RUTH 2:20 - Bible en langue guiziga

²⁰ Dar Noˀemi a ɓa dideˀ naŋ Ruto: «Yi pura na, Bumbulvuŋ naŋ anta puyuk hirnga ti ndra misi ti siifahaya ta, a puyuk ti mizli mumucahaya ta.» A dirba nah, Noˀemi a ɓa Ruto: «Boˀos vuna i muy ndra mikasl wãˀ, i muzumahay.»

RUTH 2:20 ပူးပေါင်းရင်းမြစ်များ

SAMUYEL MUCUW NAŊ 2:5

Davit a slin ng'avu mizli ngi Yabesey ar hirwuy Galaˀata, a ɓa taŋ: «Kum midikaka buy kum Sawul, yo kum mibigaka gi mezle kum ava ti slra misi kahana na, anja Buymisemuŋ a ɗuwulukum mi.»

SAMUYEL MUCUW NAŊ 9:1

Ngi hin mekelem ada na, Davit a cufuɗ mizli, a ɓi: «Mbur ngi hay Sawul misi ar siifa ada aruŋ kwa mbrike? Anja ɓa i gaŋ mezle asi Zonataŋ.»

Ɗerewol JOP 19:25

Ya na, i si na le kuy kuy, mimbiɗi hirnga ɗu naŋ da ti siifa, yo ar kiɗa mi naŋ na, a sa cici zlak a ruwuyo.

MIKUCUWULOY 17:17

Ngama a wuɗuw ko ti vunaka gar, amma sukum ɗike, a ya ka ngi wuɗa mbur mazlir ti ka ta.

LEVIHEY 25:25

Da sukum kumo, naŋ ti duvus a hirnga naŋ, a tiri le ava ɓa sey a hiɗik guva naŋ cah avra na, mbur misi ti jiviɗ ngi mbiɗa hirnga ngi guva, mbiɗeˀvra, muy naŋ migweˀ ngi vaˀa, a sawa, a mbiɗa hirnga ngi guva, sukum naŋ mihiɗika avra tuwa.

FILIPIHEY 4:10

I mumul le haɗi asi ya mujom ati Bumbulvuŋ na. Vur ki lumam gidaŋ le ngi ki slimiɗ angi ya a muŋ ma. Haˀaw, kum ada kam slimiɗ zleˀe angi ya, amma ki lumam ta na i haŋ ti lum.

RUTH 2:21

Rut a ɓi ma: «Boˀos vuna a ɓiy ma na: «Ka gi holok a dirba gawla ɗuwoyo hã tay mi ngi guva.»

RUTH 3:12

Naŋ kanah gisiŋ, yi muzuma hay gwaɗ naŋ, na mbur migweˀ ngi zuma hay mifineˀ ya ada.

RUTH 4:14

Vurˀe, ngwasay a ɓaka Noˀemi: «Gukum sise da Bumbulvuŋ, asi dana, a vuluw mbur le, masa ki slimiɗ ar ka. Slimiɗ ngi dideˀ ɗik a sa zil asi ruwuy Israyele.

RUTH 4:4

Na yi wuluk le, ɓa ki hiɗika a mbuŋ mizli micawwahay ati mizli ɗuwoy misi aka gar. Da ki wuɗ hiɗika guva naŋ na, hiɗikaŋ. Amma da ki wuɗ ta na, ɓiy di, ɓa yi sinaŋ. Asi guva nah, mbur ɓa a hiɗika, mbak ka le na, anta, a dirba ɗike kwana, i ya ya.» Mbur tuwa, a ɓaŋ: «i hiɗikaŋ.»

RUTH 4:6

Akẽh muzuma hay tuwa, a ɓi: «Da kine na, i hiɗika ta, naɓa a sa giy ngaˀ ngi zlili ɗu. I vuluw gi modogom ɗu da ka, ngi mbiɗi hirnga ngi guva ar deɗe ɗu, asi yi mbiɗa gu ta.»