RUTH 1:5 - Bible en langue guiziga

⁵ A dirba nah, Maloŋ ati Kiliyoŋ tuwa, a micam cuw taŋ, Noˀemi a ndir pal naŋ, ziri naŋ mucuwoy ta, zil ta.

RUTH 1:5 ပူးပေါင်းရင်းမြစ်များ

EZAYI 49:21

Dar kisa ɓam ti kwacay kumo: «Ziri hanayna, miyam ndra taŋ i waniy maka? Ndra zleˀe manja ziri, dirlayay, mijahay le nga hirwuy mulak, mususuymohoy le wãˀa. Na misa gila ndra ziri hanayna i wa maka? Ani ndra zleˀe jojoˀ pal ndra, na taŋ hanayna, taŋ zleˀe ama ska?»

ZEREMI 2:19

Anja a kutukum ti bonoy vur malambaˀ kum tehhe a muŋ! Sinaka sin le, saka bonoy kumo, yo naŋ ɗalak avu kum hã ar kiɗa mi naŋ, asi kum mupulaka sipi jiviɗ kum na, a mbuɗukum hirnga a muŋ! Asi kum mupulaka Bumbulvuŋ Buymisemuŋ kumo fuk, yo kum majijikam a mbuŋ ɗu ko neˀ mata na. I ya Bumbulvuŋ Buymisemuŋ misi gidaŋ wãˀ maɓi.

Ɓimezle ngi Yesu Kristu LUK mitil di mi 7:12

Ti naŋ mindil gweˀ avu mizlingre ngi walahaya na, kasl ti nah, mizli ara soko ti vagay ngi mbur nga diki. I mangal kirmalay ngi ngwas wudiga. Mizli haɗi ngir walahay ara ram aseˀeŋ.

Slu cuw 32:39

Yawwa, wurenna puraka so, Bumbulvuŋ i ya pal ɗu, pal ɗu kine, ko kuli anta a ciki ɗu ta. Maga ɓa mbur a muc i ya, mavulaŋ siifa i ya. Da i ga waˀa le da mburo na, makufaŋ di i ya. Mbur matiɓi mbur gu tisi haŋ ɗu ada kwa?

RUTH 1:2

A zilaka mbur vuna Elimelek, ngwas naŋ i Noˀemi waɗ ziri naŋ mizilehey cuw, i ti: Maloŋ ati Kiliyoŋ, i mizli Efrata ngi Beteleyem hirwuy Zuda. A ndilam ar prok ngi Moˀapa, a cifam a diga so.

RUTH 1:4

Ziri naŋhay tuwa, a zuɓam ngwasaya, i ziri Moˀapay, zuŋ numuŋ a zilaka Orpa, mucuw naŋ i Rut. A gam gwat ngi vi kuruˀ a diga.

RUTH 1:6

Akẽh na, Noˀemi a slikiɗam baɗ a Moˀapa ati ngwas ngi ziri naŋhay mucuwoy tuwa, asi ti naŋ misi ar Prok ngi Moˀapa, a cine na, Bumbulvuŋ ara ki slimiɗ ar mizli naŋhaya, ara vula taŋ gwat ngi mi gama kuy kuy.