ROMAHAY 3:4 - Bible en langue guiziga

⁴ Ndiɗaˀ wãˀ. Ko da mbur gar a gi slir tekeɗe kwana, anja mizli a sinaka, Buymisemuŋ a ɓi di i ɓi mikaslsla na si. Naŋ kaɓa mutohoko ɓi naŋ miɓi: Anja mizli a sinukuw, ka jeŋŋe ar mingiɓi ɗike. Da ara gukuw kiita na, anja kiita a hizigiɗuw ta.»

ROMAHAY 3:4 ပူးပေါင်းရင်းမြစ်များ

Ɗerewol JOP 36:3

I wuɗ i biga sin ɗu ngi gi gwata, da mizli mikileŋ kileŋhey wãˀ, ɓa i biga mbur migi ɗu na, naŋ jeŋŋe.

Ɗerewol JOP 40:8

K'anta wuɗ tiɓa kiita ɗu, ya misla na ta gisiŋ kwa? Ka mapo kiita ng'ar ya na, ɓa ki ɓi ka jeŋŋe sukwa?

DIMISEY 100:5

Asi mike na, Bumbulvuŋ naŋ mezleŋ, yo gi teŋteŋ naŋ na, naŋ da ngi caˀa, yo naŋ da ti gi kaslsla naŋ na, hã ngi set, ngi samadin.

DIMISEY 116:11

Ya misina, i gi kini mata na, i ɓi: «Mizli gar i misi slirey.»

DIMISEY 119:160

Gi kaslsla na, i ɗuva virzi ngi mingiɓi ɗike, yo ɓi ka mujuwa a mevel ɗik gar, asi ka mijeŋŋe na, naŋ ngi sete.

DIMISEY 138:2

I huruk huruk a mbuŋ hay ngi ɗik mipal a, i hunumuw ti slimiɗ ɗiki, vur gi teŋteŋ ati gi mezle ɗik na, asi ki ɓa le ɗaˀ le, kisa ga ndra di fineˀ ndra makutukoko vuna ma.

DIMISEY 51:4

Buniy malambaˀ ɗuwoy ndrehhe avra, yo buniy mungra ɗu avra.

DIMISEY 62:9

Kum mizli misi a ciki Buymisemuŋ, njaham hiri aseˀeŋ, ɓakaŋ ɓi ngi gwat misi ar mevel kumoyo Buymisemuŋ i li ɗum ndra.

MISE 7:20

Ki sa gi teŋteŋ avu dideˀ ngi Zakopoy, waɗ kisa pura dideˀ ngi Abrahama ti hiri mezle. Ka muhudum zleˀe avu dideˀ ndrahay, zle misi ngadana ta tuwa na, hana i nah so.

Matiye 11:19

A dirba nah, Mangal ngi mbur a sawa, ara zum, ara si. Joˀ mizli a ɓam: ‹Puraka ayɗi! mbur misenna a zum haɗa, a wi ti mbaazla haɗa! Ingama ngi micikila buutuhoy, ngi migi gwat malambaˀhay ma!› Amma mizli a sinaka sinmijileŋ ngi Buymisemuŋ naŋ jeŋŋe na, avu slra naŋhay.»

Ɓimezle ngi Yesu Kristu LUK mitil di mi 20:16

A sa sawa, a ziza migi slra tayna, waɗ a pula guva asi haŋ ngi mizli mekelemey.» Taŋ micinaka ɓi hana na, a ɓam: «Kay, anja a gi kahana ta wãˀ si!»

Ɓimezle ngi Yesu Kristu ZAŊ mitil di mi 3:33

Mbur matiɓa sedewo naŋ na, a tiɓa ɓi ngi Buymisemuŋ le, naŋ kaslsla.

ROMAHAY 11:1

I ra cufuɗ vu so: Buymisemuŋ a pula mizli naŋhaya le kwa? Anta kanah ta wãˀ! Ya vuna, yi mbur Israyel, Abraham i dideˀ ɗu, yo i bo tir tizer ngi Benjameŋ.

ROMAHAY 11:11

Yi cufuɗ so: sar muba Yudehey na, a ndilam le wãˀ kwa mbrike? Anta kanah ta wãˀ! Taŋ a gam malambaˀ ti gi, amma sukwi ngi mizli mekelemeye, a ndilaka ɓa hã Buymisemuŋ a laha taŋ na, mbele malambaˀ ngi Yudehey vuna. A ga kanah ɓa a slikiɗa suloŋ da Yudeheye.

ROMAHAY 3:31

Ndra mitiɓam na, mbiɗeˀvra, i ra hizigaka ɓimujuwa avra, ka slra naŋ anta sukwa? Kanah ta wãˀ jak, i ra ɗuvaka hirnga da ɓimujuwa jaka.

ROMAHAY 6:15

Mbri ska? Ani, ndra muluɓ luɓ avu gimezle ngi Buymisemuŋ, ndr'anta luɓ luɓ avu ɓimujuwa mata na, zuwen i gam mungra muduba sukwa? Kanah ta wãˀ si!

ROMAHAY 6:2

Kay, kanah ta wãˀ! Avi ɓi ngi gi mungra na, ndr'i mumucahay ɓula. Na, i sa ndiram angi mungra mbri mbri aruŋ maka?

ROMAHAY 7:13

Ani so na, migiy ɓa i muc na, i gwat mezle vuna sukwa? Kanah ta wãˀ! Amma migiy ɓa yi muco, i mungra. A zuɓa gwat mezle, a kiɗiy ti naŋ vagay. Ar nah na, a biga vu naŋ le njoy wãˀ, i mungra gisiŋ gisiŋ, yo a zuɓa ɓimuɗuva ɓa a biga gi mungra ti gidaŋ ti naŋ.

ROMAHAY 7:7

I sa ɓam mbri ska? ɓimujuwa i mungra kwa? Kanah ta wãˀ! Amma mungra, ya miga le na, mabigiy di i gi mungra le na, i ɓimujuwa. Ɓimujuwa a ɓi zleˀe: «Ki hiyĩ gwat lambaˀ lambaˀ ta.» Da a ɓa zleˀe ta na, anja i si na hiyĩ gwat lambaˀ lambaˀ vuna ta.

ROMAHAY 9:14

I sa ɓam mbri ska? Buymisemuŋ naŋ anta jeŋŋe ta kwa? Kanah ta wãˀ.

KORENTIHEY MUDUMBUŊ 6:15

Dumvu kum i hirzlik ngi dumvu ngi Kristu na, ki sinaka ta kwa? I sa zuɓa hirzlik ngi dumvu ngi Kristu, ɓa i tiri di hirzlik ngi dumvu ngi sulome kwa? A gi ta wãˀ.

KORENTIHEY MUCUW NAŊ 1:18

Gwat Buymisemuŋ miɓa le na, a gaŋ, mingiɓi ndra muɓukum di na, i «hĩ» waɗ «ŋˀ ŋˀ ma», jom cuw taŋ ta.

GALATAY 2:17

Amma ndra Yudeheye kwana, da i puram jiviɗ le ɓa Buymisemuŋ a pura ndra ndra jeŋŋe a mbuŋ naŋ asi ndra mujom ati Kristu na, kite i tiram migi mungrahay vuna le ya. Mbiɗeˀvra: Kristu a gi slra ngi mungra sukwa? Kanah ta wãˀ.

GALATAY 2:21

Y'anta pula gimezle ngi Buymisemuŋ fuk ta. Asi da mbur a a ndir naŋ jeŋŋe a mbuŋ Buymisemuŋ asi naŋ maga gwat ɓimujuwa mawuɗ na, kite Kristu a muc ngataraŋ.

GALATAY 6:14

Ya na, y'anta wuɗ ɓa slimiɗ ɗu a zil haɗa vur gwat mekelem pal ta ndiɗaˀ wãˀ, sey vur dum mizlira ngi Buy ndra Yesu Kristu tewle. Asi mike na, avu ya, duniya i mumuca le, yo ya kwana, i mumuca le avu duniya, mbele dum mizlira tuwa.

Slu cuw 32:4

Bumbulvuŋ i mandazlay muwã maɗum vu, gwat ngi gi naŋ, naŋ kaslsla wãˀ. I Buymisemuŋ miteŋteŋ, ɓi mijeŋ ta anta va ta naŋ jeŋŋe, naŋ kaslsla.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

Ɗerewol TIT 1:2

ɓa a njaham hiri njah ar siifa ngi sete, Buymisemuŋ magi slir ta, miɓa ɗaˀ le zleˀe dumbuŋ angi gwatay gar na.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

ZAŊ MUDUMBUŊ NAŊ 5:10

Mbur matiɓa Mangal ngi Buymisemuŋ na, naɓa sedewo nah vuna, ada a mevele. Mbur matiɓa Buymisemuŋ ta na, naɓa ara gi ti Buymisemuŋ i misi slir, asi sedewo Buymisemuŋ miga ar Mangal naŋ na, a tiɓa ta.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ƁIMUNJUYO 3:7

«Toho da modro ngi cikil ngi misikristu ngi Filadelfiheye ɓaŋ na: Mbur ngi Buymisemuŋ, mbur mikaslsla, mbur maja lakle ngi buy Davit a ɓi na, da naŋ muwuna gwata le na, mbur masa gica gu anta. Yo da naŋ migica le kwana, mbur mawuna gu anta na, a ɓi: