ROMAHAY 2:2 - Bible en langue guiziga

² I sinaka le, Buymisemuŋ maga kiita da mizli magam gwat kanah na, naŋ kaslsla.

ROMAHAY 2:2 ပူးပေါင်းရင်းမြစ်များ

ZLI VIRZI 18:25

Kay, ɓa ki ga kanah na, naŋ kuy ta! Ɓa ki kiɗa mbur mijeŋŋe jom ati migi mungra sukwa? Naɓa mbur mijeŋŋe a tiri le rak rak ati migi mungra. Kay naŋ kuyta wãˀ! Migi kiita da duniya keɗeɗe, ɓa a ga kiita kaslsla ta na, a gi ta.»

Ɗerewol JOP 34:23

Buymisemuŋ anta jiɗa mburo, hã hirnga puyuk, ɓa a so ng'ar kiita a mbuŋ naŋ ta.

DIMISEY 145:17

Bumbulvuŋ naŋ jeŋŋe angi slra naŋ gar, naŋ teŋteŋ ar gwat ngi gi naŋ gar.

DIMISEY 9:4

Mesene ɗuwoyo, ara mam ngir ti dirba, a ram tiɗam tiɗam, yo ara zizam a mbuŋ ɗike,

DIMISEY 96:13

a mbuŋ Bumbulvuŋ, asi ara sawa! A ra sawa nga zum buy asi ruwuyo. A sa zum buy ar duniya ti jiviɗ mijeŋŋe, yo a sa ga kiita da mizli kasl kasla.

DIMISEY 98:9

a mbuŋ Buymisemuŋ, asi ara sawa, ɓa ngi gi kiita a ruwuyo. A sa cifi, naŋ i migi kiita mijeŋŋe a ruwuyo, yo a sa ga kiita da mizli kasl kasla.

EZAYI 45:19

Ya miɓa ɓi ɗu na, i ɓa ɗum ti ɗum ta, i ɓa ar luvuŋ mukulkuc ngi ruwuy ta. Dideˀ ngi Zakopoyo, ɓa a sipikiy ar li munjoŋ kine na, i ɓa taŋ ta. Bumbulvuŋ i ya, yi ɓi di i ɓi mijeŋŋe, i til mi ti ɓi mikaslsla.

EZAYI 45:21

Tilam mi ti ɓi kumo! Soko ti ɓi kumo nga mbuŋ mizli! Gam kus ngi ngilawuy gar kumo. Miga ɓa mizli a sinaka ɓi nah zlezle na, i waka? Yo mitil mi ti ɓi nah zle misi ngadana ta na, i waka? I ya Bumbulvuŋ takwa? Mbak ya le na, Buymisemuŋ mekelem anta mata. Da i ya mata na, Buymisemuŋ mekelem, mijeŋŋe, yo malih vu, anta mata.

ZEREMI 12:1

Ka Bumbulvuŋ, ka jeŋŋe! Amma i wuɗ i cufuɗ ar gi jeŋŋe ɗike na si. Haˀaw, i wuɗ i ɓam ɓi ati ka ar ɓihey ani: Migi malambaˀhaya, gwat taŋ magaka gara, a gi kasl kasl na vur mike? Mizli miteŋteŋhey ta, ara pulam vu vur mike?

EZEKIYEL 18:25

Na kumo ma na, dar ki ɓam: ‹Gi gwat nga ya Bumbulvuŋ a bun hiri ndar ta!› Israyeley, cinam kwaɗay: Mubun hiri ta na, i gwat ngi gi ɗu jak kwa? Mubun hiri ta na, i gwat ngi gi kum jaka.

EZEKIYEL 18:29

Na ma na, kum Israyeleye, ki ɓam na: ‹Gwat ngi gi ngi Bumbulvuŋ a bun hiri ta.› Kum Israyeley, mubun hiri ta na, i gwat ngi gi ɗu jak kwa? Mubun hiri ta na, i gwat ngi gi kum jaka.

SOFONI 3:5

Na ar walahaya, Bumbulvuŋ naŋ jeŋŋe ngbaŋ, naŋ anta gi gwat malambaˀa ta. A ga kiita naŋ vur miprik gar, li mawun gar na, naŋ anta zluɓ ɓi ta. Amma, gwat ngi meseme, misi moˀore anta si na ta na si.

SLRA 17:31

Naŋ kine, a ɗuv hin le pal, naŋ masa ga kiita mijeŋŋe da duniya gar tapasa. Masa ga taŋ di, i mbur naŋ muwunaŋ. A biga le njah wãˀ da mizli gar ti naŋ mislikiɗaŋ ti wuzla mumucahay na.»

ROMAHAY 2:1

Ka, mbur wanaka gar maɓa mbur mekeleme: «Ki zluɓa le» amma, ka vuna kwana, ki ra gi ka naŋ vuna ya na, a sa pulukuw ngi ɗike teˀ gu mbri mbri aruŋ maka? Kite ki ɓi di i vu ɗik tehhe a muŋ vuna si.

ROMAHAY 2:3

Amma ka maɓa mbur mekeleme: «Ki zluɓa le» tuwa, da ki ra gi ka naŋ vuna ya na, Buymisemuŋ masa ga kiita da mizli na, ki pura kaɓa kisa lih gu sukwani?

ROMAHAY 2:5

Amma hirnga ɗike gidaŋ, k'anta ngum mbiɗa mevel ɗike ta. Hana ki cikil di i bonoy madiɗa wãˀ ngi kutuko hin Buymisemuŋ masa njuyo himaˀ naŋ ati kiita, naŋ masa ga ti jiviɗ naŋ kaslsla na.

ROMAHAY 9:14

I sa ɓam mbri ska? Buymisemuŋ naŋ anta jeŋŋe ta kwa? Kanah ta wãˀ.

ƁIMUNJUYO 16:5

I cine modro misi ti gidaŋ ngi tika ˀay da yama, ara ɓi: «Ka jeŋŋe, k'ada dana, k'ada zlezle, ka pal, asi ki sla kiita ɗike kahana vuna si.

ƁIMUNJUYO 19:2

Asi kiita naŋ miga na, naŋ ti jiviɗ naŋ kaslsla, jeŋŋe. A sla kiita le da ngwas sulome madiɗa mihirya hirwuy ti sulome naŋ na. Yo a pul di i cuwal ngi pumbus ngi gawla naŋhay.»