RUTH 4:11 - Bible en langue guiziga

¹¹ Mizli micawwahay ati mizli micikilam akẽh gar, a mbiɗakaŋ di: «Haˀaw, ndr'i sedewohoy. Anja Bumbulvuŋ a ɗuwula mi da ngwas maci ngi hay ɗik vuna, a tiri kaɓa Rasel ati Leya, ngwas ngi Zakopoy mucuw tayna, miyaka sukwi Israyeley taˀ gar na. Anja zlili ɗik a gi haɗi a wuzla Efrataya, yo ɓa slimiɗ ɗik a zil a Beteleyeme!

RUTH 4:11 ပူးပေါင်းရင်းမြစ်များ

ZLI VIRZI 23:10

Naɓa Efroŋ vuna naŋ da a wuzla dideˀ ngi Heteye, Efroŋ mbur Hiti a mbiɗa da Abrahama a mihiri ngi dideˀ ngi Heteye, ɓa mizli masoko nga mizlingre ngi walahay gar a cinam. Joˀ a ɓi:

ZLI VIRZI 24:60

A ɗuwulaka mi da Rebeka, a ɓakaŋ: «Ka sukum ndra, sey ki tiri mumuŋ ngi mizli durmuk mbeˀmbeˀ. Anja dideˀ ɗikey a tiɓaka walahay avu mesene taŋhaya!»

ZLI VIRZI 29:16

Dambalaka Labaŋ naŋ da ti ziri mongosohoy cuw. Madiɗa a zilaka Leya, yo meciɗeke Rasel.

ZLI VIRZI 29:25

Put ngi miprik naŋ, keɗ na i Leya! Joˀ Zakop a ɓa Labaŋ: «Ki giy di i mi hana ka? Ya muguw slra na, asi Rasel takwa? Ki mbiɗiy gilaw vur mike?»

ZLI VIRZI 29:32

Dar Leya a gi hur, a yi mangal mizile, a zila Ruben, asi a ɓi na: «Bumbulvuŋ a puriy ya migeˀ ircece na le, wurenna zil ɗu a sa wuɗiy muduba.»

ZLI VIRZI 35:23

Ziri mizile ngi Leyahay i ti: Ruben, modogom ngi Zakop, Simeyoŋ, Levi, Zuda, Isakar, waɗ Zabuloŋ.

ZLI VIRZI 35:24

Ziri mizile ngi Raseley i ti: Zozef ati Benjameŋ.

BUYOY MUDUMBUŊ NAŊ 21:8

Zezabel a tuh letirey toh toh ti slimiɗ ngi Akapa, waɗ slimiɗ ngi Akapa taˀ taˀ ar taŋ. A slina taŋ da micawwa ati mizli madiɗa ngir walahay, Nabot misi anga tuwa.

ƁI NGI HIN GAR MUDUMBUŊ NAŊ 2:51

Salma, mipa hirwuy Betelyem, waɗ Haref mipa hirwuy Bet-Geder.

DIMISEY 132:6

I cinam a ɓam na: akoti ngi Bumbulvuŋ naŋ a Efrata, i lumaka le ar prok ngi ruwuy Yaˀar:

MIKUCUWULOY 14:1

Ngwas misi sinmijileŋ, a ja haya kuy kuy, amma ngwas gilawa, a hirya haya ti haŋ naŋ a muŋ.

MIKUCUWULOY 31:23

Ar cikil ngi mizli madiɗahay na, zil naŋ i mburu, ko da naŋ micifi le a wuzla mizli micawwa ngi ruwuy taŋhay kwana, kanah ma.

ZEREMI 32:10

I ga ɗerewol ngi cikili naŋ, waɗ haŋ ɗu taˀ ara ti gwat ngi ɗuva haŋ ɗu, i wa dala nah ti kilo a mbuŋ sedewohoy, ya muzulo taŋ.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

Matiye 2:6

«Ka Beteleyem, hirwuy Yude, ki prok miwãˀ ngi wuzla walahay madiɗa ngi si ruwuy Yudeheye ta, asi buy masa jigina Israyel, mizli ɗuwoy na, a sa bo tivi ka.»

Slu cuw 25:7

Da mbur a ngum ngila zubay naŋ ta na, ngwas a sa bi ng'avi mizli micawwahay a mizlingre ngi walahay, a sa ɓa taŋ: «Zubay ɗu a ngum ɓa slimiɗ ngi vagay ngi sukum naŋ a ndir asi ruwuy Israyele ta, a ngum ngiliy kaɓa mangilam ngwas ngi sukumuŋ ta».

Slu cuw 25:9

akẽh, zubay naŋ tuwa, a sa girjih ng'avaŋ, a mbuŋ mizli micawwahaya. A sa cukoŋ tarak avra, a sa tufaŋ tazlay nga mihiri, joˀ, a sa ɓi: «Mbur mangum ngila ngwas ngi sukum naŋ, ɓa a yi ar deɗe ngi sukum naŋ ta na, a gakaŋ di kahana so».

RUTH 1:2

A zilaka mbur vuna Elimelek, ngwas naŋ i Noˀemi waɗ ziri naŋ mizilehey cuw, i ti: Maloŋ ati Kiliyoŋ, i mizli Efrata ngi Beteleyem hirwuy Zuda. A ndilam ar prok ngi Moˀapa, a cifam a diga so.