SLUFA VU 1:53 - Bible en langue guiziga

⁵³ Masa pam a ciki guɗuko, sey i sukwi ngi Levi tewle, a sa gaka slra taŋ. Kanah na, naɓa y'anta sa ji mevel ar Israyeleye ta.»

SLUFA VU 1:53 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 23:32

Asa jiginaka guɗuk waɗ hay ngi Buymisemuŋ, yo a sa gaka slra ngir hay ngi Bumbulvuŋ jom ati sukum taŋ ziri ngi Aroŋhoy.

ƁI NGI HINEY MUCUW NAŊ 13:10

Na ndra na, Bumbulvuŋ Buymisemuŋ ndra i naŋ, ndr'i pulakaŋ ta: masayay magaka mezegwel da Bumbulvuŋ na, i ziri ngi Aroŋhoy, yo i levihey, ara gaka slra taŋ!

ƁI NGI HINEY MUCUW NAŊ 13:11

A ra wuram gwat ngi mikuli mizlam zlam wãˀ da Bumbulvuŋ, vur miprik gar, vur pastaˀ gar. A ra wuram urdi mazĩˀĩ ndummo ma, ara pam ɗaf da Buymisemuŋ ar tabul manja dili, yo vur pastaˀ gar na, a jaka vu avu lampehey misi ar gwat ngi ɓiri tapasl tapasl ngi ɗuva lampeheye. Asi ndr'i gaka slra ngi Bumbulvuŋ Buymisemuŋ ndra, amma kumo, ki pulakaŋ le.

ZEREMI 23:15

Yo mbak ɗagay so, ya Bumbulvuŋ misi gidaŋ wãˀa, i ra ɓi ani vur mijiviɗ tayna: «I sa vula taŋ muwuŋ ɓa a sakaŋ, yo i sa lugo taŋ ti yam misi slalak ara, asi hiryi mitiɓa hirwuyo gar na, a bo tivi mijiviɗ Zeruzalemey.

ZEREMI 5:31

Mijiviɗey a njikaka ɓi ngi gwat masa gi tumbuŋ jeŋŋe ta, gwat ngi lum gar na, masayay ara paka ng'ar jiiba taŋ, mizli ɗuwoyo kwana, ara puraka kuy. Na a dirba gwat tayna, kisa gam mike? kisa gam mike?

LEVIHEY 10:6

Dar Moyis a ɓa Aroŋ ati ziri naŋ mizile mekelemey, Elazar ati Itamara «Ki pulaka ngwic hirnga kumoyo slipicak slipicak ta, yo ki ngiraka zanahaya kaɓa ki roko ti tuwuy a hiri ta. Da kine na, kisa micam, yo kisa soko ti himaˀ ngi Bumbulvuŋ nga hirnga zigiduw gar. Mizli, Bumbulvuŋ mizlizlira taŋ ti vu na, masa tuwaka taŋ i sukum kum Israyeley gar.

SLUFA VU 1:50

Guɗuk ngi huroˀo nga ya Buymisemvuŋ, misi ɗerewol ngi jumoˀay ara na, kisa pula slra naŋ asi haŋ taŋ. Gwat ngi slrahay ati gazlanga ngi raˀahay gar na, kisa pula taŋ asi haŋ taŋ ma. I taŋ masa jijiraka guɗuk ngi zlir ti ya waɗ gwat ngiraˀahaya gar. Masa gaka slra ngir guɗuk i taŋ, yo a sa ɗiyaka guɗuk taŋhaya gun hirnga guɗuk ngi zlir ti ya.

SLUFA VU 1:54

Ɓi Bumbulvuŋ muɗuva da Moyis gar na, Israyeley a gaka le kasl kasl kanah.

SLUFA VU 16:9

Bumbulvuŋ, Buymisemuŋ ngi Israyele, a guhukum le tivi jum ngi Israyel mekelemeye, ɓa ki kiraham ng'avaŋ gu. Slra ngir guɗuk ngi Bumbulvuŋ naŋ asi haŋ kum, ɓa ki gaka slra nah ti slimiɗ ngi Israyeley gar, nah vuna muk ti kum takwa?

SLUFA VU 17:7

Israyeley a kusom hoyo hoyo nga hirnga taŋ. Dar Moyis ati Aroŋ a mbiɗam hiri ngir tivu guɗuk ngi Buymisemuŋ. Akẽh na, musure ngi gazlavay a sirta guɗuko sirit, dudok ngi Bumbulvuŋ a bugo vu.

SLUFA VU 2:17

A dirba nah, i dideˀ ngi levihey masaram ti guɗuk ngi zlir ti ya Buymisemuŋ. Taŋ a ndiram a wuzla, ngay cuw ti mbuŋ, cuw ti dirba, a sa ram vur sila vur sila, kaɓa taŋ mipam ar walahaya, mbur gar ar li naŋ ar li naŋ, ti ngay ti ngay.

SLUFA VU 3:23

Sukwi ngi Gersoŋhoy a pam ti duba guɗuk ngi zlir ti Buymisemuŋ, tisi pas ngi pastaˀ naŋ.

SLUFA VU 3:29

Muy ngi ziri ngi Kehataya, a pam ti ciki guɗuko, tir vay ruwuy naŋ.

SLUFA VU 3:35

Buy taŋ i Suriyel, mangal ngi Abihayil. A pam ti ciki guɗuk ngi zlir ti Buymisemuŋ, tir vay muŋ naŋ.

SLUFA VU 3:38

Moyis ati Aroŋ waɗ ziri naŋ mizileheye, a pam a mi guɗuk ngi zlir ti Buymisemuŋ, tisi pas ngi miprik naŋ, mbiɗeˀvra, tivi mizlingre ngi guɗuko, tisi pas mabawa. Buyɓi ngi slra ngir hay ɗu i taŋ, a gaka ti slimiɗ ngi Israyeley gar. Da mbur i masay ta, a wuɗ le zleˀe ɓa a ga na, anja ani a kiɗaka le vagay.

SLUFA VU 31:30

Tir vay muvula da mizli mindiramay na ya kwana: mizli titrahay kukur zlum na, ki zuɓ pal, yo sla, zungu, tumuŋ, ˀaw ati gwat misãmi mekelemeye, migi le kukur zlum na, ki zuɓ pal pal da ya Bumbulvuŋ. Ki sa vula taŋ da levihey magam slra ar guɗuk na.»

SLUFA VU 31:47

Vay muvulaka da Israyeley mindiram na, Moyis a ngic ara da Bumbulvuŋ. Mizli kukur zlum na, a zuɓ mbur pal, ginew kukur zlum na, a zuɓ pal, a vula taŋ da levihey magam slra ar guɗuko, kaɓa Bumbulvuŋ muɗuvaŋ ɓi nah zleˀe.

SLUFA VU 8:19

Joˀ i vula taŋ da Aroŋ ati ziri naŋ mizileheye. A wuzla Israyeleye, a vulaka taŋ leviheye, a sa gam gawla ngi Israyeley ar guɗuk ngi zlir ti ya, waɗ ɓa a gaka taŋ mezegwel a hirnga taŋ ngi puya mungra. Naŋ kine, da ko Israyeley a gumbaˀam le ng'avu guɗuko kwana, y'anta sa ga taŋ bonoy mata.»

TIMOTE MUCUW NAŊ 4:2

Til mi ti ɓi ngi Buymisemuŋ, hurdum di, ko angi hin mezle malla angi hin malambaˀa. Biga malambaˀ ngi mizli, guco taŋ mi, vula taŋ gidaŋ, yo ga ndrehhe ti ɓusa ɓi waɗ ti dubuna taŋ gwata.

SAMUYEL MUDUMBUŊ NAŊ 6:19

Buymisemuŋ a ga bonoy da mizli ngi Bet-Semeseye asi taŋ mupuraka akoti ngi Buymisemuŋ na. A kiɗ asi taŋ mizli kukur tarnaˀ a wuzla mizli durmuk kukur zlumo. Akẽh na, mizli gar a roko ti tuwuy, asi Buymisemuŋ a ga taŋ bonoy le haɗa wãˀ.