ROMAHAY 2:9 - Bible en langue guiziga

⁹ Mbur magi gwat malambaˀ gar na, a sa si bonoy, a sa lik haɗa, Yudehey dumbuŋ waɗ sukwi mekelemey gar.

ROMAHAY 2:9 ပူးပေါင်းရင်းမြစ်များ

ƁI NGI HINEY MUCUW NAŊ 6:23

ka na, Buymisemuŋ, cino di zle a muŋ, ki cifi teˀ ta, so ga kiita ngi gawla ɗikeye, mbur muzluɓa ɓi na, ɓa ki kutaŋ ti bonoy, yo ɓa ki paŋ malambaˀ naŋ na nga hirnga naŋ, ɓa mbur mijeŋŋe na kwana, ki njika i mbur mijeŋŋe, ki gi di weˀe avu jeŋŋe naŋ.

DIMISEY 32:10

Bonoy haɗi ara kutuko misi moˀore, amma mbur manjih hiri asi Bumbulvuŋ na, Bumbulvuŋ ara gunoŋ ti gi teŋteŋ naŋ.

MIKUCUWULOY 11:23

Mizli mijeŋŋehey a kutukom sey gi mezle, misi moˀorehey a njaham hiri nga taŋ ngi luuma himaˀ tewle.

EZEKIYEL 18:4

Haˀaw, siifa gar na, naŋ asi haŋ ɗu, siifa ngi mangal ati siifa ngi cine, taŋ cuw taŋ asi haŋ ɗu. Mamuco, i mbur magi mungra.

EZEKIYEL 22:31

Dar i pa mevel ɗu ng'ar taŋ. I ngizla taŋ ti himaˀ ɗu misi ka vu na. Dudok ngi gwat ngi gi taŋ na, i pa taŋ zayɓi nah nga hirnga taŋ vuna. I ya Bumbulvuŋ, Buymisemuŋ maɓi.»

AMOS 3:2

A wuzla mizli ngi si ruwuyoy gar na, yi sin di i kum, vurˀe gwat malambaˀ miwãˀ kum migaka na, i sa cufuɗukum, ɓa kisa slufaka ɓi nah.

Matiye 16:26

Da mbur a luuma gwat ngir duniya le gar, amma da a ziza siifa naŋ le aseˀe na, a lum di mike? Malla mbur a hiɗik siifa ti gwat naŋ muluma gu kwa?

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

SLRA 11:18

A dirba taŋ micinaka mingiɓi hana na, mevel taŋ a tisl le, dar a hunumaka Buymisemuŋ, a ɓam: «Pura, Buymisemuŋ a pula jiviɗ le da mizli Yudehey ta, ɓa a mbiɗam mevel, a lumam siifa ya.»

SLRA 13:26

«Sukum ɗuwoy, ko kum i ziri ngi dideˀ ndra Abraham, malla ziri ngi mizli a wuzla kum madilkam a mbuŋ Buymisemuŋ kwana, ɓi ngi laha vu misenna, Buymisemuŋ a slino di da ndra.

SLRA 20:21

Tila mi ɗu i ngi zila Yudehey ati Grekey, ɓa a mbiɗam ng'avu Buymisemuŋ, yo ɓa a tiɓaka Buy ndra Yesu.

SLRA 26:20

Yi zla i til di mi dumbuŋ jak ma na, da mizli ngi Damasay, da ngi Zerusalemey, da mizli ngi hirwuy Yude gar waɗ da sukwi ngi mizli mekelemeye ma. Yi tila taŋ mi, yi ɓa taŋ ɓa a mbiɗam mevel, a mbuɗoko ng'avu Buymisemuŋ, yo ɓa a gam gwat mabiga a mbiɗaka mevele le gisiŋ.

SLRA 28:17

Hin makir a dirba nah na, Pol a zilo madiɗa ngi wuzla Yudeheye, ɓa a cikiloko. A dirba taŋ mukusomo, a ɓa taŋ: «Aw sukum ɗuwoy, i gi gwat malambaˀ ko neˀ da mizli ndraˀahaya ta, ko avu ɓi ndra mulumoko di avu dideˀ ndrahay kwana, i gi ta ma. Amma yi mbur dangay, diga taŋ mijikiy a Zeruzalem na, a vulikiy asi haŋ ngi Romahay.

SLRA 28:28

Pol a kiɗa mingiɓi naŋ, a ɓa taŋ: «Sinaka sin le so: ɓi ngi Buymisemuŋ malih vu hana, a slinaka le da mizli Yudehey ta, taŋ a sa cinakaŋ!» [

SLRA 3:26

Buymisemuŋ mubo ti Gawla naŋ na, a slino di dumbuŋ da kum, ɓa a ɗuwulukum mi, a mbuɗo hiri kum tivu mungraˀahaya, purla purla gar ng'avaŋ.»

ROMAHAY 1:16

Y'anta gi mesem ngi tila mi ti Ɓimezle ta, asi i gidaŋ ngi Buymisemuŋ malaha ko wa mitiɓi le gar, Yudehey dumbuŋ waɗ sukwi mekelemey gar.

ROMAHAY 10:12

Vurˀe, mbur Yude asinta, mbur Grek asinta. Taŋ gar, Bumbulvuŋ taŋ purla, ara gi gwat mezlehey haɗi da mizli mandiram deŋ ti zila slimiɗ naŋ.

ROMAHAY 2:10

Amma ko wa gar magi mezle na, Buymisemuŋ a sa vulaŋ dudok, a sa ɗuvaŋ hirnga, a sa vulaŋ zuy, da Yudehey dumbuŋ waɗ da sukwi mekelemey gar.

ROMAHAY 8:35

Masa wuɗka ndra gu ati Kristu mawuɗ ndra na, i waka? Bonoy kwa? Lik kwa? Sipi vu minder nder kwa? May kwa? Murga kwa? Mendere kwa? Malla muc kwa?

ROMAHAY 9:24

I ndra mizli, naŋ muzulo ndra ti wuzla Yudehey tew ta, amma ti wuzla mizli mekelemey na ya.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

KOLOSOY 3:11

Kahana so na, mbur Yude malla Yude ta, asinta, mbur mici le a mizaw malla mici ta, asinta. Mbur mulak malla ko mbur manja wuna slimiɗ, asinta, mbur beke malla diimu, asinta. Amma Kristu, naŋ i gwat gar, naŋ da ar gwat gar.

TESALONIKEY MUCUW NAŊ 1:6

Naŋ kine, Buymisemuŋ naŋ jeŋŋe, mizli magukum bonoy na, a sa pula bol naŋ avu taŋ.

PIYER MUDUMBUŊ NAŊ 4:17

Asi mike na, i zli hin ngi gi kiita, ɓa Buymisemuŋ a zla gi naŋ tivu mizli naŋhay ɗagay. Ani, da a zla le avu ndra na, mizli mangumam tiɓa Ɓimezle ngi Buymisemuŋ ta na, kiita nga taŋ a sa kiɗ mi mbrike?