ROMAHAY 8:2 - Bible en langue guiziga

² Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

ROMAHAY 8:2 ပူးပေါင်းရင်းမြစ်များ

DIMISEY 51:12

Aw Buymisemuŋ ɗu, giy mevel mileɗeɗe, ciy wuluk ma nawayaŋ.

EZEKIYEL 1:21

Ti taŋ mira ram, taŋ mira cicam, yo taŋ mira slikiɗam ngi ru le gar na, sar ngi motahay tuwa, a gam kanah ya, asi mike na, sar ngi motahay a gam gar asi wuɗ ngi gwat misi titirihey.

Ɓimezle ngi Yesu Kristu ZAŊ mitil di mi 4:10

Yesu a mbiɗaŋ di: «Anja da ki si na gwat Buymisemuŋ mavula le, yo da ki si na mbur hana maɓuw: ‹vuliy yam ngi si vuna le zleˀe› na, anja ani i ka macufuɗaŋ, ɓa a vuluw yam maɓul goŋ goŋ jaka.»

Ɓimezle ngi Yesu Kristu ZAŊ mitil di mi 4:14

Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

Ɓimezle ngi Yesu Kristu ZAŊ mitil di mi 6:63

Mavul siifa i ˀUf ngi Buymisemuŋ. Meficek ngi vu anta gi gwat ko neˀ ta. Mingiɓi ya muɓukum di na, i ˀUf, yo i siifa.

Ɓimezle ngi Yesu Kristu ZAŊ mitil di mi 8:32

Ki sa sinaka ɓi mikaslsla, ɓi mikaslsla a sa tiri ti kum mizli mulumam hirnga taŋ le.»

Ɓimezle ngi Yesu Kristu ZAŊ mitil di mi 8:36

Da i Mangal mucukukum tir beke so na, kisa tiram mizli mulumam hirnga le gisiŋ gisiŋ.

ROMAHAY 16:3

Jaka haŋ da Prisil ati Akilas, taŋ magam slra ngi Yesu Kristu jom ati ya na.

ROMAHAY 3:27

Ɓi ɓa mburo huhumvu naŋ aseˀe, ada anga kwa? Ko anta wãˀ si! Vur mi ska? Asi gi gwat ɓimujuwa maɓa na kwa? Anta aseˀe ta wãˀ, amma asi tiɓi.

ROMAHAY 5:21

Kaɓa mungra muzum buy tisi muc na kwana, gimezle ngi Buymisemuŋ a zum buy tisi siifa ngi sete, mbele Buy ndra Yesu Kristu.

ROMAHAY 6:14

Asi mungra anta sa zum buy a hirnga kumo mata, vur kum anta luɓ luɓ avu ɓimujuwa na mata, amma kum luɓ luɓ avu gimezle ngi Buymisemuŋ.

ROMAHAY 6:18

Ki laham le ti vu mungra, joˀ ki tiram beke ngi gi gwat mijeŋŋe.

ROMAHAY 6:22

Amma wurenna, ki laham le tivu mungra, ki tiram le i beke ngi Buymisemuŋhoy. Ki ra gam gwat maga ɓa mburo, a tiri ngi Buymisemuŋ, yo kiɗa mi naŋ, i siifa ngi sete.

ROMAHAY 7:21

Da i ra wuɗ i gi gwat mezle na, i sa pura na, nga ya, i gi di i gwat malambaˀ tewle si.

ROMAHAY 7:23

Amma avu dumvu ɗu na, i ra lum ɓi mekelem pal makiɗam vu ati ɓimujuwa, ya mangil di wuy a mevel ɗu. A ra tiri ti ya beke ngi ɓi ngi mungra misi avu dumvu ɗu.

ROMAHAY 7:4

Sukum ɗuwoy, kumo kwana, kanah ya. Kum i mumucahay avu ɓimujuwa, asi kum mumicam jom ati dumvu ngi Kristu na, ɓa ki ndiram da mbur mekelem pal, mbur mislikiɗ ti wuzla mumucahay na, ɓa i gam gwat mezlehey da Buymisemuŋ muduba.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

KORENTIHEY MUDUMBUŊ 15:45

Naŋ kine, a tohoko na: «Adamu, mbur mudumbuŋ, naŋ ti dumvu misi ti siifa.» Amma Adamu ngi dirba, i ˀUf Mipal mavul siifa.

KORENTIHEY MUCUW NAŊ 3:17

Asi Bumbulvuŋ vuna, i ˀUf Mipal, yo ar li ˀUf ngi Bumbulvuŋ misi anga na, li pula vu ada a diga.

KORENTIHEY MUCUW NAŊ 3:6

I naŋ mitiri ti ndra ter ngi tila mi ti ɓi ngi jumoˀay nawayaŋ, ɓi mutohoko ti tuh ta, amma ɓi ngi ˀUf Mipal. Asi ɓi mutohoko ti tuh, a kiɗ vu vagay, amma ˀUf Mipala, a vul siifa.

GALATAY 2:19

Asi ya, yi mumuca avu ɓimujuwa, i ɓimujuwa vuna mikiɗiy vagaya, ɓa i ndir ti siifa vur Buymisemuŋ. Yi midira le ati Kristu avu dum mizliraŋ.

GALATAY 5:1

Kristu mumbuɗo hirnga ndra na, ɓa i tiram diimuhoy gisiŋ gisiŋ, cicam zlak gidaŋ gidaŋ so. Anja ki pulaka vu kumo, ɓa ki tiram bekehey a muŋ mata.

GALATAY 6:2

Jinam vu ti jijira gwat ar wala kumo. Kahana na, naɓa ɓimujuwa ngi Kristu na, ki gaka le.

Ɗerewol ZAK 1:25

Amma mbur mapula vu naŋ mbak da ɓimujuwa, ɓi mbur malum di hirnga naŋ, da a ja ɓi nah le gidaŋ gidaŋ, anta cin ti cin tew ɓa a puyuk di hirnga kutum ta, amma ara ga gwat naŋ maɓa vuna na, mbur nah, a sa cin ndum ar gwat naŋ maga gar.

ƁIMUNJUYO 11:11

Amma, a dirba hin makir ti reta na, musuwun ngi siifa a sa so tivu Buymisemuŋ, a sa ci a hur taŋ, a sa slikiɗam dedeŋ. Dar mizli masa puraka taŋ gar tuwa a zluwunam haɗi.

ƁIMUNJUYO 22:1

Waɗ ma, modro ngi Buymisemuŋ a bigiy mizaw ngi yam ngi siifa. A wucuɗ wilik wilik kaɓa dorogal. A bo tir li cifi ngi zumabuy ngi Buymisemuŋ ati tumuŋ.