ROMAHAY 7:1 - Bible en langue guiziga

¹ Sukum ɗu misikristuhoy, ɓi ya masa ɓukum di ani na, kaɓa i ɓa da mizli misinaka ɓimujuwa le gisiŋ gisiŋ. Ɓimujuwa, naŋ ti gidaŋ a hirnga mburo na, sey da naŋ da ti siifa naŋ aruŋ takwa?

ROMAHAY 7:1 ပူးပေါင်းရင်းမြစ်များ

ESDRAS 7:25

Ka so na Esdras, wini buyoy ati migi kiitahay ti sinmijileŋ ngi Buymisemuŋ ɗik misi angi ɗerewol mikaw asi haŋ ɗik na, ɓa a gaka kiita da mizli gar misi tisi pas ngi pastaˀ ngi Efrata, mizli misinaka ɓimujuwa taˀ gar ngi Buymisemuŋ ɗike le, yo mizli misinaka ta kwana, kisa dubunaka taŋ di.

MIKUCUWULOY 6:23

Asi ɓi maɓukuw di ɗaˀ le na, naŋ ka lampe, yo ɓi madubunukuw di na, i li minjahha, mbur madubunuw gwat ti lesl mijileŋ na, a buguw di i jiviɗ ng'ar siifa.

ROMAHAY 1:13

Sukum ɗuwoy, i wuɗ ɓa ki sinaka, i juwa ɓi nah le a mevel ɗu is mbeˀ mbeˀ ɓa i ru ngi hay kumo, amma hã wurenna gwat matikiy ada. Yi wuɗ na, anja slra ɗu a yi zinga a wuzla kumo, kaɓa naŋ miyi a wuzla sukwi mekelemey na ya.

ROMAHAY 10:1

Sukum ɗu misikristuhoy, i ra wuɗ ti mevel ɗu wãˀ, ɓa Yudehey a laham, yo i ra tumbulo Buymisemuŋ vurˀe ma.

ROMAHAY 10:4

Asi ɓimujuwa na, Kristu a naha mi naŋ le, ɓa ko wa gar mitiɓi le na, a ndir jeŋŋe a mbuŋ Buymisemuŋ.

ROMAHAY 6:14

Asi mungra anta sa zum buy a hirnga kumo mata, vur kum anta luɓ luɓ avu ɓimujuwa na mata, amma kum luɓ luɓ avu gimezle ngi Buymisemuŋ.

ROMAHAY 6:3

Ndra gar micam angi yam na, kite i jumom le ati Yesu Kristu, yo i micam le jom ati naŋ na, ki sinaka ta kwa?

ROMAHAY 7:6

Amma wurenna, i lumam hirnga ndra le avu ɓimujuwa, asi ndr'i mumucahay avu ɓi mija ndra zleˀe ng'ar dangaya, ɓa hã i gam luɓ luɓ avu ɓi mutoho magala mata, amma ɓa i gam luɓ luɓ avu Buymisemuŋ ti jiviɗ nawaya ngi ˀUf Mipal.

ROMAHAY 9:3

Sukum ɗuwoy, muy ɗuwoy ngi pumbus ngi vu na, yi hĩyã le ɓa Buymisemuŋ a nisiy asi taŋ. Da ko yi tiri mbur ngi Kristu mata kwana, kal si.

KORENTIHEY MUDUMBUŊ 9:8

Hana i gwat ngi gi ngi kpak ngi mbur tewle si ta. Ko ɓimujuwa ngi Moyis kwana, a ɓi di i ɓi mupurla ta kwa?

GALATAY 4:21

Kum mawuɗam hina hirnga a mbuŋ ɓimujuwa na, gwat ɓimujuwa maɓa na, kum anta cinam ta kwa?