SLRA 2:2 - Bible en langue guiziga

² Gurjik si na, hurum ngi gwat a so paɗ a muŋ kaɓa hurum ngi burkataŋ gambara, a naha hay taŋ misi anga tuwa gar.

SLRA 2:2 ပူးပေါင်းရင်းမြစ်များ

BUYOY MUDUMBUŊ NAŊ 19:11

Bumbulvuŋ a ɓaŋ: «Bawa, cici deŋ a muwã aka, a mbuŋ ɗu, ya Bumbulvuŋ, vur yi wuɗ i sa cuhu.» Neˀ na, burkataŋ gambara mihimaˀ a gi a mbuŋ Bumbulvuŋ, hã a cira muwãhaya, yo a waha gidigil muwãhaya, Bumbulvuŋ naŋ anta ar burkataŋ na ta. A dirba burkataŋ na, hirwuy a wus, hirwuy muwus na, Bumbulvuŋ naŋ anta anga ta.

DIMIS MIMEZLE 4:16

Himiɗ vay muŋ, puɗuku! Himiɗ vay ruwuy, sawa! Gi fiɗek fiɗek ar jarne ɗu na, ɓa urdi mihindirik hindirik naŋhay a zãˀãm jirre! Anja mikiɗa may ɗu a co ng'ar jarne naŋ, ɓa a zum yi ngi widis mimezle ngi raˀahaya.

EZAYI 65:24

Ɓa a sa zilikiy tikeˀe na, naɓa i zila taŋ mi le si, ɓa a sa ɓam tikeˀe kwana, i cine taŋ di le si.

MALASI 3:1

Bumbulvuŋ misi gidaŋ wãˀa, a ɓi na, i ra slina mislin ɗu ani. A sa ɗiyiy jiviɗ a mbuŋ ɗu. I buy kum mawuɗam, i modro ngi jumoˀay kum muroko ti may naŋ tuwa. A sa ci gurjik ng'ar hay naŋ. Nˀani, ara ndilawa.

Ɓimezle ngi Yesu Kristu LUK mitil di mi 2:13

Gurjik ar nah vuna si na, modrohoy heɓe heɓe, migi vurum ngi muŋhoy jom ati modro mudumbuŋ tuwa, a zlam dimis ngi hunuma Buymisemuŋ, a ɓam:

Ɓimezle ngi Yesu Kristu ZAŊ mitil di mi 3:8

Himiɗ a gi ng'ar li naŋ muwuɗ le gar. Ki cine hurum naŋ ɓula, amma a so ti damaka, malla aru kini nga maka na, ki si na ta. ˀUf ngi Buymisemuŋ miya mburo le gar na, a gi di kanah ya.»

SLRA 2:3

Yo a puram gwat kaɓa irne ngi vu, a wuɗuk njilim njilim, a hirnga taŋ purla purla gar.

SLRA 2:6

Taŋ micinam hurum ngi gwat tuwa na, zigiduw a kuso timbiɗim, a ga taŋ welele teˀe. Asi ko wa gar na, ara cine mitiɓihey maɓam na, ti mi miyakaŋ cak ti naŋ cak ti naŋ.

SLRA 4:31

Angi kiɗa mi ngi diradibiɗ taŋ na, li taŋ mukusom anga, a wus hiɓik hiɓik, ˀUf Mipal, a naha taŋ le gar, a tilam mi ti ɓi ngi Buymisemuŋ manja zluwun.

PIYER MUDUMBUŊ NAŊ 1:12

Mijiviɗeye, ɓi taŋ matilam di mi, Buymisemuŋ minjika taŋ di na, vur taŋ tehhe a muŋ ta, amma vur kum. Wurenna mizli matilam mi ti Ɓimezle na, a tulukum di le muduba ti gidaŋ ngi ˀUf Mipal muso paɗ ti muŋ. Yo ko modro ngi Buymisemuŋhoy kwana, a wuɗam sli wala naŋ le ya.