RUTH 1:16 - Bible en langue guiziga

¹⁶ Amma Rut a ɓaŋ: «Ki hurdum ti ya hirdam, ɓa i puluw, i mi ngi hay ndra ta. Na, ar li ka masa ru, i ru ya, ar li ka masa cifi, i cifi ya. Mizli ɗikey a sa tiram mizli ɗuwoy. Bumbulvuŋ ɗike, a sa tiri Bumbulvuŋ ɗu.

RUTH 1:16 ပူးပေါင်းရင်းမြစ်များ

SAMUYEL MUCUW NAŊ 15:21

Itay a mbiɗa da buyo: «Hadam ti slimiɗ ngi Bumbulvuŋ misi ti siifa, yo ti slimiɗ ɗik, buy kumani ɗu misi ar siifa wurenna hana: ka buy, kumani ɗu, li ka masa ru na, da ko a bi ngi muc malla ngi cifi ti siifa kwana, ya gawla ɗike, y'ada a diga ya.»

DIMISEY 45:10

Zir diili ngi buyoyo t'ada kẽh, vu ɗiyeˀɗiyeˀ ti gwat ngi wuya ɗikey, yo ngwas deŋ tir haŋ hazum ɗike, ɗiyeˀ ɗiyeˀ vu, denjek ti ɓiri tapasl tapasl mipal naŋ kine.

MIKUCUWULOY 17:17

Ngama a wuɗuw ko ti vunaka gar, amma sukum ɗike, a ya ka ngi wuɗa mbur mazlir ti ka ta.

EZAYI 14:1

Ircece a sa ga Bumbulvuŋ ti dideˀ ngi Zakopoyo. A sa wina Israyeleye ava ma. A sa cifa taŋ asi ruwuy taŋ. Mulakay a sa jumom ng'avi taŋ, Joˀ a sa jumom gar ng'avi mizli ngi hay Zakopoy.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 3:29

Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.»

Ɗerewol OZE 13:4

I ya Bumbulvuŋ Buymisemuŋ kum, zle a ruwuy Ezipte. Mbak ya le na, Buymisemuŋ kumo mekelem anta. Milih kum mekelem anta, sey i ya pal ɗu,

ZAKARI 8:23

Ya Bumbulvuŋ misi gidaŋ wãˀa, i ɓi na: Angi hin nah na, ziley kuruˀ maɓam mi wal avu ngi cala avu ngi cala na, a sa soko avu mbur Yude, kaw kaw haŋ avu mi ngi zana naŋ, a sa ɓam: «I wuɗam i ram asi ka, asi i cinaka na: Buymisemuŋ naŋ avu kum.»

Matiye 8:19

Buy ngi ɓimujuwa a kiroho ng'avaŋ, a ɓaŋ: «Kumani, ar li ka masa ru gar na, yi sa ru asi ka.»

Ɓimezle ngi Yesu Kristu ZAŊ mitil di mi 13:37

Piyer a mbiɗaŋ di: «Buy, yi supuw wurenna gu ta vur mike? I sa vula hirnga ɗu asi ka.»

SLRA 21:13

Dar a mbiɗa ndra di: «Ki tuwam, yo ki slikiy mevel vur mike? I juw vu le, ɓa a juwikiy ti juw tew ta ma, amma ɓa yi muc a Zeruzalem asi slimiɗ ngi Buy Yesu.»

TESALONIKEY MUDUMBUŊ NAŊ 1:9

Asi taŋ ti hirnga taŋ a roko slufam ndra ɓi ngi kum mitiɓam ndra ati kum mupulaka kulihey ɓa ki sipam Buymisemuŋ migisiŋ gisiŋ misi ti siifa na.

ZOZUWE 24:18

Sukwi ngi mizli wal wal haɗa, Bumbulvuŋ a ɓula taŋ le a mbuŋ ndra, wãˀ naŋ na, a ɓul di i mizli Amorihey micifam angi hirwuy hana vuna. Ndra kwana, i sa gam mezegwel da Bumbulvuŋ, asi Bumbulvuŋ ndra i naŋ.»

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.

RUTH 1:15

Noˀemi a ɓaŋ: «Pura gis ɗike, ara mi nga wuzla mizli naŋhay, ng'avu kuli naŋhay. Mi asi gis ɗik na ya.»

RUTH 1:17

Ar li ka masa muc a ra, ya kwana i sa muc a diga ya, a sa dikikiy a diga. Da i wunkam le ati ka, i muc muwunka ndra ta na, anja Bumbulvuŋ a kutiy ti bonoy mukuyta wãˀ.»

RUTH 2:6

Madiɗa ngi munguma daway tuwa, a mbiɗaŋ di: «I ngwas zuŋ Moˀap, a soko ati Noˀemi tir prok ngi Moˀap.

RUTH 4:15

Mangal nah, a sa vuluw gidaŋ ar siifa ɗike, yo a sa jinuw ar mandangwas ɗike. Asi ngwas ngi mangal ɗik hana, naŋ avu ka fineˀziri mizilehey tarnaˀ, asi ara wuɗuw, yo a yuw dideˀ le ma.»