RUTH 1:6 - Bible en langue guiziga

⁶ Akẽh na, Noˀemi a slikiɗam baɗ a Moˀapa ati ngwas ngi ziri naŋhay mucuwoy tuwa, asi ti naŋ misi ar Prok ngi Moˀapa, a cine na, Bumbulvuŋ ara ki slimiɗ ar mizli naŋhaya, ara vula taŋ gwat ngi mi gama kuy kuy.

RUTH 1:6 ပူးပေါင်းရင်းမြစ်များ

ZLI VIRZI 21:1

Bumbulvuŋ a jina Sara, kaɓa naŋ miɓaŋ di zleˀe tuwa.

ZLI VIRZI 28:20

Dar Zakop a hudum, a ɓi: «Da Buymisemuŋ naŋ da ati ya, da a jiginiy le ar mulak ɗu ya mazuɓa, da a vuliy gwat ngi zum le, waɗ zana ngi ki,

ZLI VIRZI 48:15

A ɗuwula mi da Zozefe, a ɓaŋ: «I ra ga ambuh da Buymisemuŋ ngi dideˀ ɗu Abraham ati ngi baha ɗu Izak mindiram a mbuŋ naŋ na, Buymisemuŋ i mijigin ɗu diga taŋ miyikiy hã dana.

ZLI VIRZI 50:25

Dar Zozef a ɓa taŋ, ɓa a hudumom a mbuŋ naŋ: «Tapas Buymisemuŋ masa cik vu a hirnga kum na, kisa ram ti tesl ɗuwoy a haŋ.»

DIMISEY 102:14

Ki sa slikiɗ, asi ka mawuɗ walahay Siyoŋ, asi hin a ndila le, ɓa ki puraŋ ircece, haˀaw, hin a ndila le.

DIMISEY 111:5

Mbur mazluwun di na, ara vulaŋ gwat ngi zum, ara wuluk ndrehhe ar jumoˀay naŋ na.

DIMISEY 132:15

Haˀaw, i sa ɗuwula mi da Siyoŋ, i vulaŋ gwat ngi zum haɗa, yo i sa mba misi murga ngi raˀahaya ti ɗaf ka taŋ mawuɗam.

DIMISEY 145:15

A roko hiri taˀ taˀ avu ka, hiri njah njah asi ka, ɓa ki vula taŋ gwat ngi zumo kasl angi may taŋ.

DIMISEY 146:7

A ra ga jeŋŋe da mizli muguzuvuraˀahaya, ara vula gwat ngi zum da mizli muroko ti maya. Bumbulvuŋ ara laha mizli mujuwahaya.

DIMISEY 147:14

A ra jigina hirwuy ɗike, ɓa a cifi jam jam, a vuluw daw mezle hã ki mbi.

BI NGI ISRAYELEY 3:16

Aru, cikila mizli micawwa ngi Israyeleye, ɓa taŋ na: Bumbulvuŋ, Buymisemuŋ ngi dideˀ kumoy, Abraham, waɗ Zakopo, a bigiy vu le, a ɓiy na: I juwa le a mevel ɗu ɓa i kil widi kumo, asi gwat magukum di a Ezipte na.

BI NGI ISRAYELEY 4:31

Mizli a tiɓakaŋ, taŋ mislaka wala nah, Bumbulvuŋ a so le a jiniˀis tisi Israyeley, yo a pura bonoy taŋ le na, a hurkom a mbuŋ naŋ, a gakaŋ dudok.

MIKUCUWULOY 30:8

Ɓi mijeŋ ta ati slir na, kiraha killeŋ avu ya, ki giy ɓa yi tiri misi viya malla misi zlili ta, vuliy gwat ngi zum ɓa i ngir di tew si,

EZAYI 55:10

Vuŋ ati yam mapo buk buk ti muŋ na, anta mi nga muŋ, manja a luɓo hirwuyo ta, amma a ga ɓa hirwuy a gi gwat malla ɓa gwatay a ɗiɗam, a ya hilfa gwat da mizli ɓa a zligakaŋ, waɗ a vula gwat ngi zum da mizli, ɓa a zumakaŋ.

ZEREMI 29:10

«Ya Bumbulvuŋ i ɓi na: ‹Da zumabuy ngi ruwuy Babiloŋ a naha vi naŋ le kukur tarnaˀ na, i sa ki slimiɗ ar kum, ɓi ngi mo kum ng'ar li hana, ya muɓukum di ɗaˀ le zleˀe tuwa na, i sa ga muduba.

ZOWEL 2:19

Bumbulvuŋ a zila mi da mizli naŋhay ani: «Ani, i ra slinukum daw alkamari, mbaazla dedeɗeke waɗ mal muɗuco wureˀ aruŋ. Ki sa mbam taŋ pecek. Y'anta sa pulukum ɓa sukwi mekelemey a pukum mesem ta ndiɗaˀ wãˀ.

SOFONI 2:7

Joˀ li vay nah, a sa ndir da is ngi mizli Zudahay. Taŋ, a sa ram ti ginew taŋhay nga jigin a diga, ti pastaˀa, a sa muskam vu ar hayay misi a Askaloŋ, asi Bumbulvuŋ Buymisemuŋ taŋ, a sa jiniˀis asi taŋ, yo gwat masa gi avu taŋ na, a sa mbiɗa pal.

Matiye 6:11

Vula ndra ɗaf, ndra misi ti may naŋ dana.

Ɓimezle ngi Yesu Kristu LUK mitil di mi 1:68

«Anja mizli a hunumaka Buymisemuŋ, Bumbulvuŋ ngi Israyele. Asi ara ki slimiɗ ar mizli naŋhaya, yo a mbiɗa hirnga taŋ le.

Ɓimezle ngi Yesu Kristu LUK mitil di mi 19:44

Ka ati ziri ɗikeye, a sa zuzukum wãˀ, anta sa pulukuw ɗugur mijirngasl a hirnga cala ta, asi ko ki ki slimiɗ ngi si na hin ngi Buymisemuŋ misawa ɓa a jinuw na mata.»

TIMOTE MUDUMBUŊ NAŊ 6:8

Amma da ndr'ada ti gwat ngi zum ati zana ngi ki si na, ter ti ndra si.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

RUTH 1:5

A dirba nah, Maloŋ ati Kiliyoŋ tuwa, a micam cuw taŋ, Noˀemi a ndir pal naŋ, ziri naŋ mucuwoy ta, zil ta.

RUTH 1:7

A slikiɗam ati dideˀ naŋ mongosohoy mucuw tuwa, baɗ ar li taŋ misi anga. A mam nga ruwuy Zuda a muŋ.

SAMUYEL MUDUMBUŊ NAŊ 2:21

Buymisemuŋ a jina Ana, Ana a gi hur, a yi ziri mizilehey makir waɗ ziri mongosohoy cuw. Samuyele, naŋ ara gil a mbuŋ Buymisemuŋ.