RUTH 2:12 - Bible en langue guiziga

¹² Anja Bumbulvuŋ a wurukuw minjeˀe, anja Bumbulvuŋ Buymisemuŋ, ngi Israyele a wurukuw kuy kuy, asi ka muso nga ɗum na, ava.»

RUTH 2:12 ပူးပေါင်းရင်းမြစ်များ

DIMISEY 36:7

Jeŋŋe ɗike naŋ madiɗakaɓa muwã madiɗahay, yo gi kiita ɗike, naŋ jileŋ kaɓa mubuliy mijileŋ. Bumbulvuŋ, ki ra laha mizli ati gwat misãmiheye.

DIMISEY 57:1

Dimis ngi wuzla dimis ngi Davitey. I mulumo di ar ɗerewol ngi buy dimis. A ɓi ɓi ngi Davit mikil ng'ar butum, ɓa a lih avu Sawul. Dimis ngi zli ti ˀay maɓi: «Ki pula a hiryi ta…»

DIMISEY 58:11

Mbur mijeŋŋe masa pura Buymisemuŋ mapula bol na, a sa mumul. A sa buna saraya ceɗ ceɗ ar pumbus ngi misi moˀoreheye.

DIMISEY 61:4

Asi ka, ki li ɗum ɗu, hay ɗu mindira gidaŋ gidaŋ vur mesene ɗuwoy.

DIMISEY 63:7

Ya muro tup ar li hin ɗu na, i ra wuluk ar ka, i gi ler mbeˀmbeˀ ar li diruw dibiɗe.

DIMISEY 91:4

A sa ɗumuw ɗum asi kirpasl naŋ, kisa ɗum asi kirpasl naŋ, kaɓa zuŋ kucukur asi kirpasl ngi mumuŋ, gi teŋteŋ naŋ na, i mbaray, yo i libiti.

MIKUCUWULOY 11:18

Mbur misi moˀore a lum di i migir mapulaŋ mesem mesem. Amma mbur marudigi ti ɓi mijeŋŋe na, a lum migir migisiŋ gisiŋ naŋ.

MIKUCUWULOY 23:18

Asi ko mbri na, nga mbuŋ ada, yo njaha hiri ɗik na, anta sa zizi ta.

ZEREMI 31:16

Amma Bumbulvuŋ a ɓi na: «Tewle Rasel! Ki widi mata, sohõ tuwuyo! I sa wurukuw migir ɗike, ziri ɗikey a sa moko ti ruwuy mesene taŋhay a muŋ. I ya Bumbulvuŋ maɓi.

Matiye 23:37

«Kayya, Zeruzalem, Zeruzalem, ka makiɗa mijiviɗey vagay vagay, ka makuypa mizli mislinukuw taŋ na! Yi wuɗ le haɗi is mbeˀ mbeˀ, ɓa yi cikila ziri ɗikeye kaɓa kucukur mahuruk ar ziri naŋhay, amma ko ki ngumam ta.

Matiye 5:12

Mumulom, zluzluɓam, asi a sa wurkukum haɗi a muŋ, vur mijiviɗ mudumbuŋhoy ar kumo, a sipaka taŋ le nder nder zleˀe kanah ya.

Matiye 6:1

«Gwat kum magaka ar sipi jiviɗ kumo, jam lesl, anja ki gaka a mihiri mizli ɓa a purukum ta. Da kanah na, naɓa Cine kum misi a muŋ anta sa wurkukum ta.

Ɓimezle ngi Yesu Kristu LUK mitil di mi 6:35

Kumo so na, wuɗam mesene kumoy. Gam mezle, yo mizli midindilam gwat le avu kum na, ki wulkaka mata. Naŋ kine, kisa lumam migir kumo haɗi, kisa tiram ziri ngi Buymisemuŋ Mimadiɗa. Asi naŋ, naŋ i mezle avu mizli manja si na gi sisehey waɗ avu mizli misi moˀorehey gar.

KOLOSOY 2:18

Anja ki pulaka mbur a pukum hirnga ti ɓi malambaˀ ta. Mizli mekelemey ada, a hĩyãm gi gwat mabiga kaɓa ara sipaka ɓi ngi Buymisemuŋ dar dar. A hĩyãm huruk huruk a mbuŋ modro ngi Bumbulvuŋhoy. A ɓam ɓi ngi gwat taŋ mupuraka ti kleŋ, yo lesl ngi hirnga taŋ a vula taŋ huhumvu.

TIMOTE MUCUW NAŊ 1:18

Anja Buy Yesu a jinaŋ, ɓa Bumbulvuŋ a puraŋ ˀircece tapas naŋ masa ga kiita da mizli na. Gwat naŋ migiy di gar a Efez na, ka ki si na le kuy kuy fineˀ mizli gar.

TIMOTE MUCUW NAŊ 4:8

Wurenna, migir ɗu asi ya mulum bugawla na, ara kutukuy, i loppol mijeŋŋe, Bumbulvuŋ migi kiita mijeŋŋe masa vuliy di tapasa. A sa vula da ya pal ta ɓula, amma da mizli gar mawuɗam kutuk naŋ ɓa a bugo vu.

HEBEREY 11:26

A pura hina hirnga ngi Mesi na, i zlili mifineˀ zlili ngi Ezipte, asi a ro hiri taˀ ar migir ngi mbuŋ.

HEBEREY 11:6

Dambalaka, da tiɓi anta na, ɓa Buymisemuŋ a hĩyã mburo na, a gi ta. Asi mbur makirih ng'avu Buymisemuŋ na, sey a tiɓa le, Buymisemuŋ naŋ da, yo ara wurka mizli masipakaŋ.

HEBEREY 6:10

Asi mike na, Buymisemuŋ naŋ jeŋŋe, slra kum ati wuɗavu kum mibigaka ti slimiɗ naŋ, ti kum mijinaka misikristuhoy zleˀe ati kum mira gaka hã dana aruŋ gar na, naŋ anta puyuk di hirnga ta wãˀ.

RUTH 1:16

Amma Rut a ɓaŋ: «Ki hurdum ti ya hirdam, ɓa i puluw, i mi ngi hay ndra ta. Na, ar li ka masa ru, i ru ya, ar li ka masa cifi, i cifi ya. Mizli ɗikey a sa tiram mizli ɗuwoy. Bumbulvuŋ ɗike, a sa tiri Bumbulvuŋ ɗu.

RUTH 2:11

Boˀos a mbiɗaŋ di: «Gwat ka miga da dideˀ ɗik, a dirba muc ngi zil ɗik na, a slufikiy ɓi nah le pislek pislek, ki pula bunuk ati munuko, hirwuy ɗik muyukuw a ra, joˀ ki so nga wuzla mizli ka misina taŋ zleˀe ta.

RUTH 2:13

Rut a mbiɗaŋ di: «Ki ra giy mezle buy ɗu, ka miɓiy ya beke ɗik, ti ˀay mezle na, ki suhĩy tuwuyo le, na ya vuna i ndila ngwas migi slra ɗikey vuna ta mayse!»

RUTH 4:15

Mangal nah, a sa vuluw gidaŋ ar siifa ɗike, yo a sa jinuw ar mandangwas ɗike. Asi ngwas ngi mangal ɗik hana, naŋ avu ka fineˀziri mizilehey tarnaˀ, asi ara wuɗuw, yo a yuw dideˀ le ma.»

SAMUYEL MUDUMBUŊ NAŊ 24:19

Yo mezle ɗik ka magiy di na, ki biga le dana muduba: Buymisemuŋ muvuliy asi haŋ ɗik na, ki kiɗiy vagay ta.

SAMUYEL MUDUMBUŊ NAŊ 24:20

Da mbur miji hirnga le ti mesene naŋ ma na, a pula aru jam jam zleˀe ma kwa? Anja Buymisemuŋ a wurkuw migir ngi gwat ka migiy di ngadana na.