ROMAHAY 7:7 - Bible en langue guiziga

⁷ I sa ɓam mbri ska? ɓimujuwa i mungra kwa? Kanah ta wãˀ! Amma mungra, ya miga le na, mabigiy di i gi mungra le na, i ɓimujuwa. Ɓimujuwa a ɓi zleˀe: «Ki hiyĩ gwat lambaˀ lambaˀ ta.» Da a ɓa zleˀe ta na, anja i si na hiyĩ gwat lambaˀ lambaˀ vuna ta.

ROMAHAY 7:7 ပူးပေါင်းရင်းမြစ်များ

ZLI VIRZI 3:6

Ngwas a pura yi ngi widis tuwa, naŋ mezle ngi zum, a gaŋ pura pura. A hĩyã le ɓa ngi luuma sin haɗa. A zuɓ yi ngi widis tuwa pal, a zumaŋ. Joˀ a vula zil misi a cikeˀe akẽh, a zuma ya.

SAMUYEL MUCUW NAŊ 11:2

Ngi pastaˀ naŋ mekelem ada na, Davit a slikiɗ tir li hin naŋ. Aru, ara liˀi a hirngi hay naŋ madiɗa. Naŋ misi a hirngi hay tuwa na, a puro ngwas ada, ara bun. Ngwas nah vuna, naŋ kuy teˀe.

DIMISEY 119:96

Ko gwat manja hereweɗ kwana, yi pura na, kiɗa mi naŋ da, amma ɓimuɗuva ɗike, anta kiɗ mi ta.

BI NGI ISRAYELEY 20:17

«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.»

MISE 2:2

Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

Matiye 5:28

Amma ya i ɓukum na: ko wa mupur ngwas le, a hĩyã le, ɓa a hin di na, kite a gi di madama le a mevele si.

Ɓimezle ngi Yesu Kristu LUK mitil di mi 12:15

Yesu a ɓa mizli ma: «Jam lesl, wam vu avu may gwatay gar, asi ko da mbur a lum zlili le haɗi tekeɗe kwana, a ndir ti siifa aseˀe ta.»

Ɓimezle ngi Yesu Kristu LUK mitil di mi 20:16

A sa sawa, a ziza migi slra tayna, waɗ a pula guva asi haŋ ngi mizli mekelemey.» Taŋ micinaka ɓi hana na, a ɓam: «Kay, anja a gi kahana ta wãˀ si!»

SLRA 20:33

Dala, ko ɓiri tapasl tapasl malla zana, yi hiyĩ ɗaˀ avu mbur ta.

ROMAHAY 13:9

Asi mike na, ɓimuɗuva miɓi: «Ki gi madama ta, ki kiɗ hirnga ta, ki hul ta, ki hiyĩ gwat ta» waɗ mekelemey ada ma na, a jumom le ar ɓi midegweleˀe ani: «Wuɗ mbur cil ɗike, kaɓa ka mawuɗ vu ɗik vuna.»

ROMAHAY 3:20

Vurˀe, ko mbur anta ndir jeŋŋe a mbuŋ Buymisemuŋ asi naŋ maga gwat ɓimujuwa maɓa na ta. Naŋ kine, ɓimujuwa a biga ɓa mbur a sina, a gi mungra le.

ROMAHAY 3:5

Amma da malambaˀ ndra magaka ara biga da mizli, Buymisemuŋ naŋ jeŋŋe na, i sa ɓam mbrike? Buymisemuŋ naŋ jeŋŋe ta asi naŋ mazuɓ himaˀ, a kiɗa ndra ti naŋ na kwa? Ya maɓi ani na, ka wuluk ngi mizli si.

ROMAHAY 4:1

I sa ɓam mbri vur Abraham, dideˀ ndra na ka? Ar joˀ nga naŋ mbur titra na, a lum mike?

ROMAHAY 4:15

Asi ɓimujuwa na, a slikiɗa himaˀ ngi Buymisemuŋ. Amma da ɓimujuwa anta na, naɓa ngila ɓimujuwa kwana anta ya.

ROMAHAY 5:20

Ɓimujuwa na, a co ɓa mungra a yi vu ti gidaŋ haɗa. Amma da mungra miyi vu le haɗi na, gimezle ngi Buymisemuŋ a sik hã a funa ma.

ROMAHAY 6:15

Mbri ska? Ani, ndra muluɓ luɓ avu gimezle ngi Buymisemuŋ, ndr'anta luɓ luɓ avu ɓimujuwa mata na, zuwen i gam mungra muduba sukwa? Kanah ta wãˀ si!

ROMAHAY 7:11

Vur mungra a lum jiviɗ, a giy gilaw le ti ɓimuɗuva, a kiɗiy vagay ti ɓimuɗuva vuna.

ROMAHAY 7:13

Ani so na, migiy ɓa i muc na, i gwat mezle vuna sukwa? Kanah ta wãˀ! Amma migiy ɓa yi muco, i mungra. A zuɓa gwat mezle, a kiɗiy ti naŋ vagay. Ar nah na, a biga vu naŋ le njoy wãˀ, i mungra gisiŋ gisiŋ, yo a zuɓa ɓimuɗuva ɓa a biga gi mungra ti gidaŋ ti naŋ.

ROMAHAY 7:5

Asi mike na, ti ndra micifam zleˀe ti gi gwat dumvu ndra mawuɗ na, ɓimujuwa a slikiɗa ndra may gi mungra avu vu ndra, ɓa i gam gwat maru ti ndra ng'ar mucu.

ROMAHAY 7:8

Mungra a lum jiviɗ kutum tivi ɓimuɗuva, a yi sukwi ngi hiyĩ gwat gar avu ya. Asi da ɓimujuwa anta na, naɓa mungra i gwat mumuca le.

KORENTIHEY MUDUMBUŊ 15:56

Gwat, muc magi di waˀa da mizli i mungra, yo gidaŋ ngi mungra kwana, i ɓimujuwa.

EFESEY 5:3

Sukwi ngi madama wana gar, dili, malla ko may zlili gar na, a zlir ngi slufa ar wala kumo ta, kum i mizli ngi Buymisemuŋhoy.

Slu cuw 5:21

Anja gwat ngi mbur cil ɗik a guw hiri ta, ko ngwas naŋ, ko hay naŋ, ko guva naŋ, ko gawla naŋ, ko ngwas migi slra ngi hay naŋ, ko sla naŋ, ko zungu naŋ.»

KOLOSOY 3:5

Gwat ngi ruwuyoy misi a hur kum gar na, kiɗaka taŋ vagay vagay avra so, kaɓa ani: gi sulome, dili, may gwat, waɗ may zlili. Asi may zlili na, i huruk huruk a mbuŋ kulihey.

TESALONIKEY MUDUMBUŊ NAŊ 4:5

Anja a pula vu naŋ da may gwat kaɓa mizli duniyahay misinaka Buymisemuŋ ta na ta.

HEBEREY 7:19

Asi ɓimujuwa a gi gwat ani muduba na, anta. Amma wurenna, gwat ngi njaha hiri mimezle vurˀe na, i lumam le, ndra makiraham ng'avu Buymisemuŋ gu na, mbele naŋ.

ZOZUWE 7:21

A wuzla zlili ngi mesene ndrahay na, yi pur zana mezle ngi Mezopotami, kuy naŋ a zli ta wãˀ, yo suloy ngi ɓiri bara skat cuw, waɗ ɓiri tapasl tapaslreta kilo, may taŋ a jiy haɗa teˀe, joˀ yi hila taŋ. T'ani ɗum a ruwuy, a hur guɗuk ɗu, yo dala naŋ da kulaˀ aseˀeŋ.»