ROMAHAY 5:9 - Bible en langue guiziga

⁹ Ani wurenna, Kristu a ɗiya ndra le jeŋŋe ti pumbus, naŋ mipa vur ndra ma na, a sa laha ndra ti ngi himaˀ Buymisemuŋ masa zuɓa angi ndra na ta jak kwa?

ROMAHAY 5:9 ပူးပေါင်းရင်းမြစ်များ

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

ROMAHAY 1:18

Naŋ kine, mizli magam mungra waɗ gwat mijeŋ tahay gar ngi tika ɓi mikaslsla ɓa a njik ta na, Buymisemuŋ a zuɓ himaˀ le, yo a njuyo di le paɗ ti muŋ ng'ar taŋ.

ROMAHAY 5:1

Kanah so na, i ɗiyam le jeŋŋe a mbuŋ Buymisemuŋ, asi tiɓi, ani wurenna, ndra zuy zuy ati Buymisemuŋ, mbele Buy ndra Yesu Kristu.

ROMAHAY 5:10

Naŋ kine, ndr'i mesene ngi Buymisemuŋhoy zleˀe, amma tisi Mangal naŋ mumuc na, ɓi ndra a ɗiyi le ati Buymisemuŋ muduba. Da naŋ kine na, ɓi ndra miɗiyi ati naŋ na, a sa laha ndra tisi siifa ngi Mangal naŋ vuna ta jak kwa?

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

ROMAHAY 8:30

Mizli Buymisemuŋ muwuna taŋ dumbuŋ zleˀe tuwa na, a zila taŋ le ma. Mizli naŋ mizila taŋ na, a ɗiya taŋ le jeŋŋe. Yo mizli naŋ miɗiya taŋ jeŋŋe tuwa, a vula taŋ dudok naŋ le ma.

EFESEY 2:13

Amma wurenna, kum mikileŋ zleˀe tuwa, ki kirohoko le gweˀ ng'ava, mbele Kristu mipa pumbus naŋ.

EFESEY 2:3

Zleˀe kwana, ndra gar ka taŋ vuna ya. I sipam gwat kpak ngi vu ndra mahĩyã. I gam gwat vu ndra ati lesl ndra mawuɗo. Naŋ kine, ti kpak ngi vu ndra na, i ndilaka le ɓa Buymisemuŋ a zuɓ himaˀ ar ndra kaɓa naŋ mazuɓ ar mizli mekelemey na ya.

TESALONIKEY MUDUMBUŊ NAŊ 1:10

A ɓam ma: ki ra kutukoko Mangal naŋ Yesu masa mawa paɗ a muŋ, Mangal naŋ, naŋ mislikiɗa ti wuzla mumucahaya. I Yesu nah malaha ndra ti ngi himaˀ Buymisemuŋ masa zuɓa angi mizli na.

HEBEREY 9:14

Na, pumbus ngi Kristu, naŋ gidaŋ fineˀ nah ta jak kwa? Naŋ ti haŋ naŋ, a vula hirnga naŋ ti ˀUf Mipal ngi sete, a gi di mikuli manja gwat malambaˀ araŋ. Pumbus naŋ a buna wuluk malambaˀ ngir mevel ndra, ɓa i huruk hurukam a mbuŋ Buymisemuŋ misi ti siifa.

HEBEREY 9:22

Avu ɓimujuwa mawuɗ na, vendeke ngi gwat gar na, a zuɓaka hiryi naŋ avra ti pumbusu, da pumbus a pi sek le ta na, naɓa pula mungra anta.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.