ROMAHAY 9:3 - Bible en langue guiziga

³ Sukum ɗuwoy, muy ɗuwoy ngi pumbus ngi vu na, yi hĩyã le ɓa Buymisemuŋ a nisiy asi taŋ. Da ko yi tiri mbur ngi Kristu mata kwana, kal si.

ROMAHAY 9:3 ပူးပေါင်းရင်းမြစ်များ

ZLI VIRZI 29:14

Labaŋ a ɓaŋ na: «Ki muy ɗu gisiŋ, ngi pumbus mupurla ati ya.» Zakop a gi kiya pal ati naŋ.

ESTER 8:6

Bonoy masa so ar mizli ɗuwoy na, ɓa i pura ti hiri na, i ɓusa ɓi nah gu mbri mbrike? Muy ɗuwoy masa ngizlam na, ɓa i pura ti hiri na, i ɓusa ɓi nah gu mbri mbrike?»

BI NGI ISRAYELEY 32:32

Amma wurenna, ambuh takwa, pula taŋ mungra taŋhaya! Da kine ta na, slimiɗ ɗu ka mutoho ar ɗerewol ngi siifa na, vuvuyo avra.»

SLRA 13:26

«Sukum ɗuwoy, ko kum i ziri ngi dideˀ ndra Abraham, malla ziri ngi mizli a wuzla kum madilkam a mbuŋ Buymisemuŋ kwana, ɓi ngi laha vu misenna, Buymisemuŋ a slino di da ndra.

SLRA 22:5

Masay madiɗa ati kus ngi mizli micawwahay a gaka sedewo naŋ gu. Asi mike na, ya muru zleˀe nga jo mizli a damasa, ɓa yi so ga taŋ bonoy a Zeruzalem aka na, muvulikiy ɗerewol da sukum ndra Yude ngi digahay vuna, i taŋ.

SLRA 28:21

Mizli madiɗa ngi Yudehey a mbiɗakaŋ di: «Ndr'i lumam ɗerewol tivu Yudehey asi ɓi ɗike ta, yo ko sukum ndra pal muso ndra ti ɓi malla miɓi ɓi malambaˀ vur ka kwana, anta ma.

ROMAHAY 1:3

I Ɓimezle maɓi ɓi ngi Mangal naŋ, Buy ndra Yesu Kristu. Taŋ miyakaŋ i mbur na, angi tizer ngi Daviti.

ROMAHAY 11:1

I ra cufuɗ vu so: Buymisemuŋ a pula mizli naŋhaya le kwa? Anta kanah ta wãˀ! Ya vuna, yi mbur Israyel, Abraham i dideˀ ɗu, yo i bo tir tizer ngi Benjameŋ.

ROMAHAY 11:14

I wuluk kanah ɓa yi slikiɗa suloŋ da muy ɗuwoyo, ɓa yi lih cah asi taŋ.

ROMAHAY 16:11

Jaka haŋ da Herodiyoŋ, muy ɗu. Jaka haŋ da mizli ngi hay Narkis, matiɓaka Bumbulvuŋ na.

ROMAHAY 16:21

Timote, ndra magam slra cuwa, a jukum haŋ le, yo Lukiyus, Zasoŋ ati Sosipater, muy ɗuwoy, a jukum haŋ le ya.

ROMAHAY 16:7

Jaka haŋ da Andronikus ati Zuniyas, muy ɗuwoy, yo ndra bumoˀ ati taŋ zleˀe angi dangaya. Mislin ngi Kristuhoy a sinaka taŋ le kuy kuy, yo taŋ i misikristuhoy dumbuŋ angi ya.

ROMAHAY 9:2

I ra lik haɗi haɗi wãˀ a mevel ɗu, ara giriy, anta kiɗ mi ta.

KORENTIHEY MUDUMBUŊ 12:3

Vurˀe, i ɓukum na, da mburo, naŋ ti ˀUf ngi Buymisemuŋ na, ɓa a ɓi: «Yesu i minisa le» na, a ɓi ta. Yo da mburo, naŋ anta ti ˀUf Mipal ta na, ɓa a ɓi: «Yesu i Buy» na, a ɓi ta.

KORENTIHEY MUDUMBUŊ 16:22

Da mbur anta wuɗ Bumbulvuŋ ta na, anja a nisakaŋ. Maranata!.»

KORENTIHEY MUCUW NAŊ 12:15

Ya na, ɓa ngi sa zliɗa gwat ngi si haŋ ɗu, yo ɓa ngi sa vula vu ɗu vuna wãˀ asi kumo na, i wuɗ le ti mumul haɗa. Da i ra wuɗukum haɗa na, kisa wuɗikiy preˀ vurˀe kwa?

GALATAY 1:8

Amma da ko mbur mekelem, ko i ndra, malla ko i modro ngi muŋ matulukum mi ti ɓimezle mekelem pal avu ngi ndra mutulukum di na, anja a nisakaŋ.

GALATAY 1:9

I ɓukum di le zleˀe si, wurenna i mukum hiri naŋ ava ma: Da mbur ara tulukum mi ti ɓimezle mekelem pal avu ngi kum micinaka na, anja a nisaka mbur nah.

GALATAY 3:10

Asi mizli macicam nga taŋ deŋ ar ɓimujuwa na, i minisahay le cek. Asi a tohoko na: «Gwat mutohoko gar angi ɓimujuwa na, ko wa gar muhurdum ngi gi naŋ ta na, i minisaŋ.»

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

EFESEY 6:5

Kum bekehey, cinaka mi da buy kum ngi ruwuyoy aka ti zluwun, ti jijik, yo ti mevel mezle, kaɓa ki gaka i da Kristu.

Slu cuw 21:23

anja vagay naŋ a hin law ar widise ta, sey ki dikaka kalla, asi vagay ngi mbur milaw na, a so ti nis ngi Bumbulvuŋ ng'asi ruwuyo. Ki sa soko ti dili ng'asi ruwuy Bumbulvuŋ Buymisemuŋ kumo muvulukum di na ta.

SAMUYEL MUDUMBUŊ NAŊ 14:24

Ti hin nah na, Israyeley a sam bonoy le, asi Sawul a ɗuva taŋ ɓi ngi nis ani: «Da pastaˀ a gi t'aruŋ, yo yi pula cuwal ɗu ar mesene ɗuwoy na t'aruŋ, da mbur muzum ɗaf le na, a ndir i minisaŋ.» Vurˀe, a wuzla mizli, ko mbur mititil ɗaf neˀ anta.

SAMUYEL MUDUMBUŊ NAŊ 14:44

Sawul a ɓi: «Da ki muc ta na, anja Bumbulvuŋ a kutiy ti bonoy mukuyta wãˀ. Zonataŋ, ki muc gbaˀ cummo ɓula.»