SLUFA VU 1:4 - Bible en langue guiziga

⁴ Wuɗam buy ngi hay pal angi sukwi tiɗeˀe gar ngi jini kumo.

SLUFA VU 1:4 ပူးပေါင်းရင်းမြစ်များ

BUYOY MUDUMBUŊ NAŊ 8:1

Hirak ti nah so na, micawwa ngi Israyeley, madiɗa ngi wuzla sukwihey ati buy ngi hay Israyeleye, Salomoŋ a zila taŋ kos kos ng'avaŋ a Zeruzalem. A ɓa taŋ ɓa a jijiraka akoti ngi jumoˀay ngi Bumbulvuŋ, zle ar walahay ngi Davit, ada zilaka Siyoŋ ma, ɓa a ram di ng'ar hay ngi Bumbulvuŋ.

BI NGI ISRAYELEY 18:21

Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ.

BI NGI ISRAYELEY 18:25

Moyis a wini mizli mupuɗaw puɗaway a wuzla Israyeley gar, a cifa taŋ i buyɓi a hirnga mizli: buyɓi a hirnga mizli durmuk durmuk, skat skat, kukur zlum kukur zlum, waɗ a hirnga mizli kuruˀ kuruˀ.

SLUFA VU 1:16

Mizli madiɗahay muwunaka taŋ ar sukwi mitaˀ taˀ gar na, i buy ngi soje Israyeleye ma.

SLUFA VU 1:44

Moyis, Aroŋ waɗ buy ngi hayay ngi sukwi Israyel mukuruˀ nga cuw tuwa, a slufaka Israyeleye gar.

SLUFA VU 17:3

Ko da gwat ngi zluma urdi tayna, i ngi mizli migam mungra, mumicam aseˀe na tekeɗe kwana, a bigaka taŋ le a mbuŋ ɗu. A sa vuɗaka taŋ kamburam kamburam, a sa sirtam taŋ li gi mikuli. Mizli Israyeley a sa wulkam keŋ ava.»

SLUFA VU 25:14

Mbur Israyel mikiɗaka taŋ zlaɓ ati zuŋ Madiyan tuwa, a zilaka Zimri, i mangal ngi Salu, i buyɓi ngi muy ngi Simeyoŋhoy.

SLUFA VU 25:4

Bumbulvuŋ a ɓa Moyise: «Ja buy ngi mizli gar, luwa taŋ law law ar pas a mbuŋ ɗu, ɓa mevel ɗu mufõh fõh ar kum na, a sa tisli.»

SLUFA VU 30:1

Moyis a ɓa ɓi Bumbulvuŋ muɗuvaŋ di tuwa cek da Israyeleye.

SLUFA VU 4:34

Moyis ati Aroŋ waɗ mizli micawwa ngi Israyeley a tohoko slimiɗ ngi Kehataya, vur muyo vur muyo, yo vur wazlaraya vur wazlaraya.

SLUFA VU 7:2

Akẽh na, buyɓi ngi hayay ngi wuzla sukwi Israyeley a soko ti gwat ngi vul taŋhay da Bumbulvuŋ. Mijinaka mizli ar li slufa vu na, i taŋ.

Slu cuw 1:15

Ɓa ngi ru ti kum so na, yi wuɗ mizli misi sinmijileŋhey, mizli kum misinaka taŋ le, yo misi i buyɓihey ar sukwi kumoy zleˀe si, jo yi cifa taŋ i buyoy a hirnga mizli durmuk durmuk, skat skat, kukur zlum kukur zlum, kuruˀ kuruˀ. Mekelemey i mijigina lihey ar sukwiheye tiɗeˀe.

ZOZUWE 22:14

waɗ buyɓihey ngi wuzla mizli, taŋ kuruˀ jom ng'avaŋ. Asi sukwi Israyel gar na, a zuɓam buyɓi purla purla. Mbur gar na, i buyɓi ar tizer ngi dideˀ ngi Israyeley misi zlezle.