RUTH 2:10 - Bible en langue guiziga

¹⁰ Akẽh na, Rut a huruk huruk a mbuŋ Boˀoso, a ɓaŋ: «Ya ngwas mulak ma na, ki giy mezle haɗa, yo ki ki slimiɗ ar ya vur mike?»

RUTH 2:10 ပူးပေါင်းရင်းမြစ်များ

ZLI VIRZI 18:2

Keɗ na, mizli makir deŋ deŋ zar neˀ acikeˀe. Naŋ mupura taŋ na, a kil baɗ ti mi guɗuko nga ji taŋ hirngaŋ, a huruk huruk a ruwuy.

SAMUYEL MUCUW NAŊ 19:28

Amma gawla ɗu tuwa, a ru, ara jiy ɓi da ya gawla ɗik a mbuŋ ɗike. Amma ka, buy, kumani, kakaɓa modro ngi Bumbulvuŋ. Gwat ka mupura le kuy avu ka na, ka ga si.

SAMUYEL MUCUW NAŊ 7:18

Dar Davit ara cici a mbuŋ Buymisemuŋ, ar guɗuk ngi Bumbulvuŋ, a ɓi: «Bumbulvuŋ Buymisemuŋ, ɗu, ya malla mizli ngi hay ɗuwoyo, gwat ka muvula hana gar na, i ndilaka ɓa i lumaka ta.

SAMUYEL MUCUW NAŊ 9:8

Mefibaˀal a huruk huruk, a ɓa Davite: «Ya gawla ɗik, maara ngi kiri hana, yi wa, ɓa hã ki ɗuv hiri ng'ar ya naka?»

LEVIHEY 19:34

Mbur moholoy nah na, anja ki gam di kaɓa i zuŋ ngi hay jaka, kaɓa i mbur ngi wuzla kum, yo sey ki wuɗakaŋ kaɓa ka mawuɗam vu kum vuna. Asi kum vuna kwana, ki cifam moholoyoy le zleˀe angi hirwuy Ezipte ya. I ya Bumbulvuŋ, Buymisemuŋ kum.

Matiye 25:35

Asi may a jiy na, ki vulikiy gwat ngi zum le. Yam a giy na, ki vulikiy gwat ngi si le. Yi ru mulak na, ki tiɓikiy mulaka le.

Ɓimezle ngi Yesu Kristu LUK mitil di mi 1:43

I ya wa, ɓa hã mumuŋ ngi Buy ɗu a so ngi hay ɗu ya na ka?

Ɓimezle ngi Yesu Kristu LUK mitil di mi 1:48

Asi a ɗuv hiri le ar ya diili migi slra naŋ, mihina hirnga. Haˀaw, zle wurenna, mizli gar a sa jikiy salalay, a sa ɓikiy: «Ki ra mumul.»

ROMAHAY 12:10

Anja ki wuɗam vu haɗa ar wala kumo kaɓa sukumuŋhoy mawuɗam vu ar wala taŋ. Hurdumom hirdam, anja ko wa gar a ɗuva hirnga da cala.

RUTH 2:11

Boˀos a mbiɗaŋ di: «Gwat ka miga da dideˀ ɗik, a dirba muc ngi zil ɗik na, a slufikiy ɓi nah le pislek pislek, ki pula bunuk ati munuko, hirwuy ɗik muyukuw a ra, joˀ ki so nga wuzla mizli ka misina taŋ zleˀe ta.

RUTH 2:13

Rut a mbiɗaŋ di: «Ki ra giy mezle buy ɗu, ka miɓiy ya beke ɗik, ti ˀay mezle na, ki suhĩy tuwuyo le, na ya vuna i ndila ngwas migi slra ɗikey vuna ta mayse!»

RUTH 2:19

Dide naŋ Noˀemi tuwa, a ɓaŋ: «Ki ra gi holoko dana amaka? Ki ra gi slra ar guva ngi waka? Anja Buymisemuŋ a ɗuwula mi da mbur muguw mezle hana!» Dar Rut a slufaŋ di: «I gi slra dana ar guva ngi mbur mazilaka Boˀos.»

RUTH 2:2

Ti di numuŋ ada na, Rut zuŋ Moˀap tuwa, a ɓa Noˀemi: «I wuɗ i ru nga gi holok ngi daw ar guvahay, ɓaˀ a dirba mbur masa giy mezleŋ.» Noˀemi a mbiɗaŋ di: «Aru zuŋ ɗu.»

RUTH 2:9

Pura li munguma daway ma ram ara a ra na kuy kuy, yo ki ɓaˀ a dirba ngwasay manjikoko dawa. I ɓa gawla ɗuwoyo le ɗaˀ ɗaˀ le, ɓa a pulukuw, ki gi kaɓa ka mawuɗo. Da yam ara guw na, ara si misi ar kukulum gawla ɗuwoy munuwoko di vuna si.»

SAMUYEL MUDUMBUŊ NAŊ 25:23

Abigayele, naŋ mupura Davite keɗ na, a wus vu, a po sar tir zungu cak. A huruk a mbuŋ Davite, a huruk huruk, a ruwuy.