ROMAHAY 3:3 - Bible en langue guiziga

³ Na, mbri ska? Da mekelemey a wuzla taŋ, t'anta teŋteŋ ta na, gi teŋteŋ ta na, a sa tika Buymisemuŋ ɓa a ndir teŋteŋ ta ya kwa?

ROMAHAY 3:3 ပူးပေါင်းရင်းမြစ်များ

DIMISEY 84:7

Mizli tayna, da taŋ mucohom le tir sozo mumuˀulo wãˀ na, Buymisemuŋ a tiri di li ngi yam, vuŋ munduvun a sa naha ti ɗuwula mi.

EZAYI 55:11

Mingiɓi ɗu naŋ kanah ya, da naŋ mubo le ti balam ɗu, manja a gi gwat geˀ le na, naŋ anta mo ng'avi ya ta, amma a ga gwat ya mawuɗo, a ga gwat maciriy hiri, waɗ a ga gwat, ya mislino di vurˀe na.

SLUFA VU 23:19

Buymisemuŋ i mbur ɓa a gi slir ta. I mbur titira ɓa a mbiɗa wuluk naŋ ta. Da a ɓa ɓi le na, a ga cummo si, da a ɓi le ngi gi gwat na, a ga gbaˀa.

Matiye 24:35

Muŋ ati hirwuy a sa susuymom, amma mingiɓi ɗu anta sa susuyum ta ndiɗaˀ.

Ɓimezle ngi Yesu Kristu ZAŊ mitil di mi 1:16

Asi mike na, ndra gar i lumam mi ngi ndra le ar gimezle naŋ mihaɗi na, a ɗuwula ndra mi nga mbuŋ nga mbuŋ.

ROMAHAY 10:16

Amma Ɓimezle, mitiɓi naŋhaya, i mizli gar ta. Asi Ezayi ɓi: «Bumbulvuŋ, ɓi ndra matilam di mi na, mitiɓa, i waka?»

ROMAHAY 11:29

Asi mike na, gwat Buymisemuŋ muvula le ngatara na, naŋ anta tiɓa a muŋ mata, yo mizli naŋ mizila taŋ le na, naŋ anta mbiɗa wuluk naŋ mata.

ROMAHAY 9:6

Dambalaka na, gwat Buymisemuŋ miɓa le ɗaˀ le na, ɓa a gi ta na anta. Asi mike na, tizer ngi Israyele, i Israyeley gar ta.

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

TESALONIKEY MUCUW NAŊ 1:3

Sukum ndra misikristuhoy, sey i gaka sise da Buymisemuŋ ndrehhe vur kumo. A zlir le kanah gisiŋ, vur tiɓi kumo, ara sik nga mbuŋ nga mbuŋ, yo wuɗavu misi ar wala kum na, ara sik a mevel kumo purla purla gar.

TIMOTE MUCUW NAŊ 2:13

Ndra, da ndr'anta teŋteŋ ava ta na, naŋ, naŋ da teŋteŋ avu ndra, asi naŋ anta ji mi ti vu naŋ tehhe a muŋ gu ta.

HEBEREY 4:2

Asi i cinam di i Ɓimezle mupurla ka nga taŋ na ya. Amma mingiɓi, taŋ micinaka na, a jina taŋ ko neˀ ta wãˀ. Vur ti taŋ micinaka na, a tiɓaka ta.

SAMUYEL MUDUMBUŊ NAŊ 15:29

Yo ma na, Buymisemuŋ, dudok ngi Israyele, naŋ anta gi slir ta, yo naŋ anta mbiɗa wuluko kaɓa mbur ta.»