SLRA 7:3 - Bible en langue guiziga

³ Dar Buymisemuŋ a ɓaŋ: ‹Pula hirwuy ɗik ati muy ɗikeye, aru nga ruwuy ya masa buguw di.›

SLRA 7:3 ပူးပေါင်းရင်းမြစ်များ

ZLI VIRZI 12:1

Akẽh na, Bumbulvuŋ a ɓa Abrama: «Bi, pula hirwuy ɗik, muy ɗikey ati hay ngi bunuko. Aru nga hirwuy, ya masa buguw di.

ZLI VIRZI 15:7

Buymisemuŋ a ɓa Abrama na: «I ya Bumbulvuŋ mubo ti ka ti Ur, hirwuy Babiloŋ, ɓa i vuluw hirwuy hana, a ndir da ka.»

ZLI VIRZI 20:13

Ti Buymisemuŋ mubo ti ya wuk avu hay ngi baha na, i ɓa ngwas ɗu Sara: ‹Ar li ndra masa ram ara gar na, giy mezle, ɓi: Ki i sukum ɗu.›»

NEHEMI 9:8

Ki luuma Abrahama na, i mbur miteŋteŋ a mbuŋ ɗike. Akẽh na, ki jumom ˀay ati naŋ, yo ki ɓaŋ, naŋ ati dideˀ naŋhaya, kisa vula taŋ hirwuy ngi Kanaˀanay, ngi Hitihey, ngi Amorihey, ngi Perizihey, ngi Zebusihey waɗ ngi Girgasihey. Gwat ka miɓa kisa ga na, ki ga le, asi ka jeŋŋe.

Matiye 10:37

«Mbur mawuɗ cine malla mumuŋ naŋ fineˀ ya na, a ndila ɓa a tiri mbur ɗu ta. Mbur mawuɗ mangal naŋ malla zuŋ naŋ fineˀ ya na, a ndila ɓa a tiri mbur ɗu ta.

Ɓimezle ngi Yesu Kristu LUK mitil di mi 14:33

Naŋ kanah ya, ko wa gar a wuzla kumo, da a pula gwat naŋhaya mbak gar ta na, naɓa a tiri mbur ngisi ya gu ta.

SLRA 7:4

Abraham a pula hirwuy Babiloŋ, ara cifi a Haraŋ. A dirba cine naŋ mumuco, Buymisemuŋ a coho di ti kẽh nga ruwuy hana kum misi anga wurenna na.

KORENTIHEY MUCUW NAŊ 6:17

Vurˀe, Bumbulvuŋ a ɓi: «Bam avra ti wuzla mizli tayna so. Cifam baˀ pal kum. Gwat misi dili na, ki jaka haŋ ava ta, ɓa ya, i sa tuɓukum.

HEBEREY 11:8

Abrahama, Buymisemuŋ mizilaŋ, naŋ micinaŋ mi, aru nga hirwuy Buymisemuŋ miɓi a sa vulaŋ di, yo a cuh, manja a si na li naŋ maru ng'ara vuna na, asi tiɓi.

ZOZUWE 24:3

Yi bo ti dideˀ kum Abrahama baɗ ti dubazaw vay diga, joˀ yi liˀi di angi hirwuy Kanaˀan bal bal gar. Yi vulaŋ dideˀhey le haɗa teˀe, yo yi vulaŋ Izaka le.