ROMAHAY 2:8 - Bible en langue guiziga

⁸ Amma mizli mambiɗam hirnga avu Buymisemuŋ, mahizigaka ɓi mikaslsla avra, yo masipam ɓi mijeŋ ta gar na, Buymisemuŋ a sa vunaha himaˀ naŋ ati ji mevele ng'ar taŋ.

ROMAHAY 2:8 ပူးပေါင်းရင်းမြစ်များ

ƁI NGI HINEY MUCUW NAŊ 6:23

ka na, Buymisemuŋ, cino di zle a muŋ, ki cifi teˀ ta, so ga kiita ngi gawla ɗikeye, mbur muzluɓa ɓi na, ɓa ki kutaŋ ti bonoy, yo ɓa ki paŋ malambaˀ naŋ na nga hirnga naŋ, ɓa mbur mijeŋŋe na kwana, ki njika i mbur mijeŋŋe, ki gi di weˀe avu jeŋŋe naŋ.

Ɗerewol JOP 24:13

Mizli magaka taŋ gwat tayna vuna, anta wuɗam li minjahha ta, a sinaka jiviɗ minjahha vuna ta, a ram ɗaˀ ar jiviɗ nah ta.

DIMISEY 90:11

Ji mevel ɗike, mbur masina gidaŋ naŋ gu i waka? Da mbur ara cunuw mi haɗa na, a si na ji mevel ɗike.

MIKUCUWULOY 11:23

Mizli mijeŋŋehey a kutukom sey gi mezle, misi moˀorehey a njaham hiri nga taŋ ngi luuma himaˀ tewle.

MIKUCUWULOY 13:10

Huhumo vu a slikiɗ di i tiri tewle, sinmijileŋ, naŋ avu mizli matiɓam kuti.

EZAYI 50:10

A wuzla kumo, mbur mazluwun ti Bumbulvuŋ ada kwa? Mbur macina ˀay ngi gawla naŋ ada kwa? Mbur maru ar luvuŋ, manja a lum li minjahha ada kwa? Anja mbur nah na, a pula vu naŋ mbak da Bumbulvuŋ naŋ, a jih jah ti Buymisemuŋ naŋ na.

ZEREMI 34:18

Ɓi ngi jumoˀay ɗu ati kum a mbuŋ ɗu, kum muwurslukaka zuŋ sla wurasl a wuzla cuw, dar ki cohom tir wala ngi zuŋ sla muwurslak tuwa na, mizli mijaka ɓi nah a hirnga ta na, i vula taŋ ɓa a jaka taŋ.

EZEKIYEL 22:31

Dar i pa mevel ɗu ng'ar taŋ. I ngizla taŋ ti himaˀ ɗu misi ka vu na. Dudok ngi gwat ngi gi taŋ na, i pa taŋ zayɓi nah nga hirnga taŋ vuna. I ya Bumbulvuŋ, Buymisemuŋ maɓi.»

NAHUM 1:6

Macici avu himaˀ naŋ gu i waka? Da naŋ miji mevel le na, maɓusa ɓi nah gu i waka? Ji mevele mufõh fõh na, a slikiɗ ka vu matiɓi giw giw, mandazlay muwãhaya a ndislam kpah kpah a mbuŋ naŋ.

ROMAHAY 1:18

Naŋ kine, mizli magam mungra waɗ gwat mijeŋ tahay gar ngi tika ɓi mikaslsla ɓa a njik ta na, Buymisemuŋ a zuɓ himaˀ le, yo a njuyo di le paɗ ti muŋ ng'ar taŋ.

ROMAHAY 10:16

Amma Ɓimezle, mitiɓi naŋhaya, i mizli gar ta. Asi Ezayi ɓi: «Bumbulvuŋ, ɓi ndra matilam di mi na, mitiɓa, i waka?»

ROMAHAY 15:18

Da i tum vu le ngi ɓi ɓi neˀ na, sey ar ɓi ngi slra Yesu Kristu miga tisi ya, ɓa ngi biga jiviɗ da mizli Yude tahay, ɓa a cinam mi da Buymisemuŋ. A ga tisi mingiɓi ɗu ati gwat ngi gi ɗu,

ROMAHAY 6:17

Gukum sise da Buymisemuŋ! Kum i beke ngi mungrahay zleˀe, amma wurenna, dubun mupurla kum mitiɓaka na, ki jaka le a hirnga ti mevel purla.

ROMAHAY 9:22

Da Buymisemuŋ, a wuɗ biga himaˀ naŋ ati gidaŋ naŋ le avu mizli mekelemeye na, asi a ndilaka le ter ɓa a pa himaˀ naŋ angi taŋ, yo taŋ gweˀ ngi zizi. Dambalaka na, a ɓus di ni ɓi ti ɓus haɗi.

KORENTIHEY MUDUMBUŊ 11:16

Da mbur a wuɗ ngila mi le aseˀe ɓula na, sirik nah anta avu ndra ta. Yo ko avu Cikil ngi misikristuhoy kwana, naŋ kanah ya.

KORENTIHEY MUCUW NAŊ 12:20

Naŋ kine, da ya misa ndil le a hay kumo, i ra lumukum le ka ya muwuɗ ta, yo kumo, ki lumikiy leka kum muwuɗam ta ya na, i ra zluwun. Da ya mira lumukum le, ki ra wunkam ˀay, ki ra gam suloŋ, ki ra jam mevel, ki ra wam mi asi mbur, ki ra zam vu, ki ra cikislam ɓi, ki ra zirɗam mi ngi mbur, malla ki ra gam biyãˀ biyãˀ lambaˀa na, i ra zluwun.

GALATAY 5:20

huruk huruk a mbuŋ kulihey, ketele, gi mesene, wunkaˀay, suloŋ, ji mevel, tiri, jumoˀay ta, ngic mingac kini ngac kini ar wala,

FILIPIHEY 1:17

Mekelemeye, a tilam mi ti ɓi ngi Kristu, ti wuluk ngi gi mesene tewle. A wuɗam ɓa ya misi ar dangay na, anja bonoy ɗu a gi ɓesde nga mbuŋ ava, anta wuɗam di i tilami gisiŋ ta.

FILIPIHEY 2:3

Anja ki gam gwat ɓa mizli a puram i kumo si ta, yo ki huhumo vu ta. Ammahinam hirngaŋ, puraka mizli mekelemeye, kaɓa a funukum le.

TESALONIKEY MUCUW NAŊ 1:8

A sa sawa a wuzla vu matiɓi njilim njilim. Ti nah na, mizli mangumam tiɓa Ɓimezle ngi Buy ndra Yesu ta gar na, a sa kuta taŋ.

Ɗerewol TIT 3:9

Amma sipi ɓi lambaˀhay, slufa dideˀhey: mana a yi mana, mana a yi mana, tiri, ngila mi asi ɓi ngi tiɓi gar na, pula ɓi nah. I ɓi ngatara lambaˀ, ko anta jini vu neˀ ta wãˀ.

HEBEREY 10:27

Amma sey zluwun ti kutuko kiita ati vu mihilɓiɓ masa zuma mesene ngi Buymisemuŋhoy na tewle.

HEBEREY 11:8

Abrahama, Buymisemuŋ mizilaŋ, naŋ micinaŋ mi, aru nga hirwuy Buymisemuŋ miɓi a sa vulaŋ di, yo a cuh, manja a si na li naŋ maru ng'ara vuna na, asi tiɓi.

HEBEREY 5:9

Naŋ mitiri manja hereweɗ so na, mizli macinakaŋ mi gar na, a tiri le i buy milih taŋ hã ngi sete.

Ɗerewol ZAK 3:14

Amma da ki ra gam suloŋ mikas naŋ a mevel kumo, yo ki roko ti may tiri na, anja ki huhumom vu ta, ki gam slir ngi hirya ɓi mikaslsla ngi Buymisemuŋ ta.

Ɗerewol ZAK 3:16

Naŋ kine, da mizli ara gam suloŋ, ara wuɗam fini cala na, naɓa a sa gam gwat mibiyãˀ biyãˀ lambaˀ waɗ sukwi ngi gwat ngi ji mevel wal wal gar.

PIYER MUDUMBUŊ NAŊ 3:1

Kum ngwasay kwana, hinam hirnga a mbuŋ zil kumoy aya, da ko mizli mekelemey anta ngumam tiɓa ɓi ngi Buymisemuŋ ta tekeɗe kwana, ɓa a sa lumoko taŋ manja mingiɓi aseˀe, a tiɓaka Buymisemuŋ tisi gi gwat mezle ngi ngwas taŋhay na.

PIYER MUDUMBUŊ NAŊ 4:17

Asi mike na, i zli hin ngi gi kiita, ɓa Buymisemuŋ a zla gi naŋ tivu mizli naŋhay ɗagay. Ani, da a zla le avu ndra na, mizli mangumam tiɓa Ɓimezle ngi Buymisemuŋ ta na, kiita nga taŋ a sa kiɗ mi mbrike?

ƁIMUNJUYO 14:10

naŋ vuna kwana, a sa si mbaazla ngi himaˀ ngi Buymisemuŋ ya, mbaazla manja lihiɗ, mipaka sek ng'ar sikiɗ ngi himaˀ ngi Buymisemuŋ. Yo a sa si bonoy angi vu ati baruudu a mbuŋ modro ngi Buymisemuŋhoy waɗ a mbuŋ tumuŋ.

ƁIMUNJUYO 16:19

Walahay madiɗa a wuh a wuzla makir, yo walahay madiɗa ngi si duniyahay cek gar a mbizlam rip rip. Dar Buymisemuŋ a wulka Babiloŋ, walahay madiɗa keŋ, ɓa a vulaŋ sikiɗ misi mbaazla ngi himaˀ naŋ mavuruɗ anga na, ɓa a saŋ.