ROMAHAY 5:2 - Bible en langue guiziga

² Gi mezle Buymisemuŋ miga ndra di, ndra mideŋ gidaŋ gidaŋ anga na, miga ɓa i kiraham gu ng'ara na, i Yesu vuna, asi tiɓi ndra. Yo ndra manjaham hiri asi dudok ngi Buymisemuŋ na, i jijaham na aseˀeŋ.

ROMAHAY 5:2 ပူးပေါင်းရင်းမြစ်များ

MIKUCUWULOY 14:32

Mahizigiɗa mbur misi moˀore, i malambaˀ naŋ maga na, amma mbur mijeŋŋe, ko ar muc naŋ kwana, vula mevele naŋ da.

HABAKUK 3:18

I sa jiɗ mececẽleŋ vur Bumbulvuŋ, i sa zluzluɓ asi Buymisemuŋ malihiy na.

Matiye 25:21

Buy naŋ a ɓaŋ: ‹Naŋ kuy, gawla mezle miteŋteŋ, ki gi teŋteŋ le ti gwat neˀkini. I sa puluw gwatay haɗi asi haŋ ɗike. Sawa i mumulom bumoˀ ati ya buy ɗike.›

Ɓimezle ngi Yesu Kristu ZAŊ mitil di mi 10:7

Dar Yesu a ɓi ma: «Gisiŋ gisiŋ, yi ɓukum na: Yi mi ngi gezleŋ ngi tumuŋhoy.

Ɓimezle ngi Yesu Kristu ZAŊ mitil di mi 10:9

Yi mi ngi gezleŋ. Da mbur mici le tir ya na, a sa lihi. A sa bi, a sa mawa, a sa lum gwat ngi zumo ma kini.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

SLRA 14:27

Ti taŋ mindiloko na, a cikiloko misikristuhoyo gar, yo a slufaka taŋ gwat Buymisemuŋ miga ati taŋ gar, wãˀ naŋ na, Buymisemuŋ muwuna jiviɗ da mizli Yudehey ta, ɓa a tiɓaka ɓi naŋ aya na.

ROMAHAY 11:20

Gisiŋ ɓula, amma a kilahaka taŋ avra na, asi taŋ mitiɓam ta na. Na ka, ka misi ar li taŋ na, asi tiɓi ɗiki. Anja ki huhumvu ɗike ta so, zuwen zluwun jaka.

ROMAHAY 12:12

Mumulom, asi njaha hiri kum njah na. Da bonoy a lumukum le na, ɓusakaŋ, diram dibiɗ ndrehhe.

ROMAHAY 14:4

Da mbur i gawla ɗik ta si na, i ka wa, ɓa hã ki ɓaŋ: «Ki zluɓa le» na ka? Da naŋ zlak kuy kuy angi slra naŋ, malla da a diɗ le kwana, i ɓi ngi buy naŋ ta kwa? Ko mbri na, a sa cici zlak kuy kuy, Bumbulvuŋ, naŋ ti gidaŋ ɓa a jahaŋ jah.

ROMAHAY 15:13

Anja Buymisemuŋ magukum ɓa ki njaham hiri njah na, a nihikum mevele ti mumul ati zuy ar kum mitiɓam na, ɓa njaha hiri kum na, a gi haɗa ti gidaŋ ngi ˀUf Mipal.

ROMAHAY 2:7

Mizli mahurdumom ti gi slra mezle, mapuram jiviɗ ɓa Buymisemuŋ a vula taŋ dudok, ɓa a ɗuva taŋ hirnga, yo ɓa a ndiram caˀa na, Buymisemuŋ a sa vula taŋ siifa ngi sete.

ROMAHAY 3:23

Mizli gar a gam mungra le, a ndiram le manja luuma dudok ngi Buymisemuŋ.

ROMAHAY 5:5

Njaha hiri na, anta gi gilaw da mbur ta, asi Buymisemuŋ a po wuɗavu naŋ le a mevel ndraˀahaya tisi ˀUf Mipal, naŋ muvula ndra di.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

ROMAHAY 8:24

Asi Buymisemuŋ a laha ndra le, amma i njaham hiri aseˀe ti njih aruŋ. Na, da mbur ara pura gwat naŋ manjih hiri aseˀe tuwa na, kite a njih hiri ti njih mata. Gwat mbur mira pura ti hiri naŋ ma na, a njih hiri ti njih ɓula mbri mbri maka?

KORENTIHEY MUDUMBUŊ 15:1

Sukum ɗu misikristuhoy, Ɓimezle ya mutulukum di mi zleˀe, yo kum mitiɓaka, mijaka ɓi nah a hirnga na, i mukum hiri nah ava.

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

KORENTIHEY MUCUW NAŊ 4:17

Vur bonoy mikefek mazik ta, ndra masaka hana na, ara ɗiya ndra gi dudok mihaɗa mazik hã ngi sete, weˀ na, a funa bonoy ndra masaka wurenna le haɗa.

EFESEY 2:18

Yudehey ati Yudehey ta na, ndra gar ndra makraham gweˀ ng'avi Cine ndra gu na, mbele Kristu ti jini ngi ˀUf Mipal nah vuna.

EFESEY 3:12

Ar ndra mujom ati Kristu, yo tisi ndra matiɓakaŋ na, jiviɗ ada baŋ a mbuŋ ndra ɓa i kiraham ng'avu Buymisemuŋ, manja zluwun ko neˀ.

EFESEY 6:13

Vurˀe, jaka gwat ngi vurum Buymisemuŋ mavula na so, da hin malambaˀ misa ndilo le na, kisa cicam zlak gu. Yo ko a dirba kum mikiɗam vu le, hã ar kiɗa mi naŋ kwana, kum ada dedeŋ ngi kum ngi kum na si.

TESALONIKEY MUCUW NAŊ 2:16

Anja Buy ndra Yesu Kristu ti haŋ naŋ ati Cine ndra Buymisemuŋ muwuɗ ndra, naŋ mitisla ndra mevel tisi gi mezle naŋ ngi sete, yo naŋ mijina ndra ɓa i njaham hiri njah kuy kuy na,

HEBEREY 3:6

Amma Kristu, naŋ i Mangal miteŋteŋ ar hay ngi Buymisemuŋ gar. Da ndr'anta zluwunam ta, yo da i ra jijaham asi gwat ndra manjaham hiri aseˀe na, naɓa ndr'i hay naŋ.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ƁIMUNJUYO 21:11

A ra wucuɗ ti dudok ngi Buymisemuŋ vuna. A wucuɗ kaɓa ɗugur mupuɗaw, kaɓa ɗugur kalaf kalaf, gagaza zlopzlop, njazl kaɓa dorogal.

ƁIMUNJUYO 21:23

Walahaya, naŋ anta ti may ngi pas malla ngi kiya ɓa ngi pusluɗa li ta. Asi i dudok ngi Buymisemuŋ mapusluɗa walahaya, yo tumuŋ i lampe.

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.

ƁIMUNJUYO 3:21

Mbur mulum bugawla le na, i sa vulaŋ jiviɗ ɓa a cifi aciki ɗu angi li zumabuy ɗu, kaɓa ya mulum bugawla, ya mura cifi aciki Baha, ar janga nga naŋ buy na ya.