ROMAHAY 2:1 - Bible en langue guiziga

¹ Ka, mbur wanaka gar maɓa mbur mekeleme: «Ki zluɓa le» amma, ka vuna kwana, ki ra gi ka naŋ vuna ya na, a sa pulukuw ngi ɗike teˀ gu mbri mbri aruŋ maka? Kite ki ɓi di i vu ɗik tehhe a muŋ vuna si.

ROMAHAY 2:1 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 12:14

Yesu a ɓaŋ: «Micifiy ya ngi gi kiita kum, malla ɓa ngi wunka zlili kum, i waka?»

Ɓimezle ngi Yesu Kristu LUK mitil di mi 19:22

Buy a ɓaŋ: ‹Gawla malambaˀ vu! Yi guw kiita ti mingiɓi ɗik tehhe a muŋ. Ki si na le yi mbur mihimaˀ, gwat ya mika ta, yi zuɓa, yi gi sifi ngi gwat ya mizliga ta ma na,

Ɓimezle ngi Yesu Kristu LUK mitil di mi 6:37

«Ki gam kaɓa kum i migi kiitahay ta, ɓa a sa gukum kiita ta. Ki hizigiɗam mizli ti kiita ta, ɓa a sa hiziguɗukum ti kiita ta ya. Pulaka mungra ngi mizli, ɓa Buymisemuŋ a sa pula mungra kum aya.

ROMAHAY 14:22

Gwat ka mitiɓa le a mevel ɗike na, wi di vu da hirnga ɗik tewle a mbuŋ Buymisemuŋ. Da mbur ara gi gwat naŋ misla wala nah le, a si na le, a zluɓ ɓi ta na, naŋ ar mumul.

ROMAHAY 2:2

I sinaka le, Buymisemuŋ maga kiita da mizli magam gwat kanah na, naŋ kaslsla.

ROMAHAY 2:3

Amma ka maɓa mbur mekeleme: «Ki zluɓa le» tuwa, da ki ra gi ka naŋ vuna ya na, Buymisemuŋ masa ga kiita da mizli na, ki pura kaɓa kisa lih gu sukwani?

ROMAHAY 3:9

Na mbri ska? Ndra Yudeheye, i funaka mizli mekelemeye le aruŋ kwa? Ndiɗaˀ wãˀ! Asi yi biga ɓi nah le zleˀe si, yi ɓi na: «Mizli gar, Yudehey ati mizli mekelemeye, taŋ rak raka, mungra a funa taŋ gidaŋ le gar taŋ.»

ROMAHAY 9:20

Kay, ka mburu, i ka wa ɓa hã ki ngila mi da Buymisemuŋ ka? Ani, magayaka, a ɓa mindir naŋ: «Ki ndiriy kahana vur mike» na, a ɓaŋ gu kwa?

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

KORENTIHEY MUDUMBUŊ 7:16

Naŋ kine, ka ngwasa, ki si na avu mi, kisa laha zil ɗike ka? Ka zil, ki si na avu mi, kisa laha ngwas ɗike ka?

Ɗerewol ZAK 2:20

Mbur manja lesle, tiɓi manja slra, i gwat mupuɗaw ta na, ki si na le takwa?

Ɗerewol ZAK 4:11

Sukum ɗu misikristuhoy, ki cikislam ɓi ar cil kumo ta. Mbur macikisl ɓi ar sukum naŋ, yo magaŋ kiita na, kite a cikisl di i ɓi ar ɓimujuwa, yo kite a gi di i kiita da ɓimujuwa. Amma da ki ra gam kiita da ɓimujuwa na, mbiɗeˀvra, ki ra gi ka migi kiita, k'anta sipa ɓimujuwa na mata.