ROMAHAY 15:31 - Bible en langue guiziga

³¹ ɓa i lih tisi haŋ ngi mizli ngi hirwuy Yude matiɓam ta na, yo ɓa mitiɓihey misi a Zeruzaleme, a tiɓaka gwat ngi jini vu, ya mara taŋ di na ti mumul.

ROMAHAY 15:31 ပူးပေါင်းရင်းမြစ်များ

TESALONIKEY MUCUW NAŊ 3:2

Tumbuloko Buymisemuŋ ma ɓa a laha ndra avu mizli malambaˀ misi moˀoreheye. Asi matiɓaka Ɓimezle hana, i mizli gar ta.

KORENTIHEY MUCUW NAŊ 8:4

A cufuɗam ndra hirdam hirdam ɓa a lumam jiviɗ ngi jina mitiɓihey misi angi hirwuy Yude.

KORENTIHEY MUCUW NAŊ 9:1

Ar ɓi ngi kum mijinaka mitiɓi ngi Yudehey na, i gir vu ngi tuhukum ɓi nah mata.

ROMAHAY 15:25

Amma wurenna, i ra ru nga Zeruzalem ɗagay, nga jina mitiɓihey.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

TIMOTE MUCUW NAŊ 3:11

yo ar mizli masipikiy nder nder, waɗ ar bonoy ya misa a Antiyos, a Ikoniyom waɗ a Listra. Kay, a sipikiy le nder nder gisiŋ, amma Bumbulvuŋ a lihiy le avu gwat tayna gar.

TESALONIKEY MUDUMBUŊ NAŊ 2:15

Yude tayna, i taŋ mikiɗaka Buy Yesu vagay waɗ mijiviɗey zleˀe. A sipam ndra le nder nder. T'anta ciraka hiri da Buymisemuŋ ta wãˀ si, i mesene ngi mizli gar.

SLRA 25:24

Joˀ Festus a zla ɓi: «Buy Agripa, ati kum misi ati ndra aka gar, ki ra puraka mbur misenna. Mizli Yudehey keɗeɗe, a soko lumikiy ti ɓi naŋ a Zerusaleme, yo a ndiloko hã aka, a tilam mi: ‹Anja a pulakaŋ ti siifa mata.›

SLRA 25:2

Masay madiɗahay ati madiɗa ngi wuzla Yudeheye, a soko nga mbuŋ naŋ ɓa a wudam ti Polo. A hurdumom hirdam,

SLRA 22:24

buy ngi sojeheye, a ɓi ɓa a cam ti Polo ngi hay, a sliɗakaŋ ti laway, ɓa a si na ɓi Yudehey mawudam cirəw cirəw aseˀe na.

SLRA 9:13

Ananiyas a mbiɗaŋ di: «Buy, malambaˀ ngi mbur nah gar, naŋ miga da mizli ɗikey mipal, misi a Zeruzalem na, i cine ɓi nah le.

SLRA 9:15

Amma Buy Yesu a ɓaŋ: «Aru, asi mbur nah na, i ya muwunaŋ ɓa ngi biga slimiɗ ɗu avu sukwi mekelemey ati buy madiɗa taŋhay waɗ avu Israyeley.

KORENTIHEY MUDUMBUŊ 16:15

Sukum ɗuwoy, ambuh ambuh kum: ki sinaka le, Estefanas ati hay naŋ i mizli mimbiɗaka mevel dumbuŋ a Akaya. A pulaka vu taŋ le wãˀ da slra ngi misikristuhoyo.

KORENTIHEY MUCUW NAŊ 1:10

Milaha ndra tir muc misi kahana na, i naŋ. Yo a sa laha ndra ti ra ava ma. I njaham hiri le asi naŋ, a sa laha ndra ti ra ava ma.

KORENTIHEY MUCUW NAŊ 9:13

Slra kum magaka hana, da mizli a hĩyãka le na, hã a sa hunumaka Buymisemuŋ asi kum magam ka Ɓimezle ngi Kristu mawuɗo, yo asi vul kum ti gula ti hazum, ti wuɗka zlili kumoy ati taŋ waɗ ati mizli gar na.