 38:10

Gwat ngi gi naŋ hana, a cira hiri da Bumbulvuŋ ta, a ga ɓa naŋ vuna kwana, a muc aya.

SAMUYEL MUCUW NAŊ 11:27

Bat-Seba, ti hin ngi tuwa zil naŋ mikiɗ mi na, Davit a slin ara zuɓakaŋ di, a zuɓa ngi hay naŋ. Bat-Seba a tiri ngwas naŋ, a yaŋ mangal mizile. Amma gwat Davit miga na, Bumbulvuŋ a hĩyã ta.

BUYOY MUCUW NAŊ 1:12

Amma, Eli a mbiɗaŋ di: «Da yi mijiviɗ ngi Bumbulvuŋ na, anja vu a po sar paɗ ti muŋ, a zumukum, ka ati mizli ɗikey mizli ngir zlum na.» Vu a po sar paɗ ti muŋ, a zuma taŋ kap ati mizli naŋhay mizli ngir zlumo.

Ɗerewol JOP 1:16

Gawla mudumbuŋ ara ɓi aruŋ, amma mekelem a ndilawa, a ɓaŋ: «Vuŋ a pi sar le ar tumuŋhoy ati gawla ɗikeye, a wura taŋ le zlam zlam kap. Milahawa i ya pal ɗu, i so na nga ɓuw ɓi nah.»

DIMISEY 106:18

Vu a zlizlira hilfa taŋ kap, irne vu a zuma mizli miziriɗa mi ngi Buymisemuŋ tayna le.

DIMISEY 78:21

Akẽh na, Bumbulvuŋ micina ɓi hana na, a ji mevel ar sukwi ngi Zakopo, a slikiɗ himaˀ ar sukwi Israyele.

DIMISEY 78:63

Vu a zlizlira gawlahaya le, mbak mbur mazli dimis ngi hunuma diilihey anta mata.

BI NGI ISRAYELEY 16:7

Ti miprike, kisa puraka dudok ngi Bumbulvuŋ, asi a cine kum madirɗakaŋ na le. Ndra, ndr'i ndilaka le ɓa hã ki dirɗam ndra kwa?»

BI NGI ISRAYELEY 16:9

Moyis a ɓa Aroŋ: «Ɓa Israyeleye gar: ɓa a kirohoko ng'avu Bumbulvuŋ, asi a cine taŋ madirɗakaŋ na le.»

EZAYI 10:17

Bumbulvuŋ, li njah ngi Israyele, a sa tiri vu, yo Buymisemuŋ mipala, a sa tiri irne vu ɓa a wura, yo a zuma sisimey ati hadawaya pay hin purla si.

EZAYI 30:33

Vu i miɗiya le zleˀe si, naŋ vur buy vuna ya. A kusom dum ndit ngi ɗiy naŋ, ar li miligidaˀa. ˀUf ngi Bumbulvuŋ misi kaɓa mekepel ngi himiɗna, a sa bula vu.

EZAYI 33:14

Angi ruwuy Siyoŋ, migi mungrahay ara zluwunam, miziriɗa mihey ara jijikam. A ɓam: «I vu mazum li, masa cici zlak asi ndra gu i waka? I vu minjulili, masa cici zlak asi ndra gu i waka?

TUWUY 3:39

Mbur mideŋ ti siifa, a mbul mi vur mike? Anja mbur gar na, a mbul mi asi malambaˀ nga naŋ.

EZEKIYEL 20:36

Ya miga kiita da cine kumoy a wuzlaɓuh mikirɗak kirɗak ngi Ezipte na, yi sa gukum di da kumo kanah ya, i ya Bumbulvuŋ, Buymisemuŋ maɓi.

LEVIHEY 10:2

Akẽh na, vu a bo ti mbuŋ Bumbulvuŋ, a zuma taŋ kap, waɗ a micam daˀ a mbuŋ Bumbulvuŋ vuna si.

NAHUM 1:5

Muwãhay a jijikam a mbuŋ naŋ, li miɗingirey a luwuslam. Hirwuy a jijik a mihiri naŋ, duniya ati mizli ngi raˀahaya gar a jijikam.

HABAKUK 3:5

A slino jiji mozorbono a mbuŋ naŋ, yo ar li naŋ mucuh le ti raˀa gar na, jiji ara liˀi ara ya.

SLUFA VU 10:33

Israyeley a pulaka muwã ngi Bumbulvuŋ tuwa, a zuɓam jiviɗe, a gam hin makir ar li ru. Levihey majijiraka akoti ngi jumoˀaya, a ram di a mbuŋ, ɓa a luuma taŋ li ngi pi sara.

SLUFA VU 11:18

Ki sa ɓa mizli na: ‹Zuɓaka hiryi vur hin ngi tiprike, wam vu ngi sa zuma useˀe, asi Bumbulvuŋ a cine tuwuy kumo le, a si na le vreŋ ara gukum, hã ki ɓam zuwen ndra misi zleˀe a Ezipte. Vurˀe, Bumbulvuŋ a wuɗo vulukum useˀ ngi zumo so.

SLUFA VU 12:2

A ɓam na: «Bumbulvuŋ miɓi na, i Moyis pal naŋ kwa? A ɓa ndra le ya ta walkwa?» Bumbulvuŋ a cine mingiɓi taŋ na le.

SLUFA VU 14:2

Israyeley gar, a zlaka ngila mi da Moyis ati Aroŋ, a ɓaka taŋ na: «Kay! Zuwen ndra mumicam zleˀe a Ezipte malla zuwen a wuzlaɓuh mikirɗak kirɗak hana ma!

SLUFA VU 14:22

Mizli gar mupuraka dudok ɗu ati gwat migam ɗaˀ tahay, ya miga taŋ a Ezipte, waɗ a wuzlaɓuh mikirɗak kirɗak na, gar ti nah kwana, a cam le a kwacay ɗu is mbeˀ mbeˀ na si, ti taŋ micinikiy mi ta na.

SLUFA VU 14:27

«I cine Israyeley matuwam ti ya na le, mizli hĩhĩy malambaˀ tayna, a sa pulaka tuwuy ti ya na ti vunaka?

SLUFA VU 14:28

Ara ɓaka taŋ na: Kaɓa ya misi ti siifa gisiŋ na, hadam, i ya Bumbulvuŋ maɓi. I sa gi ti kum weˀe avu mingiɓi ya micina ti balam kum na.

SLUFA VU 16:11

Na ma na, ka ati mizli ɗikeye, ki slikiɗam ɓi ar Bumbulvuŋ na mbri jak maka? Na kum maɓam vuna, i Aroŋ ta.»

SLUFA VU 16:35

Bumbulvuŋ a bulo vu ngiɗ ngiɗ, mizli mi skat skat cuw ti kukur zlum mazlumam urdihey tuwa, vu a zluma taŋ kap.

SLUFA VU 17:5

Ɓiri mikamburam kamburam tayna, a vula wuluk da Israyeley ani: Mbur ngi hay Aroŋ ta gar na, naŋ anta ti jiviɗ ngi zluma urdi a mbuŋ Bumbulvuŋ ta. Da a zluma le na, a sa gi ava, kaɓa gwat migi avu Kore ati mizli naŋhay na ya. Bumbulvuŋ a ɓa Moyise, ɓa a ɓa Aroŋ ɗaˀ ɗaˀ le.

SLUFA VU 21:5

A zlaka, a dirɗaka Buymisemuŋ ati Moyise, a ɓaka taŋ na: «Ki coho ti ndra mbak Ezipte le vur mike? Ɓa i micam a wuzlaɓuh aka kwa? Peŋ anta aka ta, yam anta, yo man, ɗaf malambaˀ hana, a ɓula ndra mi le ma!»

KORENTIHEY MUDUMBUŊ 10:10

Yo anja ko ki dirɗam vu ka mizli mekelemey a wuzla taŋ midirɗam vu na ta. Modro ngi Bumbulvuŋ miziza vu a ngizla taŋ kap.

Slu cuw 25:18

Ko a zluwunam ti Bumbulvuŋ ta, hã a kutukukum njiɓaŋŋa a jiviɗe. Ti di nah na, naɓa ki giram le kupuyah kupuyah wãˀ, joˀ taŋ a kiɗaka mizli ngi dirbahaya.

Slu cuw 32:22

Haˀaw, mevel ɗu ara tiɓi ka vu, ara zlizlir hã sesẽŋ ar li ngi mizli mumucahay, ara zuma hirwuy ati gwat ngi raˀahaya gar, ara huhuto dimbasl ngi muwãhaya.

Slu cuw 9:22

Ki jaka mevel le da Bumbulvuŋ a Tabera, a Masa waɗ a kibrot-Taˀava ma.

HEBEREY 12:29

Vur Buymisemuŋ ndra, i vu mazum gwat nam nam.

Ɗerewol ZAK 5:4

Puraka ɗi, migi slrahay mugukum sifi ngi gwat ngir guva kumoyo, ki wurkaka taŋ ta. Cinaka, taŋ mawudam, hã widi taŋ a ndil gbaˀ a slimiɗ Bumbulvuŋ Buymisemuŋ, misi gidaŋ wãˀ.

ZUDE 1:16

Mizli tayna, t'anta cinam ndum ta ndrehhe, ara mbulom mi. Taŋ vur may gwat ngi vu taŋ tew si. A ɓam ɓi ngi huhumvu taŋ. Mizli zliv li lum ada avu taŋ na, a puram mupuɗaw i taŋ.