ROMAHAY 8:9 - Bible en langue guiziga

⁹ Kumo, kum anta luɓ luɓ avu kpak ngi vu kumo ta, amma kum luɓ luɓ avu ˀUf Mipal, asi ˀUf ngi Buymisemuŋ nah na, naŋ da a hur kumo. Da ˀUf ngi Kristu anta a hur mburo ta na, naɓa i mbur ngi Kristu ta.

ROMAHAY 8:9 ပူးပေါင်းရင်းမြစ်များ

EZEKIYEL 11:19

I sa vulukum mevel misi purla. I sa ci musuɗuk nawaya a hur kumo. Mevel kum migidaŋ kaɓa ɗugur na, i sa zuɓukum di avra, dar i sa vulukum mevel mukuɗ kuɗ kaɓa meficeke.

Ɓimezle ngi Yesu Kristu LUK mitil di mi 11:13

Da kum mizli malambaˀhay, ki sinaka vula gwat mezlehey le da ziri kumoyo na, naɓa Cine kum mise amuŋ, a sa vula ˀUf naŋ na, da mizli macufuɗakaŋ na ta jak kwa?»

Ɓimezle ngi Yesu Kristu ZAŊ mitil di mi 14:17

Naŋ i ˀUf mijeŋŋe. Naŋ na, duniya a tiɓaŋ gu ta, asi naŋ anta puraŋ ta, yo a sinaŋ ta. Amma kumo, ki sinakaŋ le, vur naŋ da ati kumo, yo naŋ da a hur kumo ma.

Ɓimezle ngi Yesu Kristu ZAŊ mitil di mi 14:23

Yesu a mbiɗaŋ di: «Da mbur ara wuɗiy na, a sipa mingiɓi ɗu. Baha a sa wuɗaŋ, Baha ati ya i sa soko, i sa paka hay ndra wãˀ a hur naŋ.

Ɓimezle ngi Yesu Kristu ZAŊ mitil di mi 3:34

Naŋ kine, mbur Buymisemuŋ mislino di le na, a ɓi di i ɓi ngi Buymisemuŋ, asi Buymisemuŋ ara nahaŋ haɗa ti ˀUf naŋ.

Ɓimezle ngi Yesu Kristu ZAŊ mitil di mi 3:6

Mbur titra a yi di i mbur titra ya, amma ˀUf ngi Buymisemuŋ kwana, a yi di i ˀuf aya.

SLRA 16:7

Ti taŋ mindilam angi maakway ngi ruwuy Misi na, a tutumaka ru nga Bitini, amma ˀUf ngi Yesu a pula taŋ jiviɗ ta.

ROMAHAY 7:5

Asi mike na, ti ndra micifam zleˀe ti gi gwat dumvu ndra mawuɗ na, ɓimujuwa a slikiɗa ndra may gi mungra avu vu ndra, ɓa i gam gwat maru ti ndra ng'ar mucu.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

ROMAHAY 8:11

Yo Buymisemuŋ mislikiɗa Yesu ti wuzla mumucahay na, da ˀUf naŋ, naŋ da a hur kumo na, naɓa Buymisemuŋ mislikiɗa Kristu ti wuzla mumucahay na, a sa vula siifa da dumvu kum mamuc na ya, tisi ˀUf naŋ misi a hur kumo.

ROMAHAY 8:2

Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

KORENTIHEY MUDUMBUŊ 15:23

Amma ko wa gar ti li nga naŋ nga naŋ. Mislikiɗ cikiɗeffe dumbuŋ, i Kristu. Yo ti naŋ masa mawa na, i mizli naŋhay aya.

KORENTIHEY MUDUMBUŊ 3:16

Kum i hay ngi Bumbulvuŋ, yo ˀUf ngi Buymisemuŋ, a cifi le a hur kumo na, ki sinaka ta kwa?

KORENTIHEY MUDUMBUŊ 6:17

Amma mbur majum ng'avu Bumbulvuŋ na, a tiram le purla ati naŋ.

KORENTIHEY MUDUMBUŊ 6:19

Dumvu kum i hay ngi ˀUf Mipal misi a hur kumo, i Buymisemuŋ muvulukum di, i ngi kum ta na, ki sinaka ta kwa?

KORENTIHEY MUCUW NAŊ 10:7

Kumo, ki puram di i deŋ ngi gwata. Da mbur a tiɓa le gisiŋ, naŋ i mbur ngi Kristu na, anja a wuluk ani kuy kuy ava: Da naŋ i ngi Kristu na, ndra kwana, i ngi Kristuhoy ka naŋ vuna ya.

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

GALATAY 4:6

Buymisemuŋ, ɓa ngi biga, kum i ziri naŋhay na, a slino ˀUf ngi Mangal naŋ le nga mevel ndra, i ˀUf matil mi: «Baba, aw Cine ndra!»

GALATAY 5:24

Mizli ngi Kristuhoyo, dumvu taŋ ati hiyĩ gwat ngi dumvu taŋ waɗ may gwat naŋ gar na, a kiɗaka taŋ le vagay vagay ar dum mizlira.

EFESEY 1:13

Ar kum mujom ati naŋ na, ki cinaka ɓi mikaslsla, Ɓimezle maluhukum na le ma, yo ki tiɓakaŋ le, joˀ Buymisemuŋ a ɗuvukum lammba ngi ˀUf Mipal, naŋ miɓa ɗaˀ le tuwa.

EFESEY 2:22

Ar kum mujom ati naŋ na, kumo kwana, kum jom ati mizli mekelemeye, kum i ɗugur ngi ndira hay, ɓa ki tiram hay ngi Buymisemuŋ masa cifi ara tisi ˀUf naŋ.

EFESEY 3:17

Anja a ga ɓa Kristu a cifi a hur kumo tisi tiɓi kum na, ɓa ki diram virzi hǝɗ hǝɗ wãˀ, yo zlak kuy kuy ar wuɗavu ngi Kristu.

FILIPIHEY 1:19

Asi i si na le, hana gar na, a sa kiɗ mi ti lih ɗu, mbele kum madiram dibiɗ vur ya, yo asi ˀUf ngi Yesu Kristu majiniy.

TIMOTE MUCUW NAŊ 1:14

Gwat mezlehey mupulukuw taŋ asi haŋ ɗik na, ja taŋ ti jini ngi ˀUf Mipal misi a hur ndra na.

PIYER MUDUMBUŊ NAŊ 1:11

Gwat ˀUf ngi Kristu mibiga taŋ di, misi avu taŋ na, a sipaka ɓa a sinaka hin naŋ ati li naŋ. Asi ˀUf Mipal a njika le daf dumbuŋ, bonoy ara kutuko Kristu, yo a dirba nah na, a sa lum dudoko.

ZAŊ MUDUMBUŊ NAŊ 3:24

Mbur maja ɓimuɗuva naŋ a hirnga na, naŋ jom ati Buymisemuŋ, yo Buymisemuŋ kwana, naŋ jom ati naŋ aya. Ndra masinaka Buymisemuŋ, naŋ da jom ati ndra na, mbele ˀUf naŋ muvulo ndra di na.

ZAŊ MUDUMBUŊ NAŊ 4:13

Ndra masinaka, ndra jom ati naŋ, yo naŋ kwana, naŋ jom ati ndra na, asi naŋ muvulo ndra ˀUf naŋ na.

ZAŊ MUDUMBUŊ NAŊ 4:4

Kumo so na, ziri ɗuwoy, kum i mizli ngi Buymisemuŋhoy, ki paka hirnga le da mijiviɗ misi slir tayna, asi ˀUf misi a hur kumo, naŋ gidaŋ haɗa fineˀ misi ar duniya.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.

ƁIMUNJUYO 20:15

Yo ko wa gar misi slimiɗ naŋ manja tuh angi ɗerewol ngi siifa gar na, a hizigiɗakaŋ ng'ar mubuliy ngi vu.