SLRA 2:3 - Bible en langue guiziga

³ Yo a puram gwat kaɓa irne ngi vu, a wuɗuk njilim njilim, a hirnga taŋ purla purla gar.

SLRA 2:3 ပူးပေါင်းရင်းမြစ်များ

ZLI VIRZI 11:6

Joˀ Buymisemuŋ a ɓi: «Ani taŋ gar ara jumom, ɓa a tiram sukwi purla, ɓa a ɓam mi purla! Da a zlaka le kahana na, naɓa gwat taŋ majuwaka le ngi gi gar na, gwat masa tika taŋ ngi gi naŋ anta mata.

DIMISEY 55:9

I sa wus vu ɓa i lum li ɗum avu burkataŋ mibiw biwe.»

EZAYI 6:5

Dar yi ɓi: «Kay, ya ar bonoy! Yi zizi le, asi mi ɗu ya mazum, di gwata, i malambaˀa, ya a wuzla mizli misi mi taŋ i malambaˀ vuna ya. Ani Buy madiɗa, Bumbulvuŋ misi gidaŋ wãˀa, hiri ɗu a pura le.»

ZEREMI 23:29

Mingiɓi ɗu, naŋ kaɓa vu, kaɓa tokom ngi ɓiri mawaha ɗugur. I ya Bumbulvuŋ maɓi

Matiye 3:11

«Ya i cukum ar yam na, ɓa a sin ki mbiɗaka mevele le. Amma mbur masa sawa a dirba ɗu na, naŋ a sacukum ar ˀUf Mipal waɗ ar vu. Naŋ gidaŋ fineˀ ya, ko tarak naŋ kwana, yi ndila ngi cuk naŋ ta.

Matiye 3:15

Amma Yesu a mbiɗaŋ di: «Tuɓa ɗagay si. Gwat Buymisemuŋ mawuɗ na, a zlir le sey i gaka kanah.» Joˀ Zaŋ a tiɓa muduba.

Ɓimezle ngi Yesu Kristu LUK mitil di mi 24:32

Dar a ɓam ar wala taŋ: «Ti naŋ maɓa ndra, yo naŋ mabiga ndra wala ngi Ɓimutoho a jiviɗ na, ɓi nah a ga ndra vekeɗ vekeɗ a mevele ta mbrike?»

SLRA 1:15

Ti di nah na, mitiɓihey a gam gwat ngi skat ti kukur cuw gu, a kusom le. Piyer a slikiɗ deŋ a wuzla taŋ, a ɓa taŋ:

SLRA 2:11

Yude miyaka taŋ cak ti yihey ati mica ti cihey ada haɗa, yo Kretey ati Arapay. Amma slra madiɗa Buymisemuŋ miga na, ndra gar i ra cinam taŋ matilam di mi na, ti mi miyam ndra cak ti naŋ cak ti naŋ!»

SLRA 2:2

Gurjik si na, hurum ngi gwat a so paɗ a muŋ kaɓa hurum ngi burkataŋ gambara, a naha hay taŋ misi anga tuwa gar.

SLRA 2:4

ˀUf Mipal a naha taŋ le gar, a zlaka a ɓam ti mi mekelemey, kaɓa ˀUf Mipal vuna muvula taŋ di ɓa a ɓam di.

KORENTIHEY MUDUMBUŊ 12:10

Mbur mekeleme, a vulaŋ nga naŋ, i gidaŋ ngi gi cekene, mbur numuŋ, i ɓi ɓi ngi Buymisemuŋ minjikaŋ di, mbur numuŋ ma, i sli wala ngi gwat maso ti vuˀUf Mipal ati maso ti vu naŋ. Mbur mekeleme, i ɓi ɓi ti mi manja sin, waɗ da mbur numuŋ ma na, i gidaŋ ngi mbiɗa pulaˀvra ngi mi nah vuna.

Ɗerewol ZAK 3:6

Irne kwana, naŋ kaɓa vu, ɓi malambaˀhay gar a boko ti vaŋ. Irne, naŋ avu dumvu ndra, a jupa dumvu ngi mburo talalaŋ wãˀ. A nduvuɗa ndra vu, zle avu yi ndra hã avu muc ndra. I vu naŋ munduvuɗo di angi vu mamuc ta.

ƁIMUNJUYO 11:3

I sa slina migi sedewo ɗuwoy mucuw na, hin durmuk ti skat cuw ti kukur merkeɗe, zana ngi vagay ɓaˀ ɓaˀ avu vu, ɓa a ɓaka ɓi ngi Buymisemuŋ minjika taŋ di na.»

ƁIMUNJUYO 14:6

Dar yi pur modro mekelem ngi Buymisemuŋ, a slikiɗ hã a dadala muŋ. Naŋ ti Ɓimezle ngi sete, ɓa ngi til di mi da mizli ngi ruwuyoy: da sukwi ngi mizli ngi ruwuyoy gar, mizli mitaˀ taˀ gar, mizli maɓam mi wal wal gar, waɗ da mizli gar.