ROMAHAY 8:3 - Bible en langue guiziga

³ Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

ROMAHAY 8:3 ပူးပေါင်းရင်းမြစ်များ

SLUFA VU 21:9

Moyis a ɗiyi kaw ti ɓiri gaza, a luwa law avu ɓamtal. Da kaw muhumbuɗ mbur le, a ɗuva hiri le avu kaw ngi ɓiri gaza nah na, a laha hutuŋ naŋ le.

SLUFA VU 28:22

Yo ma na, kisa gam mikuli ngi pula mungra ti bazuwaya ma. A dirba nah, a sa gukum mezegwel a hirnga kumo ngi pula mungra.

Mark 15:27

A diram mufuyvuhoy le cuw avu dum aciki Yesu ma. Pal tir vay hazum naŋ, yo pal tir vay gula naŋ.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 9:24

Farisahay a ziloko mbur dangar tuwa sar mucuw naŋ ma, a ɓakaŋ: «Ɓi njah a mbuŋ Buymisemuŋ! Ndr'i sinaka le, mbur nah i mbur migi mungra.»

SLRA 13:39

Mbur mitiɓa le na, a lih le wãˀ.

ROMAHAY 3:20

Vurˀe, ko mbur anta ndir jeŋŋe a mbuŋ Buymisemuŋ asi naŋ maga gwat ɓimujuwa maɓa na ta. Naŋ kine, ɓimujuwa a biga ɓa mbur a sina, a gi mungra le.

ROMAHAY 6:6

Slukum wala ngi ɓi ani kuy kuy: dumvu ndra magala na, a diraka le jom ati Kristu avu dum mizlira, ɓa dumvu ndra magi mungra a hiryi. Yo ndr'i beke ngi mungrahay mata na vurˀeŋ.

ROMAHAY 7:18

Asi i si na le, gwat mezle anta a hur ɗu ta, mbiɗeˀvra: a hur ɗu, ya mburo. Ko da may gi gwat mezle ada hur ɗu tekeɗe kwana, i ndila gi naŋ ta.

ROMAHAY 8:32

Ko Buymisemuŋ a sli himaˀ ti Mangal nga naŋ ta, amma a vula, a gi di mikuli vur ndra gar. A sa gi mbri ɓa a sa vula ndra gwat gar tisi Mangal naŋ ta ka?

ROMAHAY 9:3

Sukum ɗuwoy, muy ɗuwoy ngi pumbus ngi vu na, yi hĩyã le ɓa Buymisemuŋ a nisiy asi taŋ. Da ko yi tiri mbur ngi Kristu mata kwana, kal si.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

GALATAY 3:21

Hana mbiɗeˀvra, ɓimujuwa a ngi ngila ɓi ngi gwat Bumbulvuŋ miɓa ɗaˀ le na sukwa? Kanah ta wãˀ. Asi mike na, da Buymisemuŋ a vulo ɓimujuwa, i ɓi misi gidaŋ ngi vula siifa na, kite Buymisemuŋ a pura mburo jeŋŋe a mbuŋ naŋ tisi ɓimujuwa.

FILIPIHEY 2:7

Amma naŋ ti haŋ naŋ, a pula gwat naŋ misi ti naŋ zleˀe gar, a zuɓ kpak ngi mbur beke, a tiri rak rak ati mizli. Deŋ naŋ na, mizli a puraka kaɓa i mburu.

HEBEREY 10:12

Kristu miga mikuli vur mungra ngi mizli is purla na, a dirba nah, a cifi tir vay hazum ngi Buymisemuŋ hã ngi sete.

HEBEREY 10:14

Naŋ kine, sedege naŋ miga is purla na, mizli, naŋ mazuɓa mungra taŋhay avra na, a ɗiya taŋ le hã ngi sete.

HEBEREY 2:14

Ani so na, ziri, kaɓa Yesu mazila taŋ vuna na, taŋ ti dumvu ati pumbusu. Naŋ vuna kanah ya, naŋ ti kpak ngi vu, rak rak ka taŋ vuna ya. Vurˀe, a muc na, ɓa ngi ziza mbur misi gidaŋ ngi muc asi haŋ naŋ na, mbiɗeˀvra milyam,

HEBEREY 2:17

Vurˀe, sey a tiri rak rak kaɓa sukum naŋhay ar gwat gar, ɓa a tiri masay madiɗa a mbuŋ Buymisemuŋ, mapur ˀircece, miteŋteŋ ar slra naŋ a mbuŋ Buymisemuŋ, ɓa ngi puya mungra ngi mizli avra.

HEBEREY 4:15

Asi mike na, masay madiɗa a mbuŋ Buymisemuŋ ndra, a ndila le ngi si bonoy asi hĩhĩy ndra. Vur a zlir ti tikiney le wal wal haɗi kaɓa ndra vuna ya, amma naŋ a gi mungra ko neˀ ta.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.