ROMAHAY 2:3 - Bible en langue guiziga

³ Amma ka maɓa mbur mekeleme: «Ki zluɓa le» tuwa, da ki ra gi ka naŋ vuna ya na, Buymisemuŋ masa ga kiita da mizli na, ki pura kaɓa kisa lih gu sukwani?

ROMAHAY 2:3 ပူးပေါင်းရင်းမြစ်များ

SAMUYEL MUCUW NAŊ 10:3

Amma mizli madiɗa ngi Amoŋhoy a ɓaka buy taŋ Hanuno na: «Davit mislino mizli naŋhay ngi so tikinuw ɓa ki taˀa tuwuyo na, ki wakaɓa a cik di i hirnga ti cik da bunuko gisiŋ kwa? Davit a slino gawla naŋhaya na, ngi jiɗa walahaya, a puraka, ɓa a sa zuma da naŋ ta kwa?»

Ɗerewol JOP 35:2

Ka maɓi: «Ya jeŋŋe fineˀ Buymisemuŋ» na, ki wa na, naŋ kaslsla sukwani?

DIMISEY 50:21

Pura gwat ka miga ani so, ki wuɗ ɓa ya teˀ di sukwa? Ki wa na, yakaɓa ka ya kwa? I buguw malambaˀ ɗike cay, zayɓi nah, naŋ a hirnga ɗiki.

DIMISEY 56:7

A roko ɗum ɗum, a ro jiɗikiy, a roko ɓaˀa angi sar ɗu, ɓa ngi zizi ɗu.

MIKUCUWULOY 11:21

Ko mbri na, mbur misi moˀore a sa kutakaŋ ti bonoy, amma sukwi ngi mizli mijeŋŋeheye, a sa laham.

MIKUCUWULOY 16:5

Mbur muhuhumo vu gar na, a ga Bumbulvuŋ kuyta wãˀ, ar kiɗa mi naŋ na, anta sa ndir manja a gakaŋ kiita ta.

EZEKIYEL 17:15

Na ma na, buy nawaya tuwa, a slikiɗ ɓi ava, a slin mizli nga Ezipte, ɓa a vulakaŋ pilisey ati sojehey haɗa. Mbur magi kahana na, a sa lum gidaŋ, yo a sa lih gu vurˀe sukwa? Naŋ mingila ɓi ngi jumoˀay na, ɓa a lih sukwa?

EZEKIYEL 17:18

A gi slir le, naŋ mingila ɓi ngi jumoˀay na. A vulaŋ haŋ le ngbaŋ, amma ti nah gar na, a ga gwat malambaˀ tayna le gbaˀ na si: kay, naŋ anta sa lih gu ta.

DANIYEL 10:19

Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.›

Matiye 23:33

Kum kaway, sukwi ngi kwecesley, kisa laham tir bonoy ngi vu gu mbri mbrike?

Matiye 26:53

Yi cufuɗa Baha gu ɓa a sliniy modro naŋhay kutum fineˀ vurum taˀ taˀ kuruˀ ngaŋ cuw na, ki si na ta kwa?

Ɓimezle ngi Yesu Kristu LUK mitil di mi 12:14

Yesu a ɓaŋ: «Micifiy ya ngi gi kiita kum, malla ɓa ngi wunka zlili kum, i waka?»

Ɓimezle ngi Yesu Kristu LUK mitil di mi 22:58

Neˀ a dirba nah ma na, mbur mekelem a puraŋ, a ɓaŋ: «Ka kwana, ki ngi wuzla taŋ aya!» Amma Piyer a mbiɗaŋ di: «Ĩˀĩ, y'anta a wuzla taŋ ta.»

Ɓimezle ngi Yesu Kristu LUK mitil di mi 22:60

Amma Piyer a mbiɗaŋ di: «Way ɗu, da ki wuɗ ki ɓi mbrike na, yi si na ta.» Hirak ti naŋ mira ɓi aruŋ vuna si na, kucukur a ji ˀay.

ROMAHAY 1:32

A sinaka kiita ngi Buymisemuŋ le ngbaŋ. A sinaka le, mizli magam gwat kahana na, a kiɗaka taŋ vagay vagay. Ko ti nah gar kwana, ara gaka nga mbuŋ nga mbuŋ na si. Yo ma na, a ngilam wuy ti mizli magaka vuna jak ma.

ROMAHAY 2:1

Ka, mbur wanaka gar maɓa mbur mekeleme: «Ki zluɓa le» amma, ka vuna kwana, ki ra gi ka naŋ vuna ya na, a sa pulukuw ngi ɗike teˀ gu mbri mbri aruŋ maka? Kite ki ɓi di i vu ɗik tehhe a muŋ vuna si.

ROMAHAY 2:2

I sinaka le, Buymisemuŋ maga kiita da mizli magam gwat kanah na, naŋ kaslsla.

ROMAHAY 9:20

Kay, ka mburu, i ka wa ɓa hã ki ngila mi da Buymisemuŋ ka? Ani, magayaka, a ɓa mindir naŋ: «Ki ndiriy kahana vur mike» na, a ɓaŋ gu kwa?

TESALONIKEY MUDUMBUŊ NAŊ 5:3

Tapas mizli masa ɓam: «Ndra zuy zuy, ko zluwun anta» na, gir madiɗa a sa diɗ ar taŋ gurjik, ka kwacay maja ngwas ngi yi, a sa ngizlam kuɗup.

HEBEREY 12:25

Jam lesl so, mbur maɓukum na, ki cinakaŋ di, ki slam himaˀ ta. Mizli mislam himaˀ ngi cine mi ngi mbur miɓa taŋ ɗaˀ ɗaˀ le a ruwuy aka, da a laham avu kuti ti bonoyo ta na, ndra, da i ra mbiɗam duba avu mbur maɓo ndra paɗ ti muŋ na, i sa laham ava gu mbri mbri jak ka?

HEBEREY 2:3

Na, da ndra vuna, i ra gam ti ɓi madiɗa ngi lahavu hana kaɓa ɓi ngi sefel na, i sa laham avu kiita ngi Buymisemuŋ mbri mbrike? I Bumbulvuŋ ti haŋ naŋ vuna mitil mi ti ɓi ngi lahavu hana dumbuŋ. Dar mizli micinaka na kwana, a ɓam ndra ɓi nah kasl kasla.