Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ.
Zle avu mingiɓi hana, mitiɓihey a ɓam ar wala taŋ: «Mbur ngisi Yesu nah na, anta sa muc ta.» Dambalaka mbur nah anta sa muc ta na, Yesu a ɓa Piyere kine ta, amma a ɓi: «Da yi wuɗ le ɓa a ndir ti siifa hã ti ya masa mawa tekeɗe kwana, a cuw ka le kwa» kini ngbaŋ.
A mbiɗakaŋ di: «Korney, mbur miwi sojehey skat, mbur mikaslsla, mazluwun ti Bumbulvuŋ, mizli Yudehey keɗeɗe gar mangilam di wuy na, mislino ndra i naŋ. Asi modro ngi Bumbulvuŋ a njikaŋ di, a ɓaŋ ɓa aru ti ka ngi hay naŋ, ɓa a sa cine mingiɓi ɗike.»
A slinaka taŋ ti ɗerewol ani, a ɓam anga na: «Kum sukum ndra Yudehey ta misi a Antiyos, a Siri ati Silisi, ndra misliney ati mizli madiɗahay waɗ sukum kumoy na, i ra ju kum haŋ.
Dar misliney mukuruˀ nga cuwo, a ziloko mizli ngisi Yesuhoyo keɗeɗe, a ɓam: «Ɓa i pulaka tila mi ti ɓi ngi Buymisemuŋ, ɓa i gam slra ngi gwat ngi zum na, a tiɓaŋ ta.
Zigiduw gar a hĩyã mingiɓi misenna le. Joˀ a wunam Etiyen, mbur mitiɓi wãˀ, a nih le ti ˀUf Mipal, yo Filip, Prokor, Nikanor, Timoŋ, Parmenas ati Nikolas ngi hirwuy Antiyos, a ci Yude ti ci.
Anja mizli a sinaka le, i ngwas magi slra mezle, a gila ziri naŋhaya le kuy kuy, a tiɓi mulakay le a hay naŋ, a bun sar ngi mitiɓihey le. Mizli muroko ar bonoyo, a jina taŋ le, a gi sukwi ngi gwat mezlehey le gar.
Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.
Amma Demetriyuso, mizli gar, ara ngilam di wuy. Ko ɓi mikaslsla vuna ti haŋ naŋ kwana, ara gi sedewo ar naŋ. Ndra kwana, i ra gam sedewo vurˀe ya, na ki si na le, gi sedewo ndra, naŋ jeŋŋe.