ROMAHAY 7:4 - Bible en langue guiziga

⁴ Sukum ɗuwoy, kumo kwana, kanah ya. Kum i mumucahay avu ɓimujuwa, asi kum mumicam jom ati dumvu ngi Kristu na, ɓa ki ndiram da mbur mekelem pal, mbur mislikiɗ ti wuzla mumucahay na, ɓa i gam gwat mezlehey da Buymisemuŋ muduba.

ROMAHAY 7:4 ပူးပေါင်းရင်းမြစ်များ

EZAYI 54:5

Asi mbur migi ɗike, zil ɗik i naŋ: slimiɗ naŋ, Bumbulvuŋ, misi gidaŋ wãˀ. Buymisemuŋ mipal ngi Israyele, mimbiɗi hirnga ɗik i naŋ. A zilaka ‹Buymisemuŋ ngi ruwuy keɗeɗe›.

EZAYI 62:5

Naŋ kine, ziri ɗikey a sa zuɓukuw ngi ngwas, kaɓa mangal gawla mazuɓa meketeŋ naŋ. Yo Buymisemuŋ ɗik a sa mumul vur ka, kaɓa mangal gawla mamumul vur meketeŋ naŋ.

Matiye 26:26

Ti taŋ mira zumam ɗaf na, Yesu a zuɓa ɗaf, a ga sise da Buymisemuŋ, a dirba nah, a ngila, a vula da mizli ngi seˀeheye, a ɓa taŋ: «Ani, tiɓaka, zumaka, hana i dumvu ɗu.»

Mark 4:20

Yo mekelemey mindilam ar li mezle tuwa, taŋ i mizli micinaka Ɓi ngi Buymisemuŋ le, a tiɓakaŋ, a gi haɗa. Mengeleleŋ avu purla gar na, kukur makir, numuŋ, kukur merkeɗ, mekeleme skata.»

Ɓimezle ngi Yesu Kristu ZAŊ mitil di mi 15:8

Da ki ra yam locok locok haɗa, yo kum ada i mizli ngi si yahay na, a vula dudok da Baha.

Ɓimezle ngi Yesu Kristu ZAŊ mitil di mi 3:29

Zil ngi ngwasa, i mbur maɗuvaŋ. Amma ngama ngi zile a cici deŋ, a cin ti cin. ˀAy ngi zil maɓi, a gaŋ mumul haɗa. Ya i mumul kanah ya, a ndila le wãˀ.

Ɓimezle ngi Yesu Kristu ZAŊ mitil di mi 6:51

«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.

ROMAHAY 6:11

Naŋ kanah ya, kumo kwana, puraka vu kumo kaɓa ki micam le avu mungra. Amma ar kum mujom ati Yesu Kristu na, kum ti siifa vur Buymisemuŋ.

ROMAHAY 6:14

Asi mungra anta sa zum buy a hirnga kumo mata, vur kum anta luɓ luɓ avu ɓimujuwa na mata, amma kum luɓ luɓ avu gimezle ngi Buymisemuŋ.

ROMAHAY 6:2

Kay, kanah ta wãˀ! Avi ɓi ngi gi mungra na, ndr'i mumucahay ɓula. Na, i sa ndiram angi mungra mbri mbri aruŋ maka?

ROMAHAY 6:22

Amma wurenna, ki laham le tivu mungra, ki tiram le i beke ngi Buymisemuŋhoy. Ki ra gam gwat maga ɓa mburo, a tiri ngi Buymisemuŋ, yo kiɗa mi naŋ, i siifa ngi sete.

ROMAHAY 7:3

Da kaɓa a sliˀi le ti zil naŋ misi angi siifa aruŋ na, a sa zilaka migi madama. Amma da zil a muc le na, naɓa ɓimujuwa anta juwaŋ mata. Da ko a zuɓ zil mekelem le kwana, a gi di i madama mata.

ROMAHAY 7:6

Amma wurenna, i lumam hirnga ndra le avu ɓimujuwa, asi ndr'i mumucahay avu ɓi mija ndra zleˀe ng'ar dangaya, ɓa hã i gam luɓ luɓ avu ɓi mutoho magala mata, amma ɓa i gam luɓ luɓ avu Buymisemuŋ ti jiviɗ nawaya ngi ˀUf Mipal.

ROMAHAY 8:2

Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

KORENTIHEY MUDUMBUŊ 10:16

Sikiɗ ngi ɗuwulami ndra magaka sise da Buymisemuŋ aseˀe na, a jumo ndra purla ati pumbus ngi Kristu ta kwa? Peŋ ndra mangilaka na, a jumo ndra purla ati vu ngi Kristu ta kwa?

KORENTIHEY MUCUW NAŊ 11:2

I ra wuɗukum suloŋ suloŋ haɗi, yo wuɗavu musuloŋ suloŋ nah a so tivu Buymisemuŋ. Kum kaɓa diili mungbuˀo kine, ya mitikukum da zil purla, i Kristu.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

GALATAY 5:18

Amma da ki ra sipam jiviɗ ngi ˀUf Mipal mabiga na, naɓa kum anta luɓ luɓ avu ɓimujuwa mata.

EFESEY 2:15

Ɓimujuwa ati ɓimuɗuva waɗ ɓi ngi sipi ngi raˀahaya, a susuymo taŋ le avra ɓa a jumo Yudehey ati Yudehey ta na, ɓa a tiram sukwi nawaya purla ar taŋ mujom ati naŋ, a ga taŋ ɓa a cifam zuy zuy ar wala taŋ.

FILIPIHEY 1:11

Ki sa ndiram ti gi gwat mijeŋŋe haɗa, Yesu Kristu mavulo ndra di, ɓa ngi gi dudok da Buymisemuŋ, yo waɗ ngi hunumaŋ ti naŋ.

FILIPIHEY 4:17

Y'anta i pur di i jiviɗ ngi luuma gwat ngatara ta, amma yi wuɗ, anja ɓesde a gi ar gwat ngi gi kumo.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

KOLOSOY 1:22

Amma wurenna, Buymisemuŋ a ɗiya ɓi kumo le ati naŋ tisi dumvu ngi Mangal naŋ mamuco, ɓa ti muc naŋ na, kum ada a mbuŋ naŋ, kum i mizli naŋhay, manja ɓi ngi mbuɗukum hirnga aseˀe, mizli manja zluɓa ɓihey.

KOLOSOY 1:6

mindil hã a hay kum na. Ɓimezle ara yi zinga, yo ara njih nga mbuŋ nga mbuŋ ar duniya keɗeɗe gar. Naŋ kanah ya, a gi le a wuzla kumo, zle ti hin kum misinaka Buymisemuŋ ara gukum mezle ar ɓi mikaslsla naŋ na,

KOLOSOY 2:14

Duvus misi a hirnga ndra, mabiga i zluɓaka le, ɓimujuwa mamo di nga hirnga ndra na, Buymisemuŋ a susuymo le avra, a dira le avu dum mizliraŋ.

KOLOSOY 2:20

Ki micam le jom ati Kristu, yo Buymisemuŋ a guhukum le gwah tivi gwat ngi duniyahaya. Na, ki hinam hirnga avu gwat ngi duniyahaya, kaɓa siifa kum a cir tisi duniya ɓula si mbri mbri maka?

HEBEREY 10:10

Yesu Kristu muzuɓa mungra ndrahay avra ti mikuli, naŋ miga is purla ti dumvu naŋ na, a gi di i gwat Buymisemuŋ muwuɗu.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

ƁIMUNJUYO 19:7

Mumulukum, zluzluɓukum, i gakaŋ dudoko! Asi hin ngi vula ngwas ngi tumuŋ a ndilo le. Ngwas naŋ a juw vu le.

ƁIMUNJUYO 21:9

Modro mitarnaˀhay misi kaw kaw ti sikiɗ mipeɗepeɗe peɗepeɗe ti bonoy ngi dirbahay tarnaˀ tuwa, pal ngi si taŋ a sawa, a ɓiy na: «Sawa, i sa buguw meketeŋ ngi tumuŋ na.»