ROMAHAY 2:7 - Bible en langue guiziga

⁷ Mizli mahurdumom ti gi slra mezle, mapuram jiviɗ ɓa Buymisemuŋ a vula taŋ dudok, ɓa a ɗuva taŋ hirnga, yo ɓa a ndiram caˀa na, Buymisemuŋ a sa vula taŋ siifa ngi sete.

ROMAHAY 2:7 ပူးပေါင်းရင်းမြစ်များ

Ɗerewol JOP 17:9

Amma anja mbur mijeŋŋe a hurdum ti gwat ngi gi naŋ hirdam, yo mbur muzuɓa haŋ naŋ ngi gi malambaˀ ta na, anja a ndir zlak kanah.

DIMISEY 27:14

Njih hiri njah asi Bumbulvuŋ, cici zlak, yo tum vu tum, njih hiri njah asi Bumbulvuŋ.

DIMISEY 37:3

Njih hiri njah asi Bumbulvuŋ, yo ga gwata kuy kuy, ɓa ki cifi asi ruwuyo, ki ndir zuy zuy.

DIMISEY 37:34

Njih hiri njah asi Bumbulvuŋ, yo zuɓa jiviɗ naŋ. A sa ɗuvuw hirnga, ɓa ruwuy a ndir da ka, joˀ kisa pura masa ngizlaka miziriɗa miheye.

EZEKIYEL 18:17

gwat mijeŋ ta na, naŋ anta ngum gi naŋ ta, gwat naŋ, naŋ anta wuɗ yam anga ta, yo anta wuɗ lum fineˀ gidaŋ anga ta, a ga gwat ngi sirik ɗuwoyo, yo a sipa jiviɗe kaɓa ɓimujuwa ɗu mawuɗo. Mangal nah na, naŋ anta muc asi mungra ngi cine miga zleˀe na ta, naŋ kaslsla, a ndir ti siifa.

Matiye 25:46

Joˀ taŋ a sa ram ng'ar li ngi bonoy ngi sete, yo mizli mijeŋŋeheye, ng'ar li ngi siifa ngi sete.»

Ɓimezle ngi Yesu Kristu LUK mitil di mi 21:19

Cicam zlak kuy kuy, ɓa ki lahaka hirnga kumo.

Ɓimezle ngi Yesu Kristu LUK mitil di mi 8:15

Misi angi li mezle na, i mizli macinam mingiɓi tuwa ti mevel mezle, mukuy, yo majaka a hirnga, a hurdumom, hã a sikam.

Ɓimezle ngi Yesu Kristu ZAŊ mitil di mi 4:36

Migi sifi ngi gwata, ara lum migir naŋ si, ara kuso gwat ngi sifiheye vur siifa ngi sete, hã mbur mizligi gwat ati mbur migi sifi naŋ, a mumulom jom arleˀeŋ.

Ɓimezle ngi Yesu Kristu ZAŊ mitil di mi 5:44

Kumo, ki vulam dudoko ar wala kum tehhe a muŋ, kum anta sipam dudok Buymisemuŋ pal naŋ mavula na ta ma na, anja kisa tiɓikiy mbri mbri zleˀe ka?

ROMAHAY 2:10

Amma ko wa gar magi mezle na, Buymisemuŋ a sa vulaŋ dudok, a sa ɗuvaŋ hirnga, a sa vulaŋ zuy, da Yudehey dumbuŋ waɗ da sukwi mekelemey gar.

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

ROMAHAY 8:18

Yi wa na, bonoy, ndra masaka angi hin muwurenna na, anta wam weˀ le ati dudok Buymisemuŋ masa njika ndra di tumbuŋ na ta wãˀ.

ROMAHAY 9:23

Yo naŋ miga kanah na, asi a wuɗ le ɓa a biga gi dudok naŋ mihaɗi na da mizli naŋ mupura taŋ ˀircece, naŋ miɗiya taŋ daf dumbuŋ zleˀe, ɓa a sa lumam dudok na.

KORENTIHEY MUDUMBUŊ 15:42

Tapas mumucahay masa slikiɗam na, a sa gi kanah ya. Dumvu maka ka ng'ar vigiɗe, i vu mazĩˀĩ. Da naŋ misa slikiɗ le na, a zĩˀĩ mata wãˀ.

KORENTIHEY MUDUMBUŊ 15:50

Sukum ɗu misikristuhoy, gisiŋ yi ɓukum anihĩ: Misi ti dumvu ati pumbus gar na, anta sa zumam buy ngi Buymisemuŋ gu ta. Yo dumvu mamuco, anta sa zuma li ngi dumvu mamuc ta na gu ta.

KORENTIHEY MUDUMBUŊ 15:58

Naŋ kanah, sukum ɗu, yeme ɗuwoy, cicam zlak gidaŋ gidaŋ, ki jijikam ta. A ram nga mbuŋ nga mbuŋ ndrehhe ar slra ngi Bumbulvuŋ, asi ki sinaka le, cika vu kum ti slra asi kum mujom ati Bumbulvuŋ na, i ngatara ta.

GALATAY 6:9

Anja i giram ti gimezle ta. Asi da hin naŋ misa ndila le, i pulaka ta na, i sa gam sifi ngi gwata.

EFESEY 6:24

Mizli mawuɗaka Buy ndra Yesu Kristu ti wuɗavu mahiryi ta na, anja Buymisemuŋ a ga taŋ mezle gar.

KOLOSOY 1:27

Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.

TIMOTE MUDUMBUŊ NAŊ 1:17

Buy madiɗa ngi sete, Buymisemuŋ mamuc ta, mbur mapura gu ta wãˀ, Buymisemuŋ mupurla na, anja mizli a ɗuvakaŋ hirnga, a gakaŋ dudok hã ngi sete, ngi samadin! Amin.

TIMOTE MUCUW NAŊ 1:10

Wurenna, a biga ndra di le tisi Milih ndra Yesu Kristu mubugo vu na. Yesu a pa hirnga le da muco, a biga ndra siifa ngi sete le ti Ɓimezle na.

HEBEREY 2:7

Ki ma mburo le nga ruwuy ngi hin neˀ, avu modrohoyo. Ki tuwuɗaŋ dudok ati gi ɗongoro, ka loppol.

HEBEREY 6:12

Anja ki gam masafaya ta. Mizli masa lumam zlili miɓaka taŋ ɓi nah le ɗaˀ le, asi tiɓi taŋ ati cici taŋ zlak na, i wuɗam na, anja ki sipaka sar taŋ.

HEBEREY 6:15

Abraham a ɓusa, a kutuko ɓi nah le, hã gwat Buymisemuŋ miɓaŋ di ɗaˀ le tuwa, a pura, a gi le.

ZAŊ MUDUMBUŊ NAŊ 2:25

Gwat, Kristu miɓa ndra di ɗaˀ le na, n'anihĩ: i siifa ngi sete.