Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROMAHAY 2:4 - Bible en langue guiziga

4 Buymisemuŋ maɓus ɓi haɗi, mavul haɗa, gimezle naŋ mihaɗi na asin ta, ki ra gi di kaɓa ɓi ngi sefel kwani? Mezle ngi Buymisemuŋ maguw di, ɓa ki mbiɗa mevel ɗike na, ki si na takwa?

အခန်းကိုကြည့်ပါ။ ကော်ပီ




ROMAHAY 2:4
51 ပူးပေါင်းရင်းမြစ်များ  

Bumbulvuŋ, ki gi gwatay le haɗi, ki ga taŋ cek ti sin ɗik mijileŋ, hirwuy a nih le ti gwatay ka miga taŋ na.


Misi slir tayna, maɓam ɓi malambaˀ ngi kuw angi mbur mijeŋŋe, yo mahuhumom vu, waɗ mahirsam vu na, anja a ɓam gu ta.


Amma Buymisemuŋ, naŋ i mupura ircece, ara pula malambaˀ taŋ, mbak ngizl taŋ kuɗupo jak. A muca mevele le sar mbeˀ mbeˀe, a bo ti ji mevele njoy wãˀ ta.


Amma ka so na, Bumbulvuŋ, ki Buymisemuŋ, mapur ircece, yo misi mevel mezleŋ, maji mevel kutum ta, ka teŋteŋ haɗa, yo kakaslsla ma.


Bumbulvuŋ, ki mbur mezle haɗa, yo ki pul mungra ma, mizli matumbulukuw gar na, ki vula taŋ gwata ti gula ti hazum.


A dirba nah, Bumbulvuŋ a cuh ti mbuŋ Moyise, a til mi, a ɓi: «I ya Bumbulvuŋ, yi Bumbulvuŋ, Buymisemuŋ mupura ircece, misi mevel mezleŋ, i ji mevel kutum ta, ya teŋteŋ, yo kaslsla haɗi.


Asi anta gaka kiita vur slra malambaˀa kutum ta tuwa na, mevel ngi mizli titiraˀahaya, i minaha le ti gi gwat malambaˀa da mizli.


Amma so na, Bumbulvuŋ ara kutuk hin ɓa a luhukum, a wuɗ a bugukum naŋ mapur ircece na kutum, asi mike, Bumbulvuŋ i Buymisemuŋ mijeŋŋe. Mizli manjaham hiri ar naŋ na, taŋ ar mumul.


A dirba nah, ki soko nga mbuŋ ɗu, ar hay misenna matilam mi ti slimiɗ ɗu ara na, ki ɓam: «I laham le!» Dar ki gaka gwat malambaˀ muwãˀ tayna tuwaˀ ti vendeke zuy sukwa?


I sa vulukum mevel misi purla. I sa ci musuɗuk nawaya a hur kumo. Mevel kum migidaŋ kaɓa ɗugur na, i sa zuɓukum di avra, dar i sa vulukum mevel mukuɗ kuɗ kaɓa meficeke.


ɓa kisa wuluk keŋ, ɓa kisa pi mesem, yo ti ya masa puluw mungra ngi gwat ka miga taŋ gar na, a sa guw gigisl, kisa wuna mi gu mata. I ya Bumbulvuŋ, Buymisemuŋ maɓi.»


A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.


A tumbulo Bumbulvuŋ, a ɓaŋ: «Aw Bumbulvuŋ ɗu! Ti ya misi angi hirwuy ɗu na, i ɓi a kwacay ɗu zleˀe kahana vuna. Ya muwus vu ngi kil nga Tarsis na vurˀe. I si na le kuy kuy zleˀe si, ki Buymisemuŋ migi mezle, mapur ircece, maji mevel kutum ta, mawuɗ vu haɗa, yo da ka mujuwa ɓi le a mevel ngi gi malambaˀ da mburo na, ki pula teˀe.


I ya Bumbulvuŋ maji mevel kutum ta, yo magi mezle haɗi teˀe, mungra waɗ cine mi ta na, i ɓusa ɓi nah gu ɓula, amma mbur migi gwat le na, i pula teˀ ta, mbur migi mungra le na, i kuta dideˀ naŋhaya ti bonoy, hã dideˀ dideˀ makir malla mufaɗa.


Vurˀe, mbur Yude asinta, mbur Grek asinta. Taŋ gar, Bumbulvuŋ taŋ purla, ara gi gwat mezlehey haɗi da mizli mandiram deŋ ti zila slimiɗ naŋ.


Pura ɗi, Buymisemuŋ i mezle, yo naŋ himaˀ ma gar. Naŋ himaˀ avu mizli mindilam le, amma naŋ mezle avu ka, anja sey ki ndir ti gimezle naŋ na. Da kanah ta na, a sa kilihuw ka avra ya.


Yawwa! Buymisemuŋ naŋ ti zlili haɗi wãˀ! Sin naŋ mijileŋ ati sin naŋ ngi gi gwata, taŋ jileŋ haɗi! Wuluk naŋ mujuwa le a mevele na, maɓa mbiɗeˀvra naŋ gu, i waka? Gwat naŋ miɗiya jiviɗ naŋ le na, masla wala naŋ gu, i waka?


Buymisemuŋ a vul di i Yesu vuna ngi gi mikuli a mbuŋ Buymisemuŋ ngi buna mungra ngi mizli ti pumbus naŋ, asi tiɓi taŋ. Buymisemuŋ a wuɗ ɓa a biga avu mizli, naŋ jeŋŋe: asi ti mizli migam mungra angi hin naŋ muɓus ɓi zleˀe na, a pula ɓi nah le, a ga taŋ kiita ta.


I sa ɓam mbri ska? Zuwen i ndiram ar mungra ɓa Buymisemuŋ a ga ndra mezle haɗi kwa?


Mbri ska? Ani, ndra muluɓ luɓ avu gimezle ngi Buymisemuŋ, ndr'anta luɓ luɓ avu ɓimujuwa mata na, zuwen i gam mungra muduba sukwa? Kanah ta wãˀ si!


A lumam bonoy le wal wal haɗi, ɓa ngi pura taŋ ava. Amma ko ti murga taŋ mihaɗi na kwana, a mumulom le haɗa, hã a tiram mizli muvuloy ti gula ti hazum.


Anja Buymisemuŋ a pusluɗukum mevele njahha, ɓa ki sinaka naŋ muzulukum, ɓa ki njaham hiri njah. Yo ɓa ki sinaka dudok naŋ mihaɗi waɗ gwat naŋ miwi taŋ vu da mizli naŋhaya,


Kristu a mbiɗa hirnga ndra le ti pumbus naŋ ar ndra mujom ati naŋ, yo mungra ndrahay a puyam le avra kaɓa gimezle Buymisemuŋ miga ndra di haɗi na.


Amma Buymisemuŋ a pur ˀircece haɗi teˀe, asi wuɗavu naŋ, naŋ muwuɗ ndra haɗa na.


Naŋ kine, gimezle ngi Buymisemuŋ, misi gwat ngi wa ti naŋ, anta na, Buymisemuŋ a wuɗ le ɓa a sa biga ndra di ti mbuŋ tisi gimezle naŋ, naŋ miga ndra di ar ndra mujom ati Yesu Kristu na.


I ra tumbulo Buymisemuŋ misi ti dudok mihaɗi na, anja ɓa tiri ti kum gboŋgboŋ ti gidaŋ ngi ˀUf naŋ, ɓa mbur ngi hur kum a lum gidaŋ.


Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.


Buymisemuŋ ɗu a sa vulukum gwat kum misi ti may naŋ gar, weˀe avu zlili naŋ mihaɗi tisi Yesu Kristu na.


Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.


Ya mawuɗ na, ɓa a ndiram ti tumo vu a mevel taŋ, ɓa a ndiram jom purla ti wuɗavu, a ndilaka luuma lesl mihaɗa ngi Buymisemuŋ, waɗ ɓa a sinaka gwat mufuna wuluk ngi mbur ngi Buymisemuŋ zleˀe na, mbiɗeˀvra: Kristu.


Na, Buymisemuŋ a puriy ˀircece le na, aseˀeŋ. Yi madiɗa ngi migi mungrahay gar, Yesu Kristu a biga naŋ mandi ɓi haɗi na le avu ya. Yo ɓa nga mbuŋ, mizli masa tiɓakaŋ, ɓa a lumam siifa ngi set na, a sa puraka avu ya.


Mizli misi ti zlili ngi ruwuy hanayna, ɓa taŋ: anja a huhumom vu ta, anja a njaham hiri asi zlili mandir caˀa gisiŋ ta na ta. Amma anja a njaham hiri angi Buymisemuŋ mavula ndra zlili haɗi, ɓa i mumulom di na.


I musuɗuk ngi mizli misi zleˀehey, micinam mi da Buymisemuŋ ta, ti naŋ mukutuk hã Nowe miɗiya palalam, mizli dangafaɗ tewle milaham tir yam na.


Naŋ kine, jiviɗ ngi ci ng'ar li zumabuy ngi set ngi Bumbulvuŋ ati ngi Milih ndra Yesu Kristu na, a sa pulukum di firndiw.


Yo kum ɓam jak na, ndiɓi mihaɗa ngi Bumbulvuŋ na, i jiviɗ ngi lih kum. Sukum ndra Pol, yo i ngama ndra ma, naŋ mutuhukum ɗerewol ti sinmijileŋ, Buymisemuŋ muvulaŋ di na, pulaˀvra naŋ i nah.


Sinaka sin le, angi hin ngi dirbahay na, mizli mingila mihey, macifam vur kiɗa may ngi dumvu taŋ, a sa soko, a sa singiram ar kum,


Mizli mekelemeye, a waka kaɓa Bumbulvuŋ ara mur ngi ga gwat naŋ miɓa ɗaˀ le na. Ĩˀĩ, naŋ anta mur ta. Amma a kutuk di i kum jaka. Anta wuɗ anja mizli mekelemey a zizam ta. Amma a wuɗ ɓa mizli gar, a mbiɗam mevel.


I vulaŋ hin le ɓa a zil marava, amma anta ngum ɓa a zil marava ngi pula gi sulome naŋ na ta.


Cin, y'ani deŋ a miviŋ, i ra zil vu. Da mbur a cin ˀay ɗu le, yo a wuniy miviŋ le na, yi sa ci ng'avaŋ, i sa zumam cuwa. Ya ati naŋ, yo naŋ ati ya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ